الموضوع: الدعوةُ السلفيةُ تحث الشعبِ المصري على التصويتِ بالموافقة على التعديلاتِ الدستورية

المشاركة الأصلية كتبت بواسطة محمد محمد

وكانت نتيجة يوم 28 ايه؟
تفتكر لو انت مكان المفتي وتعلم او تظن ان المفسدة اكبر من المصلحة وان فيه دماء قد تهدر تقدر تتحمل مسؤولية فتوي بالخروج في المظاهرات؟ام تؤثر السلامة؟
للعلم ما حدث لم يكن خروجا علي الحاكم لأنه ليس خروجا بالسلاح وهذا ما لم يفهمه كثير من طلاب العلم وبعض الدعاة الا متأخرا.

فى هذه الحالة سأصمت يا أخى الفاضل. فلن أطلب من الناس ألا تقول كلمة حق فى وجه سلطان جائر. إن الثورة من أولها كانت سلمية ولم تكن أبدا معتدية وإنما معتدا عليها. وأخيرا يا أخى إن الحاكم كان لا يطبق شرع الله و كان يسمح بالخمر والزنا المقنع والفجور فى الكباربهات وغيرها والتعذيب الوحشى واللا أدمى لمن يعارضه والتعاون مع أعداء الوطن وأعداء الله ويسرق بلده وشعبه ويزور فى ارادتهم أفلو حتى خرج المتظاهرون على هذا الحاكم بالسلاح أفلا يباح لهم ذلك لفعل الحاكم المنافى للشرع؟؟؟ رحم الله أمير المؤمنين عمر بن الخطاب الذى حمد الله أن جعل فى أمة الاسلام من يقومه بسيفه ان أخطأ

المشاركة الأصلية كتبت بواسطة hagan

الاخ الكريم أ.محمود
بما انها شهادة حق فأنا اقسم بالله ان يوم الجمعة 28 يناير
صليت الجمعة كما اصليها دائما بمسجد الفتح بالمعادي
و هو يتبع للجمعية الشرعية (( انصار السنة المحمدية )) و هي سلفية
و الشيخ الذي خطب بنا الجمعة من علماء السلف
و لقد شبه مبارك بفرعون و بما و صلت له حالة البلد من فساد و ظلم الي ابعد الحدود و لم يجرم الخروج للتظاهر
و اللي صلي في مساجد الجمعية الشرعية المعروفة بأنها تتبع المنهج السلفي الكثير منها دعت لتأييد التظاهر
و انا احترم رأي حضرتك و شهادتك و اري انها كانت رؤي شخصية من علماء افاضل اصحاب فكر واحد و هو اتباع القرءان و السنة كمنهج حياة
للدنيا و الاخرة
و اذكر حضرتك بمثال بسيط لاختلاف الصحابة الافاضل في امور كثيرة و مواقف مماثلة اثناء و جود الرسول بينهم او بعد انتقاله للرفيق الاعلي
و الاختلاف في الرؤي لا يفسد للود قضية
و تقبل تحياتي

م.حاتم السباعي

أخى الفاضل أ.حاتم أنا لا أدعى ابدا ان السلفيين مع مبارك او كانوا يؤيدونه ولكن المشكلة ان الرأى الغالب والمعلن هو رفض التظاهر وأنا لا أجد له تفسيرا الا أنه خوف من بطش الحاكم أو رغبة فى الاستقرار ولكن اى استقرار فى هذا الظلام الدامس؟؟؟؟

المشاركة الأصلية كتبت بواسطة أحمد كمال

طيب لو فيه سلفي وحش يبقى كل السلفيين وحشين؟

بنفس المنطق لو حضرتك مثلا من الغربية و فيه غرباوي وحش يبقى كل الغرباوية و حضرتك منهم وحشين؟

بنفس المنطق لو فيه دكتور نصب عليك في فلوس يبقى كل الدكاترة نصابين؟

كلامك يا أ. أحمد صح لو كان موقف فردى لكن الموقف العام للسلفية فى ذلك الوقت كان مثل موقف امام الجامع فيما بعض الاستثناءات. كمان انا مقولتش ان السلفية وحشين انا بقول ان موقفهم خلال بدايات الثورة هوا اللى وحش.

