الموضوع: تشبيه بسيط علشان الناس اللى مش عايزه تفهم ربنا يكرمهم ويفهموا يارب

المشاركة الأصلية كتبت بواسطة أبو عبدالله

مع كامل احترامي

يا ابو عبدالله
احنا زمايل برة
واعضاء فى مكان واحد
وبلديات
بالرغم من اختلافنا فى الراى لكن احترامنا متبادل

ولكن المثال والقياس مش مظبوطين
ده فضلا عن ان الوضع الحالي ليس كما صورته في مثالك
يعني بلاش نتكلم على اسا ان الناس دي مش فاهمه حاجه واحنا اللي فاهمين بس
انا عمرى ما اقول ان انا بس اللى فاهم ولا اوصف حد بعدم الفهم

لأن الناس دي عملت اللي احنا معرفناش نعمله ولا غيرنا من اللي بنغنيلهم طول الليل والنهار
لما رئيس تركيا يقعد يتكلم معاهم ويطلب منهم انه يروحوا تركيا يعطوا محاضرات للناس هناك
واحنا نقول مش عارفين نحدد ومش عارفين نختار رئيس وزراء
كلام مش مظبوط بالمره
هما اللي اقترحوا اسم عصام شرف ولم يعترض حد الآن منهم عليه
ولو حضرتك قرات راي احد الأفراد فده ليس معناه ان ده رأي شباب الثورة اللي الحكومة ومجلس القوات المسلحة بيقعدوا يسمعوهم واحنا نتكلم عليهم واحنا قاعدين في بيوتنا
ارجع للموضوع ده
هتلاقى عضو معترض على عصام شرف علشان قال ان واحد بيدعيله وواحد بيضيء شموع فى الكنيسة
طيب احكم انت : هل ده سبب ان رئيس الوزرا ما يعجبنيش واشيله


ثانيا مسألة ان اللي في ميدان التحرير مهماش الاغلبية والكلام اللي من النوعية دي
تم الرد عليه بدل المره مليون
الثورات لما بتقوم في اي بلد اللي بيحدد بعد كدخ مصير البلد هم اللي قاموا بالثورة لأن اللي اتحرك واشتغل للبلد هو الأحق بالحديث عن مستقبلها وتحديده بما انه قام بالثورة مع الشعب وليس وحده ولو كان وحده لما نجحت الثورة
ثالثا هما مش بيحكموا البلد وفارضين نفسهم
هما بيحددوا اشخاص معينه علشان يخرجوا من فساد اللي كانوا معاونين للنظام السابق وعاوزين يخربوها لحد الآن
اما بهد كده هيبقى فيه احزاب وديمقراطية ونظام واللي عاوز يثبت نفسه ينزل الشارع وينتخب نفسه
واللي رايه يمين هو حر واللي بيقول شمال هو حر
فبلاش مسألة الاغلبية في البيوت والكلام ده لأن الأغلبية هيا اللي بتتفاعل
طيب الموقف اللى حصل امبارح
هل اللى كانوا فى الميدان من المتظاهرين الحقيقين
هل الناس اللى كل الشاهدين قالوا انهم بعيد تماما عنا ومستغلين الوضع لاغراض خاصة يبقى من الاغلبية
لا
دول ناس بعيد عننا كلنا
وكمان مينفعش نقول
ليك طلب انزل
لان كدة هتلاقى كل الناس بره ، وممكن يحصل اعتداءات بين الناس فيهاستفتاء وفيه صندوق انتخاب
لكن انت اما تقف وانا اقف شوية وهتلاقى الضرب اشتغل
ولو انا وانت مضربنش بعد هتلاقى اللى جه وقال الحقوا الضرب علشان نضرب بعض

ولو كان الناس مش موافقة كانت تنزل تتكلم
اما بقه انك تقولي انهم مش موافقين وقاعدين في بيوتهم معترضين ده كلام غير منطقي تماما انا مش بكذبه ولكن اللي خايف على البلد ومهتم واولوياته اصلا البلد يشتغل مش يتكلم انه معارض بس قاعد في البيت


اللي ميعرفشي ايه اللي بيحصل ياريت يحاول يقرا الاحداث كويس ويراجعها تاني علشان يفهم الموضوع ماشي ازاي
اما اني بقه مش فاهم وبتكلم وبعارض كمان ده بقه اللي مش مقبول بجد
اللهم يسر لنا أمورنا
راجع المواضيع اللى اتكتبت امبارح وانت هتكون راى تانى