الحمد لله على التوضيح وكلامك هو الطبيعي والمنتظر منك
متهيالي صاحب الموضوع لم يخطئ في اختيار العنوان واقرا المشاركات
انا مش عارف ايه وجه الاستغراب
كل الثورات اللي في الدنيا بتعمل كده والا انتو فاكرين ان كلمة ثورة ده لقب اعلامي
الثورة ان لم تغير كل شئ فاسد له علاقة بالنظام القديم وتتسلم الحكم فليست ثورة
طلب مجلس رئاسي مدني معناه طلب استلام الحكم ووجود عسكري حتى يطمئن الجيش على مكتسباته
امال يعني ايه ثورة وتغييييييييييييييييراسئل حد يكون درس قانون وهو يعرفك الفرق يبن صدور قرار بالحبس15 يوم في هذه القضية من عدم صدوره - علي فكرة هو حبس مش سجن-اولا : بعد اذنك يا دكتور محمد السؤال ميكونش كده لان ببساطة ان الجيش عندنا كان ازكى و كان يعلم ان الوضع سيتفاقم اذا تدخل ضد الشعب لذلك هو لزم الحياد و لا ايه تفسير حضرتك لموقف الجيش فى بدايات الثورة
(( الثثوار كانوا بالملايين في الشوارع اما من تتكلم عنهم حضرتك فظهرت شعبيتهم حين دعوا لمليونية الثلاثاء الماضي من اجل اسقاط حكومة شفيق ولم يتشرك سوي الفين فقط ))
ثانيا : ما ينفعش يا دكتور برضه حضرتك تاخد سطر و تسيب سطر و لماذا لم تذكر تجمعات الجمعة اللى قبل الثلاثاء و اللى بعده ثم الملايين اللى حضرتك ذكرتها
طيب احنا متفقين ان الثوار كانوا بالملايين وفي كل انحاء الجمهورية للمطالبة بمطالب الثورة ايا كانت وقتها لانها ليست ما يقال الان
بافتراض ان تولي مجلس رئاسي بدل المجلس العسكري هو مطلب المجتمع والثوار كما
كان الحال من قبل يا ريت نشوف مليونية جديدة تطالب بذلك
وصدقني لو لم يشارك فيها الاخوان لن تكون مئوية حتي - 100 الف -
مش صحيحة حضرتك تعلم ان ليبيا كل سكانها 5 مليون يتركز منهم ما يزيد على المليون فى طرابس و التى يحكم القذافى قبضته عليها الى الان
ثم سؤال قبل ما تنزل الاعداد الكبيرة الم تكن بداية الثورة فقط فى بنى غازى و كانت الاعداد قليلة جدا و لكن بسبب صمودهم بدء انكسار حاجز الخوف عند غيرهم و بدات المتواليات حتى اصبحت فى معظم ليبيا و صدقنى يا دكتور هذه الثورة ناجحة باذن الله لان الثمن غالى و بالتالى المكاسب يتكون عالية و ان احيانا الله انا و حضرتك هنشوف ليبيا بعد تلات الى خمس سنوات كيف ستكون افضل من الخليج مع حكم ديموقراطى عصرى
ان شاء الله تنجح ولسة باقي حبات السبحة في الطريق لكن بالدور علشان كل واحد ياخد حقه في الدعاية والتركيز معاه
وليبيا الاقل من 5 مليون زي ما حضرتك قلت قتل منها حتي الان في التقديرات المعقولة الفين والعدد سيزيد كثيرا فيم عركة طرابلس لو قارنا بمصر وعدد السكان 80 مليون يبقي كان استشهد حوالي 32 الف تقريبا لو لم يكن هناك شئ عظيم اسمه الجيش المصري الذي يقول البعض الان نحن الذين وضعنها ويمكنا عزله ووضع مجلس رئاسي مكانه ويتنمر البعض عليه لاسباب غير مفهومة وغير مقبولة
(( لا يقبل احد التهكم على الشهداء الحقيقييين للثورة المصرية ولم يتهكم عليهم احد فلا تحمل مشاركة الاخ اكثر مما تحتمل وبلاش تبقي حكاية دم الشهداء المبرر لايقاع شهداء جدد كمن قال نفعل كالثورة الفرنسية ونستمر 8 سنوات نقاتل ومن قال وايه المشكلة لما نبقي زي ليبيا ))
يا استاذى مشاركة الاستاذ واضحة وهو لولا الجيش كنا انضمينا الافات الى شهداء الثورة و بالتالى الموضوع لا يحتاج ان حضرتك تدافع عن ما قال
مشاركة الاستاذ لم اجد بها كلمة واحدة تنال من الشهداء
وبخصوص الثورة الفرنسية هاسال حضرتك سؤال و منتظر الاجابة هل حضرتك تعتقد ان اتباع النظام القديم ستستسلم بسهولة للاوضاع الجديدة دون اى جهد و تترك انفسها و اموالها الى الضياع
هل حضرتك رايت اى ثورة سواء فرنسية او بلشفية او الثورة الاسلامية فى ايران
كل هذه الثورات كان ضحاياها اعداد كبيرة جدا وصلت الملايين في روسيا ولا نريدذلك لمصر
