الموضوع: محتاجة اشترى لاب توب بكرررة .. ياريت تساعدونى

المشاركة الأصلية كتبت بواسطة zalpany2000

استاذة hobby10

ربنا يوفقك للخير يا رب
منعا للتشتت ليس الا
عايز اقول لحضرتك علي شوية معلومات بسيطة
حاليا معظم ال brands في اللاب توب متقاربة جدا من بعض ...و الجوده واحدة ... والتصنيع صيني .. بل قد يكون مصنع واحد بينتج نفس البراند اللي حضرتك بتشتريه او بيصنع نفس الاجزاء اللي راكبة في الجهازين

الميزة التنافسية بتبقي في المواصفات الفعلية للابتوب مش في ال brand ، و كمان السعر مقابل المواصفات

حاليا dell و hp كتصنيف تقريبا قريبين جدا من بعض، موضوع التوكيل .... كل التوكيلات في مصر زي الزفت يعني مش فارقة

انما انا شايف حضرتك بنا انك بتقولي شغل برمجة .. وcompiling وهاتتعاملي مع الsharepoint بتركزي علي حاجتين مهمين جدا هما الprocessor و ال ram وفي الحالة دي لو كارت vga intel مش هايفرق معاكي وهايقضي الغرض ...
فتدوري علي موديل يكون رامه عالي و بروسيسسور عالي و ال vga intel علشان يبقي موفر اكتر في الفلوس وتبقي بتستثمري فلوسك في احتياجاتك الفعلية من الجهاز
دي نقطة
النقطة التانية ال os لو اللاب توب dos او free او linux هايوفر معاكي ما لا يقل عن 700 جنيه سعر نسخة الويندوز ... وده خيار مفضل لو حضرتك شغالة في مكان بيوفر نظام التشغيل او حضرتك باحثة او طالبة في جامعة مصرية او لييكي حد قريبك يقدر يجيبلك ويندوز licence ب10 جنيه وطبعا لو بتشتغلي علي linux هايبقي الموضوع ابسط

علي حد معلوماتي ان السقف الادني للجهاز اللي يشتغل مع حضرتك كويس يكون البروسيسور i5 لا يقل عن 2.5
ورام 3 جيجا
غير كده كله مواصفات فرديه وبتختلف من فرد لفرد ... زي اللون .... الشكل ... الحاجات دي

لو مكان حضرتك هاخد المتاح سواء dell او hp وان كان ال hp بيركز علي مميزات ترفيهية زيادة شوية ... شكلا احيانا ... وموضوعا احيانا زي ال dolby audio مثلا الا انهم بينافسوا في السعر بعض وبيفتحوا سوق ... اما التوشيبا .... حاليا الكواليتي بتاعها مابقاش زي الاول ... غالبا وصلت لنفس الدرجة بتاعة الdell و الhp وبسعر اعلي .. وللعلم بيتقفل حاليا بعض موديلات التوشيبا في مصر
بالنسبة للsony .... بالنسبالي انا استبعده لان ممكن تلالقي جهاز بنفس المواصفات اللي احنا بنتكلم عليها في ال dell او hp ب 4000 مثلا
في السوني تلاقيها ب 6000 لمجرد ان اسمه sony
و المشكلتين .. انه برضو صيني .... والحاجه التانية علي حد معلوماتي مالوش وكيل في مصر

اتمني اكون باساعدك في الاختيار مش باصعبه عليكي ... بس هو عموما ركزي في الديل او الhp وقدري هل فرق السعر بالنسبالك افضل ... ولا الشكل والرفاهية احسن ؟ بس عموما كلاهما هايؤدي المهمة بنفس الجوده

تحياتي

هو ده الكلام الصح فعلا معظمهم شبه بعض بس الوحيد اللى made in germany هو الفيجوتسو

