الموضوع: استفسار بخصوص الزلموكه

السلام عليكم و رحمة الله و بركاته

فعلا الأخ الفاضل MBhead مفيش زيه, ماشاء الله, موسوعة مرسيدس.

أنا بس كنت عاوز أقول أن الزلمكة بدأت من 1985 و لحااااااااااااااااد 1996.

من 1985 -1989, بيبقى الشكل اللى فيه جرايد رفيعة عالأبواب.

من 1990 لحااااااااااااد 1996, بيبقى الشكل اللى الأبواب بتاعتها عليها باكتات عريضة من تحت.

ابتداء من موديل 1993 بدأ الشكل اللى فيه الكبوت نازل و محوط الشبكة.

موديل 1993 بس هو اللى فيه الشبكة من أودام بالشكل ده و لكن باب الشنطة اللى ورا لازال بالشكل القديم و الجزء اللى بين الفانوسين اللى ورا منخفض.

من أول موديل 1994, نزلت بباب الشنطة اللى فيه الجزء بين الفانوسين اللى ورا مرتفع بسوا الفانوسين اللى ورا.

بالنسبة للموتور ال111, أنا متهيألى أنه نزل من أول 7-1993.

أنا من رأيى أنك تدور على واحدة موديل مابعد 1990 و تتأنى لحد ماتلاقى واحدة حالتها ممتازة و تتوكل على الله و تشتريها, انها متهيألى أنه هتلعب فى 100ألف جنيه.

و ربنا ييسرلك الأمور و ابقى طمننا و لازم تعملنا تقرير شااااااااااااااامل و كاااااااااااااااامل عن العربية بعد ماتجيبها.