الموضوع: الميكروباص خبطني وجري وخدت حقي

المشاركة الأصلية كتبت بواسطة elnakshabandy

ياجماعة ازبل سائقين بتوع خط المطرية المرج
اصلا كلهم عيال شمامه ويستهله اللى حصل

المشاركة الأصلية كتبت بواسطة mxz911

للاسف مع انى مش مع البلطجه بس فى استثناءات منها سواقين الميكروباصات دول لان أغلبهم بيبقى شايل " مخه " وحاطط مكانه فردع جزمه مصديه وواخدينها بلطجه وقله أدب وماشين ف الشارع كأنوا شارع ابوهم وكل واحد عاوز يلحق يلم زباين قبل الميكروباص التانى بكل همجيه وقله أدب وسفاله من غير أى نظام .. انا مرات ببقى راكب ميكروباص أقسم بالله تلاقيها بيتسابق مع ميكروباص تانى عشان يروح الموقف قبله !!!!! وياخده غرز بقى وبلاوى ومش هامه الناس اللى معاه !

انا بصراحه لو مكانك غالبا بنسبه 90% هعمل زيك كده لو قدرت ... وبصراحه اللى عملته ده حاجه تبرد الواحد جدا

بس خلى بالك بقى من نفسك ل يجيلك هوه واصحابه ( سواقين الميكروباصات التانيه ) او يستفردوا بيك فى مره

المشاركة الأصلية كتبت بواسطة tarekmomo

انا شايف انط كدة صح لانك خدت حققك لو كل واحد خاف منهم هيركبونا بعد كدة ولو كنت وقفت فى النفق كان حصلف العكس والسواقين اتلمو علييك

+11111111

المشاركة الأصلية كتبت بواسطة engahmedsayed

انا معاك فى قلى انتا عاملته اه و الله رد غريب عن بقيت ردود الاعضاء
لاول الاعضاء لازم تعرف انتا بتتعامل مع مين سواق ميكروباص
تعالى نقلب الصوره انتا قلى خبط عربيته شوف هيعمل معاك و احنا عارفين هيعمل و ياريت تيجى عليه بس انتا هتلاقى السواقين جايين يجاملو

انا هحكى عن حدث و ايه كان فى شهر الصيام وراجع من الشغل للبيت المهم ماشى و الطريق زحامه مش مستهاله
و القى عربيه ميكروباص طلعه من شارع متفرع و القى طاخ خ خ خ خ خ خبطلى الرفرف وكسرلى الفانوس
وطلع جرى نزلت اشوف العربيه بتاعتى لقيت فيه االمصايب دى المهم جريت على الموقف لقيته واقف بقوله انا ايه قلى عاملته
خبط العربيه و جرييت ليه الدنيا زحامه ومش مستاهله قلى انتا غلطان يا بيه و انا سيبتك علشان الصيام و نلحق الفطار
الدمجرى فى عروقى و هو واقف و السواقين اتلمو معاه منتظرين اشارة البدء قولتالو متشكرين و انا ماشى روحت جايب ورقه وقلم وخد نمرة العربيه روحت راكب القسم بعمل محضر و يارتنى ما كنت عاملت محضر و الله العظيم مكنوش راضيين يعملولى محضر اقولوهم ده خبطنى لا بسيطه طيب اسم السواق ايه معرفش يقولوى ازاى هنعمل محضر لواحد مش عارفين اسمه
اقوله نمرة العربيه يقولى اعمل محضر تبع المرور التابع ليه النمره حسيت انو هما مش عاوزيين يعملو المحضر علشان فى حاجه قولتالو لو المحضر ده متعملش انا هطلع على وزارة الدخليه ادارة التفتيش قلى خلاص هات البيانات
المهم اسال اعرف انو المحضر اتحفظ يسلام على مصر
فا لقيت العربيه دى واقفه فى اشاره و هو نفس السواق المهم سحبت نفسى و جيت قدامو و سيبت فرق اول ما الاشاره فتحت روحت طالع وواقف راح ليبس فى ورا روحت سيبه و ماشى ببص فى المرايا لقيت الاتنين فانوس بتاعه اتكسرو الشبكه و الاكصدام بتاعه اتكسر انا بقى عندى مكنش مهم قد ما كنت فرحان انو خد حقى
و دى قصه مع سواقين الميكروباصات

ههههههههه ده انت قلبك ميت علشان تعمل حركة زي دي يا باشا

المشاركة الأصلية كتبت بواسطة smsm_cato

بصراحة حتة التكسير دى انا شايفها غلط كان كفاية انك وقفتة وعرفتة غلطة وخدت حق التصليح منه الناس اللى هتشوفك بتكسر وتعمل اللى عملتة ده هيفتكروك انت البلطجى البلد لو مشيت كده هنخسر كتير وهنرجع كتير لورا مش هنتقدم ابدا وفى الاول والاخر انا مش بدافع عن السواق لانهم فئة زفت وانا مجربهم بس انا بتكلم عن الموقف عامة

