اقتباس المشاركة الأصلية كتبت بواسطة hhoo مشاهدة المشاركة
السلام عليكم
ياباشا والله أنا مش عارف أشكرك إزاى بجد
وبردو تعبت حضرتك جداً قبل كدا فى موضوعى أو بالأصح موضوعك لإن حضرتك اللى أثريته بمجهودك الطيب واللى كان عنوانه
"ممكن نعرف كل حاجه عن الE200"
بصراحه مش عارف اشكرك إزاى كفايه إن الموضوع بقاله 10أيام ومحدش جبر خاطرى إلا حضرتك...هههههههههه
............................
لازم ننتهز الفرصه..................هههههههههه هه
ياريت تتفضل وتقولى اسعار الزلمكه تقريباً وبالطبع الحاله النضيفه لإنى بسمع فيها لغاية 130ألف وبردو بسمع 80 ألف
ده أنا حتى من كتر متابعتى للأسعار كان فى حد بيسأل على عربيه وقولتيله تعمل 130 بس كانت فابريكه بصراحه
وبردو بسمع 160فى العيون وطبعاً العيون عيون ياباشا بردو واللى هى على ما أظن w210 فبيتهيقلى الفرق البسيط ده يخليك تركب عيون ولا ايه رأى حضرتك؟
وكمان لما أركب زلمكه بالسعر ده مش يكون أفضل أجيب حته بى إم 318موديل 2002 مثلاً؟
وطبعاً كأوبشن أعلى وكموديل بردو فيه فرق كذا سنه
معلش أسئلتى كتيييييييييييييير أوى وأختمها بسؤال عن w211 اللى هى بعد العيون ياترى الكمبروسير بيكون ايه وظيفته بالظبط؟
لإنى بشوف كلمة كمبروسير مكتوبه جمب موديل العربيه ونفس الكلام فى الفئه سى؟
.......................
مش هقول لحضرتك إلا جزاكم الله خيراً......وياريت تسيبلى تليفونك ع الخاص علشان نشوفك قريب
والسلام عليكم ورحمة الله وبركاته
انا تحت امرك يا باشا و لا في تعب ولا حاجة
بس اعذرني لولا ظروفي كنت حرد علي سيادتك علي علطول
بس حضرتك ممكن تسمع في W124 الحالة الشاذة 120 125 بحد اقصي اما اللي ب80 حالة مش كويسة حتتعبك بعدين و كمان حتلاقي مفهاش كماليات .... ممكن حضرتك ب 100 او 110 تجيب واحدة ممتازة
اما الW210 الحالة النضيفة (حالة المصنع مش رشة بره و لا محتاجه مصاريف) منها من 175 و انت طالع علي حسب الكماليات و الموديل و كمبروسور و لا 200 عاديه
بص حضرتك لازم تحدد الاول عايز تركب ايه ممكن بي ام بس ان الصراحة معنديش عن البي ام فكرة بس متاكد انها عربيه ممتازة اكيد ...و ممكن مرسيدس سواء W124 او W210 و ممكن اقول لحضرتك تجيب ب 160 الف W140 الشبح و دي افضل من الاتنين و عربيه وهم كانت مع الوالد شهر كده و ركبتها كام مرة ...الصراحة اكتر من ممتازة
ممكن سيادتك تجيب واحد S320 6 سلندر استهلاكها مش عالي لان دي تسعينات و طبعا انجكشن (ملتي بونت)
و افخم و اوسع من العيون و فيها كل الكماليات اللي حضرتك تتخيلها و اكتر بس المشكة اعادة البيع ....السوق المصري دي عقيم و انا بكرهه جدا تلاقي الS-class ارخص من الE و تلاقي ال E200 اغلي من الE320 عشان اربعة سلندر ...حاجة تقرف
اما الكمبروسر دا بيكون سويرتشرجر بس في شويه اختلافات بسيطة عن السوبرتشرجر العادي و دا بيدي قدرة حصانية اعلي و غالبا حتلاقيه في الW210 و W211 و W203 و حتلاقيه مكتوب ب الk مش بالC لانه مكتوب ب الالماني مش بالانجليزي