الموضوع: حاجات كنا بنسمعها او نفهمها غلط

المشاركة الأصلية كتبت بواسطة misoalex

youtube - ‫ط£ظ‡ظ„ط§ ط£ظ‡ظ„ط§ ط¨ط§ظ„ط¹ظٹط¯ ظ…ط±ط.ط¨ ظ…ط±ط.ط¨ ط¨ط§ظ„ط¹ظٹط¯ طµظپط§ط، ط£ط¨ظˆ ط§ظ„ط³ط¹ظˆط¯‬‎



بزمتكم مش سعد نبيه ولا انا غلطان

جوة الجول، الفيديو ده أنا دخت عليه عشان اجيبه .. هو ده العيد بجد لازم اشوف العيال راكبين العجل المتزوق وصفاء ابو السعود معاهم .. غير كدة الأغنية مالهاش أي كعم، سواء ركبوا عليها كارتون أو جرافيكس الأصل يكسب
وفي إشاعة مشهورة إن "سعد نبيهة" ده الراجل اللي صفاء أيو السعود بتأجر منه العجل وبتقسم معاه الإيراد كمان :)

الموضوع دة مضحك جدا.
أولا أنا من أعضاء حزب سعد نبيهة.. كنت دايما أسمعها كدة وأنا صغير. بس المشكلة موجودة معايا فى أغانى تانية لحد دلوقتى وأدى أمثلة:
1-محمد حماقىز أغنية: تيجى ما تجيش أنا كدة كدة راضى.
فية مقطع فى الأغنية بيقول:
حتبعد أكتر كان غيرك أشطر أشواقى مش بتقل دى زايدة.
أنا كنت بسمعها كدة:
حتبعد أكتر كان غيرك "أشطش" أشواقى مش بتقل دى زايدة. مين أشطش دة؟؟؟

2-رامى عياش ومحمد عدوية:أغنية :بحب الناس الرايقة.
فية مقطع فى الأغنية بيقول:
كل اللى فقلبة حاجة أول بأول يقول.
أنا كنت بسمعها كدة:
كل اللى فقلبة حاجة أول مأول يقول. عرفت أنى بسمعها غلط بعد أربع أيام.

3-محمود العسيلى وبشرى. أغنية: تبات ونبات.
فية مقطع فى الأغنية بيقول:
حياخدوا حتة من الجنة...حياخدوا أصالة بلدنا.
أنا كنت بسمعها كدة:
حياخدوا حتة من الجنة...حياخدوا قصايد بلدنا.
الأخيرة دية عرفت أنى بسمعها غلط من أسبوعين بس.

نا كنت باسمعها كالتالي:
فن الاسمراني التالت ع الشط بقناديله
و المصري سكته محروسة بقرآنه و انجيله

طبعا حاجة بلا معنى نهائي :D

السطر التالت اللي هو
النيل الاسماراني فارد ولا فارش مش فاكر عالشطين قناديله :D
كنا بنغنيها واحنا في المدرسة زمان
فالمدرسة اديتني المايك
وانا شغال بقى
النيل الاسماراني فارش عالشطين مناديله ههههههههههه
ومنسجم اوي مع الغنا
لحد ما جت جنب ودني كدة بالراحة وقالتلي قناديله مش مناديله على فكرة :D:D

كنت بسمعها سعد نبيهة:

انا برده كنت باسمعها كدة وانا صغيرة
لا واغنية ياسمين الخيام
الله الله على المستقبل
باين فى عيون كل ولادنا
بجهودنا يا ناس هايكون اجمل

انا بقى كنت باسمعها
ادعولنا يا ناس
هاهاهااه

المشاركة الأصلية كتبت بواسطة dolly13

كنت بسمعها سعد نبيهة:

انا برده كنت باسمعها كدة وانا صغيرة
لا واغنية ياسمين الخيام
الله الله على المستقبل
باين فى عيون كل ولادنا
بجهودنا يا ناس هايكون اجمل

انا بقى كنت باسمعها
ادعولنا يا ناس
هاهاهااه

ربنا معاكي ويوفقك

المشاركة الأصلية كتبت بواسطة mesaharaty

إمبارح برضه كنت باتفرج على قناة الحياة تقريبا وفيه مسلسل كوميدى بتاع حسن حسنى والله مش فاكر إسمه وكانت الحلقة عن العيد
طيب والله كانوا بيغنو سعد نبيهة وسألوا نفسهم نفس السؤال الازلى : مين سعد نبيهة ده ؟

وخد عندك ضحك بقى للركب وطبعا افتكرتكم كلكم

ده العيب مش فينا بقا
العيب فى ابله صفاء