الموضوع: الدكتور عصام شرف - للرجال مواقف - شاركوا ما تعرفونه عن رئيس الوزراء الجديد

المشاركة الأصلية كتبت بواسطة human12

لا طبعا
تغيير شفيق مطلب من ضمن المطالب

هو ممكن التظاهره يوم الجمعه للتعبير و التأكيد على المطالب الاخرى

بس اعتصام و بيات صرفت نظر دلوقتى

جميل اوى واتمنى ان ده يبقى راى الجميع
كل يوم جمعة الناس تتظاهر لتنفيذ بقية المطالب -بعد تحديدها بالاجماع مش كل واحد لوحده- وتبقى فى مقدمتها حل امن الدولة والاسراع فى محاسبة الفاسدين ايا كان هما مين واستبعاد وزيرى الخارجية والعدل

لكن لو حد طلع بشرط جديد يبقى ده ايه

عاوز بس اتأكد من حاجه واحده

مكتوب انه كان مستشار النقل فى دبى

عاوز اعرف المعلومه دى صحيحه ولا كان مستشار النقل فى ابو ظبى بالتحديد فى مدينه العين

لو هو اللى انا اقصده يبقى مبروك على مصر رجل من الرجال المحترمين

انا اعرف ناس لها علاقه عمل وعلاقه شخصيه به كانت بتشكر فيه وفى اخلاصه لعمله بشكل يفوق الوصف

يا رب يطلع هو او احد الرجال المحترمين اللى مصر تقدر تتشرف بيهم

كان له رؤيا واضحة للى بيحصل وحصل:

ط¹طµط§ظ… ط´ط±ظپ : 12 ط£ظ„ظپ ظ…ظˆط§ط·ظ† ظٹظ„ظ‚ظˆظ† ظ…طµط±ط¹ظ‡ظ… ظپظٹ ظ…طµط± ط³ظ†ظˆظٹظ‹ط§ ط¨ط³ط¨ط¨ ط.ظˆط§ط¯ط« ط§ظ„ط·ط±ظ‚ | ط§ظ„ط¯ط³طھظˆط±

ولو لقيت جديد هحط اللينك

إختيار موفق إن شاء الله و هناك قبول شعبي معقول حتى الأن للرجل عكس شفيق المرفوض اللي كان بيأيده قلة

كلام جميل اوي
بس اللي اعرفه عنه قبل المقال دة
وكل الناس

ان دة سبب الاهمال الجسيم في المواصلات والنقل عندنا وفي النهايه ختمت بكوارث ياريت الي مش فاكر يفتكرها كويس وكان اخرها حادثه القطارين وبعدها تمت اقالته مش استقال بنفسه للفساد والكلام دة

دلوقتي بقي بطل برضه ؟؟
شوية هنلاقي عاطف عبيد وكمال الجنزوري ومحمد البرادعي في تشكيل قادم
وكدة الي معملش ثورة هيقوم يعمل بجد لان الواحد اتخنق
وياريت منمشيش ورا كلام من رؤي واحدة عشان احنا الي بنموت نفسنا بنفسنا تاني

وده رايه على مشاكل المرور والطرق وكان طبعا اتكلم عن مشاكل المرور والحوادث والقطارات فى اللينك الاول

http://www.elbashayer.com/news-419.html

«عصام شرف».. الذي أقسم ممدوح إسماعيل أن يخرجه من الوزارة بسبب تصديه لفساد عباراته

أقسم «ممدوح إسماعيل» مالك العبارة السلام 98 التى غرقت فى فبراير 2006 وراح ضحيتها 1033 مواطنا مصريا، أن يطيح بعصام شرف من الوزارة فى أكتوبر 2005 وذلك عندما رفض تدخله وتدخل زكريا عزمى رئيس ديوان رئيس الجمهورية فى طمس حقيقة إصطدام العبارة السلام 95 بسفينة بترول قبرصية فى السويس، وأراد أن يغير دفة التحقيقات حتى يهرب من التعويض ويحمل السفينة القبرصية التعويض.

وطلب من اللواء حسين الهرميل والذى كان يرأس هيئة السلامة البحرية استمرار التحقيقات ورفض الاستجابة لتدخلات زكريا عزمى، وتحققت مقولة «ممدوح إسماعيل» وخرج عصام شرف فى ديسمبر 2005 بعد شهرين فقط من التشكيل الوزاري الثانى للدكتور أحمد نظيف، وبعد 6 سنوات يعود وزير النقل الأسبق ليقود الحكومة فى أحرج فترات تمر بها مصر خلال مرحلة انتقالية قبيل انتخابات رئاسية وبرلمانية ودستورية.

وبعد أن خرج عصام شرف من وزارة النقل غادر البلاد متجها إلى «أبوظبى» ليشارك هناك فى تخطيط الإمارة بدعوة من الحكومة هناك، ولم يتم تكريمه أو منحه أى مناصب مثل بقية الوزراء اللذين خرجوا.

ويكشف وزير النقل الأسبق فى لقاء جمعه بمحررى النقل أن وزارة الداخلية قامت بسحب «شرطى الحراسة» من أمام منزله فى الدقى فور خروجه من التشكيل الوزارى، وعاد وزير النقل لمصر فى عام 2008 ليشارك فى الحياة الإجتماعية، وأبدى إهتماما شديدا بكوارث حوادث الطرق وأنشأ جمعية خاصة بهذا الشأن وعين مشرف على نقابة المهندسين.

المصري اليوم