تيدا او ليفينا او كارنز

**BassamHafez** · 05-03-2011 11:02 AM

المشاركة الأصلية كتبت بواسطة ramykimo

شكرا ل حضرتك على المرور و التوضيح فعلا الفرق فى قطع الغيار مش كبير بين الثلاثة انا اللى اقصده انى عايز عربية العمر الى مثلا هتفضل معايا 7 سنين مش هتتغيير و مش هتتعبنى ... و تكون واسعة بحيث تستوعب احتياجات الاسرة ... لو الكلام بين التيدا و الليفينا حضرتك ترشح مين؟

انا رايي التيدا سيدان اول فئه لو حضرتك مش من النوع اللي بيسوق على سرعات اكتر من 140

لان ثبات السيدان مش كويس قوي بعد 140 او 150 لكن الهاتش باك ثباتها اعلى بس هاتخسر مساحه الشنطه

**ramykimo** · 06-03-2011 12:04 AM

شكرا لكل الافاضل الى تفضلو بالرد

**superhano** · 06-03-2011 01:12 AM

الليفينا تكسب
http://www.nilemotors.net/Nile/51674-nissan-livina.html
http://www.nilemotors.net/Nile/87817-a.html
http://www.nilemotors.net/Nile/50307-http://www.nilemotors.net/Nile/89809-3000.html

**ramykimo** · 19-03-2011 08:22 PM

من الواضح ان اغلب الناس بتقييد التيدا ... حد ممكن يشاركنى؟

**basemsaeed** · 19-03-2011 11:14 PM

التيدا طبعا حلوة ,و زي ما شرحت لحضرتك قبل كده الفرق بينهم من حيث اللي سوقتهم فعلا مسافات طويلة و طلعت نتائجي عنهم,,و حضرتك لو حتشتري تيدا,,يدوب تلحق لان الاسعار حتزيد بسبب اللي حصل في اليابان ده,,بس للاسف بش عارف حتزيد قد ايه

اهم حاجة صلي استخارة و اتكل على الله

**Dawns_Mist** · 20-03-2011 02:06 AM

ماعرفش أي شيء عن اللينيفا .. لكن أتوقعها محترمه جدا ... لكن كلامي هيكون على التيدا و الكارينز من واقع تجربه..........

الكارينز :
مساحة واسعه جدااااااااا .. ثبات جيد جدا و حتى على السرعات العالية .. فرامل مش بطاله كويسه لكن مش بالقوة المطلوبة .. موتور كويس بس استجابته في السرعات القليلة ضعيفة أوي و تكنولوجيا الفيتيس دايما بحس فيها خلل من بطئ الاستجابه و تسقيط الغيار و الستيبترونيك بتاعها أي كلام... أكبر مشكلة عندي بعد إن سحبها ماكانش عاجبني في العفشة .. بتحس إنك راكب ميكروباص بالظبط ، مش موضوع العفشة ناشفه لكن بتتنطط جوه العربية كتير يعني الدامبرز بتوعها أو المساعديين مش بنفس المستوى.

التيدا :
مساحة واسعه برضه .. الهاتش باك هو اللي أنا جربته و كان ثباته ممتاز .. فرامل ممتازه .. موتور قوي و سحبه أفضل بكتير من الكارينز .. عفشه طرية و مريحه جدا.

في رأيي التيدا هاتش باك تكسب ، لكن لازم تشوف الليفينا الأول برضه لإني ماعرفش معلومات عنها ولا جربتها.

**Formulator** · 20-03-2011 06:56 PM

أعتقد أن الـTiida أفضل واحدة فـ الـ3 اللى أنت بتقارنهم...! (ولو أن عليها كومنتات)..؟؟!
يابانى - ثباتها معقول (الهاتشباك) - واسعة ومريحة...

**Formulator** · 23-03-2011 02:34 PM

المشاركة الأصلية كتبت بواسطة ramykimo

كومنتات زى ايييييييييييه؟

الثبات فوووووووق مش قد كده.. (فوق الـ150-160).. عن تجربة لتيدا هاتش..؟!!
وده عشان أبعاد العربية الغريبة:
- الأرتفاع مقارب جدا للعرض: تكاد تكون مربعة..! +أن العربية أصلا عالية عن الأرض..!!
- المحور الخلفى أكبر من الأمامى: الـTrack من ورا أعرض من قدام..!!! عكس المتبع فـ الـH/B

كل الأبعاد دى.. عكس الأبعاد الرياضية تماما.. أو عـ الأقل الأبعاد اللى بتعزز الثبات, (مش هنقول Sport)..!

المفروض والمتبع: أن العربية تبقى عرضها أكبر من أرتفاعها (برقم ملحوظ), والـtrack من قدام أعرض من ورا.. ويكون أرتفاعها عن الأرض lowered بقدر الأمكان..!!!

لكن كل ده لا يقلل من العربية.. ولا يمنع أنها أفضل من الأتنين.. أنا بس بقارنها بالفئة اللى المفروض تنتمى اليها: الـC-segment HatchBack زى الجولف والبرافو والأسترا والميجان..!! هتلاقيها أقل..!

-

الموضوع: تيدا او ليفينا او كارنز

LinkBack

أدوات الموضوع

عرض

-

-

-

-

المواضيع المتشابهه

احنا كام واحد من ملاك نيسان(تيدا -ليفينا -بلوبيرد -اكس تريل)

مطلوب جنوط سبور اصليه لنيسان تيدا او نيسان ليفينا

أهم موضوعات نيسان (تيدا + ليفينا + بلوبيرد + قاشـقاى ) من تجارب الاعضاء

للنيسانية فقط: تيدا و لا ليفينا

ساعدونى لوسمحتو اشترى تيدا ام ليفينا ؟

الكلمات الدلالية لهذا الموضوع

المفضلات

المفضلات

ضوابط المشاركة