آخر مرة كانت عربيتى فى التوكيل فى صيانة ال60 ألف كانت الفاتورة ب 2000 جنيه فهل يمكن أحد يقوللى صيانة ال65 ألف و ال70 ألف تكاليفها أد إيه تقريبا و لا أكبر دماغى و أشوف أى حد صيانة برة ... سيارتى فيرنا 1600 أتوماتيك
آخر مرة كانت عربيتى فى التوكيل فى صيانة ال60 ألف كانت الفاتورة ب 2000 جنيه فهل يمكن أحد يقوللى صيانة ال65 ألف و ال70 ألف تكاليفها أد إيه تقريبا و لا أكبر دماغى و أشوف أى حد صيانة برة ... سيارتى فيرنا 1600 أتوماتيك
انا بصراحه ماعرفش بس 2000 جنيه كتير اوى
ممكن بمناسبة حوارات البنزين اليومين دول نتكلم عن بنزين الفيرنا والفيفا
بنحط بنزين كام ( 90 - 92 - 95 ؟؟ )
وبيعمل كام كيلو؟؟
بس كل اللى بيعمل هذه الصيانة بالذات بيتكلم فى الرنج دا عشان بيغيروا كل الفلاتر و السيور و الذى منه بس طبعا أنا خايف عشان داخل الصيانة اللى جايه و مش طالبة طبعا مبالغ إضافية فياريت حد يفيدنا يا جماعة
هوا مفيش لمبه للإنذار ؟؟ انا معايا فيرنا 1600 فول .. ولما بقفلها بالريموت مفيش ليد بينور كده عادي؟؟
االأنواع التانيه بيبقي فيه ليد بينور ويطفي .. ليه هيونداي مفيهاش ؟؟
الفيرنا كلها بنزين لا يقل علي 92 علشان تتجنب المشاكل و تاخد افضل اداء
لو سمحت انا كنت عايز اعرف الفيرنا فيفا كام هورس باور و كنت عايز اعرف اذا كان فيها عيوب ولا لاء و لو فيها عيوب ازاي اقدر اعالجها و شكرا و اسف للاطاله
الفيفا مش حاقدر افتيلك فيها فتوي دقيقة هيا تقريبا اكتر من 90 هورس باور
1.5 SOHC Engine (Refined power) - The 1.5 SOHC in-line-4-cylinder engine delivers 94 ps of power and 12.5 kgm of torque, offering superior refinement and drivability that is a benchmark for cars in its class.
94 حصان حسب موقع السياره الرسمي
http://hyundai.co.in/accentwebsite/n...me=engineering
لايوجد لمه للانذار فى الفيرنا ده شى عادى
يعني الفيرنا 2004 مصري ولا كوري ؟
لمبة البطارية و المياه و الزيت بتفضل منورة بعد ماتفتح الكونتاكت و بتطفي بعد ماتدور
ده عادي ؟؟؟؟
و سير الكاتينة بعد ما يتغير بيعمل صوت غريب ؟؟
و امتى الصوت ده يختفي ؟؟
جبت خلاص فيرنا موديل 2006 على 54 الف وفاضية مافيهاش غير بور وتكييف وهى 1500 سىسى بس حاسس ان المونور صوته عالى ودواسة البنزين ناشفة شوية والغريب انى اكتشفت ان صاحب العربية اشلراها من 15 يوم بس وغير فيها بوجيهات وبقولى الضمان خلص
ايه رايكم
على فكرة انا كان معايا افيو فول اوبشن والصراحة كانت احلى من الفيرنا بكتير خصوصا فى عزل الصوت والهدوء
بعد ما بركب سير الكاينة بيعمل صوت زي تصفير عالي بروح للراجل الي بيركبة بيريحة او ياخد بوشة سنة بسيطة جدا ما كان ما اشتغل
هذا الرابط موجود به صور لكتالوج فيرنا ارجو ان يستفيد منه الاعضاء
