حاجات كنا بنسمعها او نفهمها غلط

**mahmoud5777** · 14-04-2011 11:14 AM

المشاركة الأصلية كتبت بواسطة Chicco

إحم إحم... بمناسبة موضوع كريم باشا منير عن أمل و عمر .....حد فاكر Sandy و Sue بتوع look listen & learn ....كنت فاكرهم يقربوا لعمر و أمل من بعيد و أنا صغير .....عادي يعني دول كانوا في حصة العربي و دول كانوا في الانجليزي

sandy هاهاها دانت قديم وموغل فى القدم ياه حفرت نص ساعة فى دماغى لغاية ماجبتها فاكر درس الروبوت انا بقا كنت عاوز واحد ومازلت بصراحة موش هاكدب

**TaoTao** · 23-07-2008 07:41 PM

تحكي لي والدتي أنه لما كانت المذيعة تعلن عن أغتية للفنان "طلعت عطية" كنت أسألها في حيرة "طِلْعت فين؟!"

**OlaOsman** · 29-09-2008 09:37 PM

بما إن العيد فرحة.. فأكيد سعد نبيهة مش هايحرمنا منه العيد ده :)

كل سنة و انتوا طيبين :)

**OlaOsman** · 12-02-2009 07:57 AM

المشاركة الأصلية كتبت بواسطة TaoTao

تحكي لي والدتي أنه لما كانت المذيعة تعلن عن أغتية للفنان "طلعت عطية" كنت أسألها في حيرة "طِلْعت فين؟!"

و يا ترى عرفت دلوقتي يا تامر عطية طلعت فين؟

**TaoTao** · 13-02-2009 09:23 PM

المشاركة الأصلية كتبت بواسطة OlaOsman

و يا ترى عرفت دلوقتي يا تامر عطية طلعت فين؟

آه طِلْعت آوت

بمناسبة أغنية عفاف راضي فيه أغنية "أما براوة" لنجاة .. سيبك من إني مافهمتش براوة دي غير بعد 20 سنة

فيه مقطع بتاع:
حبيبي لما لقاني .. مريت قُباله
شال طرف شالي وسقاني .. وطرف شاله

وتكررها حوالي 5 مرات أكون أنا زهقت من الأغنية واقول لنفسي إيه الكلام ده؟! واخترع تفسير للكلام ده عشان افهم:
حبيبي لما لقاني مريت قباله
شال طرف شالي وسقاني وطار في شاله

بس حسيت إن الموضوع مش راكب، يعني لو كانت "طار بشاله" أو "طار على شاله" (على أساس إنه بساط الريح) كانت تبقى مبلوعة.

لغاية ما عرفت إن فيه كمالة للكوبليه بتوضح كل حاجة:
"طرفلي عيني .. ياعيني بس بهداوة
أما براوة .. على الهداوة"
بالذمة العيب في مين ؟!

**Terrible_DaRsH** · 12-02-2009 08:16 AM

مش قادر اقرا الموضوع من اوله والله ..
لان ده مش كسل طبعا :)
بس فى اغنية (رمضان جانا) ...لعبد المطلب .
لحد لما كان عندى 15 سنة كنت بحسب الاغنية بتقول
( رمضان جانا وفرحنا له ) ..
فين وفين بقي لما عرفت ان الاغنية بتقول
( رمضان جانا وفرحنا بُه ) ...
مش عارف ده طرش ده ولا ايه ..
:k38::k38:

**نور العمر** · 12-02-2009 10:09 PM

المشاركة الأصلية كتبت بواسطة Terrible_DaRsH

مش قادر اقرا الموضوع من اوله والله ..
لان ده مش كسل طبعا :)
بس فى اغنية (رمضان جانا) ...لعبد المطلب .
لحد لما كان عندى 15 سنة كنت بحسب الاغنية بتقول
( رمضان جانا وفرحنا له ) ..
فين وفين بقي لما عرفت ان الاغنية بتقول
( رمضان جانا وفرحنا بُه ) ...
مش عارف ده طرش ده ولا ايه ..
:k38::k38:

**pro_samir** · 12-02-2009 09:27 PM

هههههههه
اية الموضوع الجامد دة

الواحد وهوا صغير تقريبا كان بيسمع من الشمال لليمين

اكتر حاجات كنت بسمعها غلط كان عندى الشريط بتاع الليلة الكبيرة بتاع سيد مكاوى

وشريط الوارثين بتاع ايمان البحر درويش دول اكتر حاجات كنت بسمعهم فى العربية وانا صغير

اة وفى شريط كمان كان اسمة لبنانيات

طبعا لو حد سمع حاجة من اللى قلت عليهم دول هيتخيل كمية الحاجات اللى ممكن تتسمع غلط لطفل بيسمع الحاجات دى ههههه

وفى حاجة كمان بقى مأثرة على نفسيتى قوى

كنت على طول وانا صغير بسافر مع والدى يعنى ميقلش عن 3 مرات اسبوعيا وفى الأجازة تقريبا يوميا

المهم كل ما نعدى على طوخ يحكيلى حكاية معرفش مين اللى كان بيخطب فى شعب طوخ وبيقولهم طوخ لكم وأنتم لطوخ

وكل ما نعدى عليها يقولهالى ويقعد يضحك

وانا ابتسم واستغرب هواا بيضحك لية

لحد ما فى مرة وانا فى ثانوى معرفش اية اللى جاب سيرة طوخ وانا قاعد مع جماعة اصحابى فى الفصل وحد منهم قال موضو وأنتم لطوخ

مرة واحدة نورررت فى دماغى وفهمت آآآآآآآآآآة كان بيضحك على و أنتم لطوخ لـ طوخ هههههههههههههههههههههه

يعنى بتاع 10 سنين على ما خدت بالى منها هههههههههه

**نور القمر** · 13-02-2009 12:26 AM

سعد نبيهههة انا كمان كنت بسمعها كدة

وفي اغنية تاني لمحمد ثروت وهاني شاكر راكبين على مركب مش فاكراها دلوقت وفي وسط الاغنية بيقولوا معرفش ايه كدة قلوبنا
انا كنت بسمعها لبنى ههههههههههههههه وفاكراهم بيغنولي

-

الموضوع: حاجات كنا بنسمعها او نفهمها غلط

LinkBack

أدوات الموضوع

عرض

العرض المتطور

- انشر الموضوع فى :

-

-

-

المواضيع المتشابهه

أحسن 5 حاجات و أسوا 5 حاجات في العربية

حكمة لو نفهمها ونعقلها كلنا هانرتاح

أيه حكايه المشاكل الكثيره اللى بنسمعها على الفتيس الاوتوماتيك 1600

ما معني اسماء الاضافات والكماليات اللي بنسمعها دي ....؟؟؟

الكلمات الدلالية لهذا الموضوع

المفضلات

المفضلات

ضوابط المشاركة