المشاركة الأصلية كتبت بواسطة mahmoud saloum

فى هذه الحالة سأصمت يا أخى الفاضل. فلن أطلب من الناس ألا تقول كلمة حق فى وجه سلطان جائر. إن الثورة من أولها كانت سلمية ولم تكن أبدا معتدية وإنما معتدا عليها. وأخيرا يا أخى إن الحاكم كان لا يطبق شرع الله و كان يسمح بالخمر والزنا المقنع والفجور فى الكباربهات وغيرها والتعذيب الوحشى واللا أدمى لمن يعارضه والتعاون مع أعداء الوطن وأعداء الله ويسرق بلده وشعبه ويزور فى ارادتهم أفلو حتى خرج المتظاهرون على هذا الحاكم بالسلاح أفلا يباح لهم ذلك لفعل الحاكم المنافى للشرع؟؟؟ رحم الله أمير المؤمنين عمر بن الخطاب الذى حمد الله أن جعل فى أمة الاسلام من يقومه بسيفه ان أخطأ

والله يا محمود اللى انا شايفه ان مافيش لي حد من علمائنا ومشايخنا لم يهاجم سواء من سكت او دعا الى الخروج او حرم الخروج
اللى حرم بقي ضد الثورة
واللى سكت قالوا عليه سكت ليه واختفي ليه وطلعوه في الأخر جبان والعياذ بالله
واللى دعا للخروج انكره وجوده وانه قبل الثورة كان ضدها ولما الكفة مالت لصلح الثوار بقي معاهم
فسبحان الله عما يصفون.

المشاركة الأصلية كتبت بواسطة mahmoud saloum

أخى الفاضل أ.حاتم أنا لا أدعى ابدا ان السلفيين مع مبارك او كانوا يؤيدونه ولكن المشكلة ان الرأى الغالب والمعلن هو رفض التظاهر وأنا لا أجد له تفسيرا الا أنه خوف من بطش الحاكم أو رغبة فى الاستقرار ولكن اى استقرار فى هذا الظلام الدامس؟؟؟؟

حضرتك الظاهر كدا لإن دا اللي الإعلام وجه الناس عليه
خصوصا عشان مشايخ الاسكندرية كانوا قالوا لن نخرج وظلوا على موقفهم وقالوا هنهتم بالحراسة وتوفير السلع اتموينية

وحضرتك فعلا كانوا بيحرسوا الشوارع وبيوزعوا بيانات وبيجمعوا المسروقات ويسلموها للجيش وفي فيديوهات وصور على النت بكدا
والسلع التموينية نفس الكلام كانوا بيبيعوا خضار باقل من سعره والانابيب و الأطعمة الرئيسية

بردوا هقول لأ ...

عشان الدستور الجديد يمنع أى حد إنه يفرض دماغه على الناس ..

سواء كان سلفى أو شيعى أو سنى أو مسيحى أو ديموقراطى أو لاعب كرة أو رقاصة فى كباريه .

المشاركة الأصلية كتبت بواسطة seiffoz

بردوا هقول لأ ...

عشان الدستور الجديد يمنع أى حد إنه يفرض دماغه على الناس ..

سواء كان سلفى أو شيعى أو سنى أو مسيحى أو ديموقراطى أو لاعب كرة أو رقاصة فى كباريه .

ايه اللى دخل الرقاصة فى كلامنا دلوقتى ؟؟؟!!!
وبعدين الكلام موجه للسلفين مش للراقصات
قول انت لأ ... براحتك ولا اسكت برضو براحتك
ساعات السكوت بيكون افضل من بعض الكلام