مضطر والله ومكنتش عايرها توصل لحد كدة

المشاركة الأصلية كتبت بواسطة aif

بعد اذنك انت غلطان
اولا : انت عملت زيه بالظبط .... لكن هو ممكن جدا مكانش يقصد انه يخبط سيارتك ... يعني خلاف حول اولوية السير زي اللي بنشوفه كل يوم في كل حته
لكن انت كسرتله المكروباس وضربته واخدت فلوسه متعمد ومع سبق الاصرار لأنك كنت مصر على فعلك ... والترصد لأنك كنت متربص له مع اصحابك ..... اظن تفرق كتير اوي
زي ما الفارق بين القتل الخطأ والقتل العمد مع سبق الاصرار والترصد
..

يافندم حتى لو مكانش قصدو المفروض يعتذر مثلا وكمان مكنش يشتم شتايم من اللي قلبك يحبها
يعني غلطان وبيشتم كمان تخيل كدة


ثانيا : انت اخدت اكتر من حقك ..... وربنا قال
( وإن عاقبتم فعاقبوا بمثل ما عوقبتم به ولئن صبرتم لهو خير للصابرين ( 126 )النحل

هو مش اكتر من حقي ولا حاجة
يعني التلافيات اللي كانت في عربيتوه متعديش اصلا ال 200 + 140 جنيه يعني 340 جنية وانا عربيتي هتتعمل ب 550 جنيه

ثالثا : انت ورطت اصحابك في ذنب بدون ما يشعروا

هما مستنيين حاجة زي دي وفيهم اللي اتلسع قبل كدة


رابعا : ممكن اوي هو كمان يروح يجيب شوية بلطجية وييجو يدورو عليك ويحدث ما لا يحمد عقباه ... وده امر وارد لأنه حاسس انه انظلم وانكم اتكاترتم عليه ودي دايما بتكون بداية الكوارث اللي بنقرأ عنها في الحوادث

ده جبان صدقني ولا يمكن يعمل كدة

خامسا : انت ضربته بينما هو لم يمد إيده عليك .... وافرض انه طلع مريض ولا عنده القلب او جتله غيبوبة سكر راح فيها ..... كنت سيادتك قعدت طول عمرك شايل دمه في رقبتك
...
يغور في داهيا واسف على اللفظ بس ميشتمنيش بالاهل وحضرتك عارف جدا اخلاق سواقين الميكروباصات


استغفر الله وحاول ترد له فلوسه .... كفاية انك كسرتله سيارته بأكتر مما حدث لسيارتك وضربته كمان
..
معلش انا ردي ممكن يكون مش ح يعجبك
لكن صديقك من صدقك .....بفتح الصاد الدال والقاف

ابدا يا فندم انت زي اخويا الكبير وانا عمري ممازعل من حد

فى مرة كنت ماشى على المحور و فجأة المحور وقف ... عادى ... كل واحد ماشى ف حارتة و فاجأه لقيت ميكروباص اللى هو زى المينى باص ، كا فى الحارة اللى على يمينى لقيته فجاة حدف على و راح واخد حارتى كدا من غير اى حاجه تقولى انه هيعمل كدا فجيبتو و بقوله يعنى انت مش شايفنى؟ رد على رد غرييييب جدا( هو مش غريب من ناس زيهم) قاللى شايفك و مش عايز كلام كتير !!! و قعد يشتم عشان يستفزنى و انزل من العربية بس على ميييين ... انا فضلت ماشى لحد ماوصلت عند تقاطع الدائرى و هناك بيبقى فية ظباط كتير رحت قايلهم فلما وصل مسكوه و خدوا رخصتة و كان هيعيط قدام الركاب

المشاركة الأصلية كتبت بواسطة samoooor

فى مرة كنت ماشى على المحور و فجأة المحور وقف ... عادى ... كل واحد ماشى ف حارتة و فاجأه لقيت ميكروباص اللى هو زى المينى باص ، كا فى الحارة اللى على يمينى لقيته فجاة حدف على و راح واخد حارتى كدا من غير اى حاجه تقولى انه هيعمل كدا فجيبتو و بقوله يعنى انت مش شايفنى؟ رد على رد غرييييب جدا( هو مش غريب من ناس زيهم) قاللى شايفك و مش عايز كلام كتير !!! و قعد يشتم عشان يستفزنى و انزل من العربية بس على ميييين ... انا فضلت ماشى لحد ماوصلت عند تقاطع الدائرى و هناك بيبقى فية ظباط كتير رحت قايلهم فلما وصل مسكوه و خدوا رخصتة و كان هيعيط قدام الركاب

والله كلهم محتاجين يتجمعو في مكان ويتنسف بيهم علشان نخلص من الفئة الزفتة دي