http://www.nilemotors.net/Nile/showthread.php?t=25346
حد يعرف تمن الاسطوانة و الديسك و الكبالنج بتوع الفرينا اية نظامهم و بكام جوه التوكيل و بره
معنديش فكره و الله ياحماده عامه انا رايح ابورواش بعد بكره هسالك
ربنا يكرمك احسن حاسس ان العربية دية بتجيب ديسك و اسطوانة بسرعة مش عارف لية يمكن من ضبطة الدبرياج بتاعتها و لا اية الله اعلم
يا باشا ،،
انتا عالطول فازعنا ،،
عموما ،، أتأكد الأول ان كل حاجة مضبوطة ،،
بخصوص الديسك و الإسطوانة ،،
أدي تجربة واحد غيرهم ،،
http://www.nilemotors.net/Nile/showthread.php?t=14120
400 جنية بس بالتركيب ،،
هوا عموما عضو عنده مكتب ايجار و بيشكر في الفيرنا جدا ،،
ممكن تقرأ مواضيعه ،، و تراسله هيفيدك جدا ،،
الف شكر يا سيدي و ربنا يخليك و انا اسف لو فزعتك
بس برضة ما قالش دول كانوا استعمال و لا جديد و لا من التوكيل و لا اصلي و لا اية موقفهم من الاعراب
ايه اخبار الديسك والاسطوانه يا مان
لسة مفيش اي حاجة ولاهي برضة بخوصوهم عايزين حد يكون يدينا سعر ليهم من جوا التوكيل بالتركيب و بره
ده بقه الكاتلوج الكامل للفيرنا ،،
الجيل الحالي ،،، عشان الكاتلوج اللي حضرتك جايبه بتاع الجيل اللي قبله اللي هوا الفيفا
فيه كل المواصفات بالتفصيل ،، سيدان و هاتشباك سبور
فايل PDF
http://worldwide.hyundai-motor.com/d...ure/accent.pdf
هيعجبكم جدا ،،
المقاسات مثلا ،،
http://www3.0zz0.com/2008/05/24/15/404643849.jpg
شكراااااااااااااااااااااا ا ليك
استاذ احمد انور بصراحة انا لما شفت الفايل اللي حضرتك حطيته اتعقدت الفيرنا (الاكسنت ) اللي بتنزل بره جميلة اوي وفيها حاجات كتير ممتازة انا اكتر حاجة عجبتني الكسوة الجلد بتاعت عصاية الفتيس سواء في المانيوال او الاوتوماتيك شكلها تحفة ده غير مساحة الازاز الخلفي ولمبة الاشارة اللي في الرفرف وطارة الدركسيون الجميلة والجيب اللي في جنب الكرسي وفتحة السقف وال air bag بصراحة حاجات كتير اوي جميلة كنت اتمني تكون عندنا في الموديلات اللي بينزل مصر لكن اكيد كان سعرها حايبقي نااااااااااااااااار
وشكرا مرة اخري لمجهودك
متهيألي لوكانت بتنزل لنا كان زمان تمنها وصل لاول موديل في الالنترا (علي فكرة اريال الفيرنا اتكسر انهارده بسبب العيب الرخم ان الاريال طالع علي طول حتي لو مش مشغل الراديو الموضوع ده ياجماعة كلفني 60 جنيه (43 جنيه اريال وكمان مالقتش بتاعها ركبت بتاع اللانوس بس بيأدي الغرض و15 جنيه للكهربائي و2 جنيه بقشيش للواد بليه اللي عمل الشغل ) بس الكهربائي قاللي ممكن اخلي الاريال يطلع بزرار بس انا خفت يبوظ حاجة قلت خليها زي ماهي وربنا يستر ومايتكسرش تاني )