المشاركة الأصلية كتبت بواسطة zalpany2000

استاذة hobby10

ربنا يوفقك للخير يا رب
منعا للتشتت ليس الا
عايز اقول لحضرتك علي شوية معلومات بسيطة
حاليا معظم ال BRANDS في اللاب توب متقاربة جدا من بعض ...و الجوده واحدة ... والتصنيع صيني .. بل قد يكون مصنع واحد بينتج نفس البراند اللي حضرتك بتشتريه او بيصنع نفس الاجزاء اللي راكبة في الجهازين

الميزة التنافسية بتبقي في المواصفات الفعلية للابتوب مش في ال BRAND ، و كمان السعر مقابل المواصفات

حاليا DELL و HP كتصنيف تقريبا قريبين جدا من بعض، موضوع التوكيل .... كل التوكيلات في مصر زي الزفت يعني مش فارقة

انما انا شايف حضرتك بنا انك بتقولي شغل برمجة .. وCompiling وهاتتعاملي مع الSharePoint بتركزي علي حاجتين مهمين جدا هما الProcessor و ال RAM وفي الحالة دي لو كارت VGA Intel مش هايفرق معاكي وهايقضي الغرض ...
فتدوري علي موديل يكون رامه عالي و بروسيسسور عالي و ال VGA Intel علشان يبقي موفر اكتر في الفلوس وتبقي بتستثمري فلوسك في احتياجاتك الفعلية من الجهاز
دي نقطة
النقطة التانية ال OS لو اللاب توب DOS او FREE او Linux هايوفر معاكي ما لا يقل عن 700 جنيه سعر نسخة الويندوز ... وده خيار مفضل لو حضرتك شغالة في مكان بيوفر نظام التشغيل او حضرتك باحثة او طالبة في جامعة مصرية او لييكي حد قريبك يقدر يجيبلك ويندوز Licence ب10 جنيه وطبعا لو بتشتغلي علي LINUX هايبقي الموضوع ابسط

علي حد معلوماتي ان السقف الادني للجهاز اللي يشتغل مع حضرتك كويس يكون البروسيسور I5 لا يقل عن 2.5
ورام 3 جيجا
غير كده كله مواصفات فرديه وبتختلف من فرد لفرد ... زي اللون .... الشكل ... الحاجات دي

لو مكان حضرتك هاخد المتاح سواء DELL او HP وان كان ال HP بيركز علي مميزات ترفيهية زيادة شوية ... شكلا احيانا ... وموضوعا احيانا زي ال Dolby Audio مثلا الا انهم بينافسوا في السعر بعض وبيفتحوا سوق ... اما التوشيبا .... حاليا الكواليتي بتاعها مابقاش زي الاول ... غالبا وصلت لنفس الدرجة بتاعة الDELL و الHP وبسعر اعلي .. وللعلم بيتقفل حاليا بعض موديلات التوشيبا في مصر
بالنسبة للSONY .... بالنسبالي انا استبعده لان ممكن تلالقي جهاز بنفس المواصفات اللي احنا بنتكلم عليها في ال dell او HP ب 4000 مثلا
في السوني تلاقيها ب 6000 لمجرد ان اسمه SONY
و المشكلتين .. انه برضو صيني .... والحاجه التانية علي حد معلوماتي مالوش وكيل في مصر

اتمني اكون باساعدك في الاختيار مش باصعبه عليكي ... بس هو عموما ركزي في الديل او الHP وقدري هل فرق السعر بالنسبالك افضل ... ولا الشكل والرفاهية احسن ؟ بس عموما كلاهما هايؤدي المهمة بنفس الجوده

تحياتي

شكرا جدا لحضرتك بجد ان شاء الله استفيد كويس من كلام حضرتك وضحتلى امور كتير :)

المشاركة الأصلية كتبت بواسطة abf-nassar

http://egyptlaptop.com/hp-paviion-dv6-3140ee-clone-2.html
ال hp ده معايا من حوالي 9 شهور ممتاز جدا
500 جيجا للهلرد بسرعة 7200 لفة
4 جيجا رام
وكمان ال dell 5010 ده اشتريته لشقيقي من شهرين ممتاز هو كمان وكان بسعر 3100 جنيه من تكنولوجي مول اللي جنب السراج

