الموضوع: كل شئ عن 620

شيل كبل البطاريه شويه ووصله تانى وقولى ايه الأخبار

بالنسبة للعربية دي ياريت حد يفيدني عنها وعن توافر قطع الغيار واسعارها وهل افكر فيها ولا بلاش لان فيه ناس قالتلي ابعد عنها

المشاركة الأصلية كتبت بواسطة rabet007

يا جماعه انا فيه مشكله عندي ومحتاج مشورتكم فيها ومش عارف اعمل ايه ؟

انا لما كنت في مركز المتحده وجيت اغير البوجيهات واحنا بنطلعها لاقينا زيت علي البوجيهات تمام

المهندس حسين قالي

محتاجه حاجة من الاتنين

تغييير وش الجوان الكاوتشي ده والكلام ده

او ممكن يكون العيب من الأوليسهات

وانا ممكن احلها ليك وكده

وفعلا هو كشف علي الماتور وقالي ان المشكلة ممكن تكون بسبب ان الصيانه الاخير الراجل مش نظف مكان الشغل كويس
ولما كشف علي العربيه اعتقد انه وجد وهو صريح جدا وامين
ان المشكله
في حاجة سوداء علي شكل دائري الي نازله فيها البويجهات
طيب يا عم الحاج
نعمل ايه عاوز تتغير وكده

بس قالي انها مشكله بسيطة جدا ومش تجيب اى قلق
ان بقية حالة الماتور كويسة ومش تستدعي المشكلة الكبيرة الي انا عاملها

اتمني المشورة


انا لما قرات
علي صفحات الانترنت

للاقيت ناس بتقول

ده ماتور خفيف ومحتاج عمره ومش عمره

لكن بؤكد ليكم

مفيش اى تسريب للزيت
الزيت مش بيقص خالص
والحمد لله مش بتأكل زيت
سحبها كويس تماما
البنزين كويس
مفيش اى مشكله ظهرت لما كشفنا كمبيوتر

هما فكوا وش الماتور

ونظف كويس

وقفل تاني

وعمل سيلكون علي حاجات الي بتنزل فيها البوجيهات

لونها اسود راسها دائري كده

السلام عليكم ورحمة الله

صديقي العزيز ............. حقولك من ايه بس يارب تصدأني

المشكله تتلخص فى نوع الزيت , اكيد حضرتك فاكر انا كام مره قلتلك "لازم تحط النوع الموصي به للموتور ده
وسامحني فى الكلمه , اي ميكانيكي مش حيعرف الاجابه دي لانهم ماعندهمش الناحية العلميه بيعتمدوا فقط علي النواحي التجريبيه ونقل الخبرات من الاصطوات

باختصار :

نوع الزيت الغير متتطابق مع الموتور يؤدي الي :
1- الزيت الثقيل زيادة الضغط علي الاجزاء الداخليه ....... مما يؤثر فى خروج الزيت من اضعف مكان
والنقيض.....الزيت الخفيف يؤدي الي تسريبه سريعا من اقل فتحه ويعلي صوت الموتور ويقلل عمره
2- الثقيل, يقلل صوت الموتور .....فنفرح ..... وهو فى الواقع كاتم الحكه مما يؤدي فى زيادة استهلاك البنزين ثم تغيير الاويلسيهات مبكرا ثم الجوانات ثم الشنابر

رجاءا لا تحزن الموضوع بسيط تمام زي ماقالك الاسطي حسين ....... ولو غيرلك جوانات وقفل كويس

احب علي يدك ............ روح غير الزيت ده بزيت شيل الترا 5w-40 او لو مالقيتوش حط مكانه زيت توتال كوارتز 5w-40 واشتري واحد كيلو زياده علشان -زي مانت عارف- بتاخد نص لتر زياده مع تغيير الفلتر
وكمان غير البوجيهات لو باظت ....ببوجيهات 3 شمعه

بالتوفيق ان شاء الله
دمت فى امان الله

المشاركة الأصلية كتبت بواسطة amirz

بالنسبة للعربية دي ياريت حد يفيدني عنها وعن توافر قطع الغيار واسعارها وهل افكر فيها ولا بلاش لان فيه ناس قالتلي ابعد عنها

شوف حضرتك محتاج ايه من العربيه ونوع سواقتك ايه علشان نقدر نساعدك لانها ممكن ماتناسباكش وممكن تكون مرسومه عليك

قطع الغيار متوافره ورخيصه