يا جماعة موضوع الآريال دا عيب الكاسيت التعبان اللى نازل معاها...... أنا لسة مركب كاسيت سونى الآريال مش بييطلع إلا مع تشغيل الراديو و دا الصح
صحيح هو انا ممكن اروح اغير الكاسيت عند عشم نوار و مطلعش من الضمان ؟؟
يا ريت لوحد عمل صيانة ال25000 كم يقوللنا اتكلفت كام؟
و هي الصيانه عموما بتتكلف كام
يعني من الاخر اخد معايا كام و انا رايح الصيانه
اصلي للاسف عمري ما عملتلها صيانه قبل كده
هيه هاتتكلف 115 ده تمن الصيانه غير تمن قطع الغيار و الضريبه يعنى منالاخر خد معاك 400 و ان شاء الله مش هاتصرفهم كلهم
شباب .. معايا فيرنا 1600 عامله 2500 كم ..لقيت لمبه فرامل اليد منوره علي طول ...شديت فرامل اليد وسيبتها كذا مره بس اللمبه منوره علي طول..بس سحب العربيه عادي .. قولت اشوف زيت الفرامل .. وجدته عند Min بالضبط .. مش عارف كده ممكن يكون زيت الفرامل هو السبب ولا ايه .. وينفع امشي كده بيها لحد صيانه 5 الاف ..
الحاجه التانيه اكتشفت اني نسيت اقفل غطاء علبه زيت الفرامل ..ورحت ادور علي الغطاء لم اجده .. حد يعرف اجيبه منين وبكام .. بس بلاش التوكيل اعتقد هيقولولي 50 جنيه مثلا وده غطاء بلاستيك ميساويش 5 جنيه
تقريبا بنسبة كبيرة زيت الفرامل هو السبب في ان لمبة فرامل اليد تنور لان العربية لسه جديدة ملحقش يحصل بيها عيب في ماكينة لمبة الفرامل وحضرتك لقيت الزيت ناقص شوية لازم تزود زيت الفرامل واهم من الزيت الغطاء لان زيت الفرامل يؤثر تاثير مباشر على دهان السيارة فمهم جدا ان تغلق خزنة زيت الفرامل وممكن تشترى خزنة كاملة وتستعمل الغطاء فقطاقتباس:
شباب .. معايا فيرنا 1600 عامله 2500 كم ..لقيت لمبه فرامل اليد منوره علي طول ...شديت فرامل اليد وسيبتها كذا مره بس اللمبه منوره علي طول..بس سحب العربيه عادي .. قولت اشوف زيت الفرامل .. وجدته عند Min بالضبط .. مش عارف كده ممكن يكون زيت الفرامل هو السبب ولا ايه .. وينفع امشي كده بيها لحد صيانه 5 الاف ..
الحاجه التانيه اكتشفت اني نسيت اقفل غطاء علبه زيت الفرامل ..ورحت ادور علي الغطاء لم اجده .. حد يعرف اجيبه منين وبكام .. بس بلاش التوكيل اعتقد هيقولولي 50 جنيه مثلا وده غطاء بلاستيك ميساويش 5 جنيه
ياريت فعلا ياجماعة حد يفيدنا بالنسبة لموضوع الكاسيت بيخرج العربية من الضمان وللا لأ ؟
يمكنك الإتصال بالتوكيل لتأكيد ذلك و لكن بنسبة 99% لا يخرج من الضمان طالما عند كهرباءى معتمد عند غبور مثل عشم نوار
مشكله ظهرت عندي
العربيه بعد اما تعدي الميه بتطلع زنه جامده جدا من ورا التابلوه ناحيه اليمين
عند الدرج
دي من ايه
لاني خايف منها بصراحه و مش هقدر اروح الصيانه الان
و اكرر مبتطلعش الا بعد اما اوصل ل 100 اقل من كده مفيش حاجه
لو عاوز اركب زينون فى فيرنا 2005 1500 سى سى يا ترى بكام وهل التوكيل بيبيع ولا لا