او ثورة يوليو فى مصر و قد قامت الثورة و شالت راس الهرم و تركت باقى الهرم يعمل و قالوا كفاية و يالا نروح
ثورة يوليو نحت الملك فاروق وتولي العرش ابنه الامير احمد فؤاد تحت الوصاية ولم ينهي الحكم الملكي الا بعدها بسنة ولم تلغ الاحزاب الا بعدها ب4 سنوات ولم تبدا التغيير الاجتماعي والاقتصادي الا بعدها بسنوات
ولم يقولوا للشئكن فيكون كما يريد بعض المتحدثين باسم ثوار 2011
اما مطالب الثوار من البداية فكانت واضحة من قبل تنحى مبارك و بعد تنحيه و كان من ضمنها المجلس الرائاسى
هات لي ايكلمة من اي مصدر اعلامي من 25 الى 28 يناير يقول ان الثوار يطالبون بتشكيل مجلس رئاسي ومتقوليش البرادعي لان البرادعي علاقته بالثورة كانت يوم 28 في صلاة الجمعة نص ساعة في الجيزة وهرب واشاع انه اتقبض عليه
* لماذا يتم تعديل الدستور مع ان اللجنة المشكلة تستطيع عمل دستور جديد و بالتالى نختصر الوقت و المجهود بدلا من اعادة تعديل الدستور بعد انتخاب رئيس جديد بنفس الصلاحيات القديمة و بعدين اطلب منه ان يتنازل بمحض ارادته عن كثير من صلاحياته الى البرلمان
لان عمل دستور جديد يستغرق ما لا يقل عن 4 شهور ويفتح الباب لمواد لا نريد الدخول في جدل حولها الان يكفينا انقسامات
* المجلس العسكرى اعلن ان حكومة شفيق لن تجرى الانتخابات القادمة اذن فانا لا افهم لماذا لم يتم تغيير حكومة شفيق بحكومة جديدة تكمل الى الانتخابات القادمة و ايه الحكمة من تغيير حوالى 5 حكومات فى ظرف 6 شهور خاصة ان يوجد بعض الكلام الان عن تغيير وزراء الخارجية و الداخلية و العدل و البترول و الخبر ايضا من اليوم السابع التى اتى صاحب الموضوع بخبره منها اذن لماذا التغيير المستمر فى الوزراء و الابقاء على شفيق و بعدين يتم تغييره لو حضرتك فاهمها فهمهالى
ولا فهم لماذا الاصرار على عزل شفيق ونقلل الحكومات اللى اتغيرت الا لو حضرتك شايف ان تغيير شفيق لا يعتبر تغيير للحكومة
وبعدين ما فيه تغيير لبعض المحافظين وووووووو
وغالبا عند الانتخابات ستعزل الحكومة كلها ويتم تشكيل حكومة استثنائية يتولاها الجيش فقط حتي لا يقال ان هناك انحياز وتكون مهمتها الانتخابات فقط
اما بخصوص كلام حضرتك بخصوص التحقيق مع السيد وزير الداخلية السابق و سجنه 15 يوم و الله قرار مضحك ازاى اسجن و احد مسجون
واضح ان فزاعة الاخوان والخوف منهم انتقل بالفعل وهو حقيقيكويس قوي ... أنا حاسس ان النقاش في طريق بناء.
الناس اللي بتطالب بتأجيل الانتخبات رايها انها محتاجة وقت تكون احزاب (كلنا عارفين الأحزاب الكرتونية اللي في كتير منها بياخد أوامره من أمن الدولة) وانها تعمل تحالفات وتنزل الشارع وتعمل مؤتمرات شعبية.
يعني من الآخر يبتدوا من الصفر ... لأن المناخ السابق للثورة من تزوير وتضييق أمني كان يجعل من العمل السياسي صعب للغاية. بس طبعا المناخ اتغيير وهما شايفين انهم محتاجين مهلة زمنية للتنظيم وبناء شعبية.
طبعا جماعة الاخوان يحسب ليها انها قدرت تشتغل في ظل الظروف الصعبة بس واجهة اعتقلات وتنكيل شديد على مر السنين.
بس مش كل اللي بيشتغل في العمل السياسي مطلوب منه يستحمل العذاب ده كله.
يمكن بعد المهلة الطبقة المتوسطة اللي عمرها ما شاركة في الانتخبات وفي نفس الوقت استحالة تبيع صوتها تنضم لحزب معين أو تؤيد مرشح معين عن قناعة.
ويمكن برضو اللي كانوا بيبيعوا اصواتهم يجدوا من يثقون فيه ويدوا اصواتهم ليه من غير ما حد يشتري اصواتهم
مدى عملية الكلام ده؟ الله أعلم ... بس يستحق المحاولة.
بالنسبة لشراء الأصوات، ما بتحصلش في كل دول العالم. أنا عمري ما سمعت عنها إلا في مصر.
في أمريكا بتحصل حاجة أسوء ... هو شراء المرشحين من قبل اللوبيات.
بس للأمانة محدش بيشتري أصوات الناخبين :)
اما شراء اصوات الناخبين في امريكا فحقيقي تماما وخصوصا في الولايات الجنوبية
المفضلات