رابطة مالكى الفليشيا

**adiaa222** · 05-05-2012 02:25 PM

تكملة للمشاكل ولكن هذة المشكلة لم يتم حلها حتى الان
نا رحت العبور بالعربية ولاحظت الاتى
الثرموستات شغل المروحة لما درجة الحرارة وصلت تقريبا 82 درجة ولكن المشكلة فى:
العربية وصلت درجة الحرارة دية بعد 10دقائق من تشغيلها
المروحة مفصلتش خالص لان الحرارة فضلت ثابتة من 82 الى 90 درجة طول الطريق
انا قلت اشوف المية الخضرا اخبارها اية لاحظت انها على max زى اخر مرة يعنى مفيش تسريب
الردياتير عندى نحاس ثلاث ماسورة والمروحة 6 ريشة
ولكنى لاحظت نقط زيت بسيطة على التاكيهات اى يوجد تسريب بسيط لزيت الموتور ولكن عند ملاحظة منسوب الزيت كان بين min - max
مش عارف يكون اية اللى عامل المشكلة دية

**Ali Attia** · 06-05-2012 08:09 AM

السلام عليكم ورحمة الله وبركاته,
انا بفكر اشتري فيليشيا بس معنديش خبرة يعني اول مرة اشتري عربية, عايز نصيحتكم احسن حاجة فيها موديل كام وايه اهم حاجة اتأكد منها وانا بشتري غير انها تكون فبريكا جوة وإيه احسن موديل يكون التكييف بيعمل بكفأة وعايز افهم ايه الفرق بين ال gl و glx وبين الموتور الكاربرتير او غيره وكل المعلومات عشان مالبسش,
وجزاكم الله خيرا

**asaid** · 07-05-2012 03:22 PM

المشاركة الأصلية كتبت بواسطة adiaa222

تكملة للمشاكل ولكن هذة المشكلة لم يتم حلها حتى الان
نا رحت العبور بالعربية ولاحظت الاتى
الثرموستات شغل المروحة لما درجة الحرارة وصلت تقريبا 82 درجة ولكن المشكلة فى:
العربية وصلت درجة الحرارة دية بعد 10دقائق من تشغيلها
المروحة مفصلتش خالص لان الحرارة فضلت ثابتة من 82 الى 90 درجة طول الطريق
انا قلت اشوف المية الخضرا اخبارها اية لاحظت انها على max زى اخر مرة يعنى مفيش تسريب
الردياتير عندى نحاس ثلاث ماسورة والمروحة 6 ريشة
ولكنى لاحظت نقط زيت بسيطة على التاكيهات اى يوجد تسريب بسيط لزيت الموتور ولكن عند ملاحظة منسوب الزيت كان بين min - max
مش عارف يكون اية اللى عامل المشكلة دية

لو كان يوم حر . عادي إن المروحة تفضل شغالة كمان لو عندك ترموستات واطية.

**adiaa222** · 08-05-2012 12:13 AM

المشاركة الأصلية كتبت بواسطة asaid

لو كان يوم حر . عادي إن المروحة تفضل شغالة كمان لو عندك ترموستات واطية.

فعلا متهيئلى ان دة بردة طبيعى لان فعلا اليوم كان حر
وشكرا للتعليق

**hamada_elzayat** · 09-05-2012 03:45 AM

السلام عليكم

انا بدور على فليشيا فلو حد عايز يبيع او يعرف حد بيبيع فليشيا لكن تكون حاله جيده جدا لان دى اول عربيه ليا ويكون السعر كويس بعيد عن جشع التجار ويكون سعر عادل للبائع والمشترى بس اهم حاجه الحاله وبعد اذنكم مش عاوز توكيلات يا ريت يكون الرخصه على طول من المالك ومش مهم فاضل قد ايه فى الرخصه لانى حسجل باسمى على طول ان شاء الله رقمى 01223905175 انا من اسكندريه
شكراااااااا

**mohep** · 19-05-2012 02:11 AM

هاى انا محب ومعايا فليشيا95 لون اخضر 1300 ccكربرتير واحب اكون مع المتفائلون وعندى مشكله ان العربيه بتسخن بسرعه والمروحه بتشتغل بعدال95ويمكن بعد كدا بشويه بالرغم انى مركب ترموستات واضى ومغير المروحه وكمان الميه بتنقص باستمرار

**AhMeD MeTwAlY** · 19-05-2012 02:21 AM

المشاركة الأصلية كتبت بواسطة mohep

هاى انا محب ومعايا فليشيا95 لون اخضر 1300 ccكربرتير واحب اكون مع المتفائلون وعندى مشكله ان العربيه بتسخن بسرعه والمروحه بتشتغل بعدال95ويمكن بعد كدا بشويه بالرغم انى مركب ترموستات واضى ومغير المروحه وكمان الميه بتنقص باستمرار

اهلا بيك يا محب
موضوع السخونه دا احتمال كبير يكون وش السلندر ضرب من منك ويا ريت تكشف عليه في اكثر من علامه ليه ممكن لما تشيل غطا الزيت تلقي في بخار مايه لونه ابيض زي الطحينه كدا دا دليل علي ان الوش ضرب فلازم يتغير

**adiaa222** · 19-05-2012 09:46 AM

المشاركة الأصلية كتبت بواسطة mohep

المروحه بتشتغل بعدال95ويمكن بعد كدا بشويه بالرغم انى مركب ترموستات واضى ومغير المروحه وكمان الميه بتنقص باستمرار

اكيد المشكلة عندك فى الترموستات لانه لو واطى يبقى لازم يشغل المروحة عند 82 درجة او 85 درجة روح لكهربائى كويس وخلية يشوفهولك وان شاء الله تكون هى دية المشكلة

**أحمد جودة** · 19-05-2012 10:29 AM

أهلا بيكو

أنا أخوكم أحمد
عربيتي سكودا فليشيا 96 لونها زيتي فاضية بس فيها سنتر لوك وإنذار

وبتعلم السواقة نصايحكم يارجالة علشان أنا كلت مطب رخم كلفني أكثر من 750 جنية

**المنسي** · 19-05-2012 01:17 PM

المشاركة الأصلية كتبت بواسطة mohep

هاى انا محب ومعايا فليشيا95 لون اخضر 1300 ccكربرتير واحب اكون مع المتفائلون وعندى مشكله ان العربيه بتسخن بسرعه والمروحه بتشتغل بعدال95ويمكن بعد كدا بشويه بالرغم انى مركب ترموستات واضى ومغير المروحه وكمان الميه بتنقص باستمرار

العربية بتسخن بسرعة راجع مع الميكانيكي على ظبطة التاكيهات دى حاجة تانى حاجة هل انت نظفت دورة التبريد بتاعة العربية حتة ان المروحة بتشتغل بعد 95 انا مش فاهمها لان ازاى مركب ترموستات واطى وبتشتغل على 95 ياريت تتاكد من الترموستات وكمان المية اللى بتحطها للعربية نوعها ايه وادام المية بتنقص يبقي اكيد فى تسريب من المواسير او الردياتير ياريت تبص على المواسير والردياتير كويس وقلنا عملت ايه