فعلا الجهازين دول مواصفتهم كويسة جدا ... شكرا لحضرتك

المشاركة الأصلية كتبت بواسطة shaddadfalcon1

طيب ماتريحي دماغك وهاتيلك ديسكتوب محترم

بصراحه انا مش بقتنع باللابتوب في البرمجه
مفيش احسن من ان الواحد يقعد قدام الشاشه كده ولما تبقي في بج ويتنرفز علي الكيبورد ولا الكيسه ميحصلش اضرار ههههههههه

وخصوصا مع ال SharePoint الغبي ده هيجيلك هسهس

المفروض في الشركه يوفلولك اجهزه وفي البيت انا شايف ديسكتوب قوي مش هيعدي ال 4000 وهيبقي سوبر

انا عن نفسي حتي الان معنديش لابتوب

والله يابشمهندس انا برضه بقالى بتاع 3 سنين شغالة ومفكرتش فيه بس الظروف بتتغير بقى وعلى فكرة انت عندك حق :)


شكرا بجد ياجماعة على مساعدتكم كلكم

المشاركة الأصلية كتبت بواسطة zago

يا راجل يا طيب بتقولك مبرمجه تقولها فوجيتسو ؟؟؟
انا بقى ماليش في حوار البرمجه اصلا علشان كده حقول لينوفو
وانا معايا لينوفو وبصراحه حمار شغل بس مش بركجه لا جيمز وكده وتقريبا بيشتغل 24 ساعه من ساعه ما جبته وداخل على سنه ومش بيشتكي
واختي كمان معاها لينوفو فانا انصح بالماركه دي لكن بالنسبه للمواصفات اللي تنساب استخداك فمعنديش معلومات

انا ليا واحد قريبى محتاجة حاجة بالشكل اللى حضرتك بتتكلم عليه ده فممكن تقولى اسم موديلات كويسة تعرفها

المشاركة الأصلية كتبت بواسطة hobby10

هو الديل كده عالى عليا فى السعر لكن بالنسبة لل hp هو اقلل من السعر المحدد كمان هل ممكن ترشحلى حاجة تانية مناسبة للسعر اكتر

وهل التوشيبا فى موديلات مناسبة ولا الافضل الديل وال hp ؟؟

وشكرا لحضرتك طبعا

الديل عالي علشان مواصفات عالية ولانه بيزنس -انا كنت مشغل لاب لاتيتود سيرفير-
فيه الاتيتود e5500 برسيسور core2duo والكاش 3 ورامات 2 يعمل تقريبا 4900 وممكن تزودي رامات

وفيه الديل العادي
زي دا مثلا
dell inspiron n5010: Corei5-460, 2.53ghz, 3mb, 4gb ddr3, 500gb, 15.6", webcam, ati 550vhd 1gb, dvdrw, bt, black, pink
وتقريبا دا بحوالي 4500

المشاركة الأصلية كتبت بواسطة moustafa_saad

هو ده الكلام الصح فعلا معظمهم شبه بعض بس الوحيد اللى made in germany هو الفيجوتسو

تونيه صغير
مش كل الفوجيتسو الماني
وفيه منه للاسف موديلادت كتير سيئة زي 2515

المشاركة الأصلية كتبت بواسطة ahmed_oth

معلومات قيمه جدا
ممكن حضرتك ترشحلى واحد يكون سعره فى رنج 1500 الى 2000 لاستخدام النت فقط ولا صعب الاقى بالسعر ده
لفتح منتدايات وفيس بوك وايميلات فقط
معلش ماليش اى خبره فى اللاب توب رجاء المساعده

انا عارف ان السؤال مش موجه ليا
بس في حالتك انصح بالنت بوك وسعره في حدود ال 1700 ل 2200 وخصوصا ال asus