الموضوع: كل شئ عن 620

المشاركة الأصلية كتبت بواسطة rabet007

بجد يا جماعة انا شايف ان العربيه محترمة بسم الله ما شاء الله
اى نعم اللون الاسود مجنن اهلي علشان النظافه والتلميع وكده ولكن بجد عربيه محترمة

ولسه عاوز ابقي اغير الكاوتشك ان شاء الله هاجيب هانكوك نفس المقاس ان شاء الله

وربنا يكرمك

بارك الله فيكم

وبجد انتم اخوه وانا فخور ان امتلكت هذه السيارة
ربنا يكيفيني شرها ويعطيني كل خيرها

فعلا العربيه دي محترمه جدا ..... وقطع غيار رخيصه

بالنسبة للكاوتش
ماتعملش زيي..... انا جبتلها من فتره لاتتجاوز سنه .......4 كاوتشات جداد طراي وجمال جدا وسعرهم غالي برضه
نوعهم "كونتيننتال" وكنت حاسس اني ماشي علي ملبن
لكن بعد وقت قصير ومع المطبات العظيمه بتاعتنا ........ 2 منهم جابو بلالين (قطع سلك) ومحتاجين تغيير

ولما قرأت وسألت ...... لقيت ان العربيات التقيله يفضل لها كاوتشات تكون ناشفه او تميل للقوه , لان وزن العربيه بيأثر تأثر مباشر علي عمر الكاوش ... طبعا بالاضافه للمطبات والطرق المليانه زجاج مكسور

هانكوك ...... يعتبر من افضل الكوري الموجود (وكمان سعره غالي)

بالتوفيق ان شاء الله

المشاركة الأصلية كتبت بواسطة rabet007

الصراحه الكاوتش الهانكوك زي الفل انا كنت جايب ال 4 مقاس 13 في الفيرنا ب 1400 :) وبالفيزا كمان هههههههههههه
مبارك علي الخد العربيه زي الفل والله

سالت في بريدج ستون الفرده ب 850 جنيه مصري يعني الاربعة يعملو 3200 او 3200 بالترصيص والكلام ده
الهانكوك حوالي 750 او ممكن اقل
هاشوف اضعف فردتين واغيرهم واداهم اغير الفردتين الاخرين

:)

طبعا ده المتوقع ...... لاني سألت عن الهانكوك لقيتهم بنفس السعر ده
ممكن تركب نوع نيكسون الكوري ......... سعرها من 550 الي 600ج وكويسه

بالتوفيق

المشاركة الأصلية كتبت بواسطة rabet007

تمام يا باشا لو انت هتغير في المتحده نبقي نتقابل هناك
ولو عندك حد كويس ياريت تقولي عليه حتى علي الخاص ان شاء الله
انا لما زودت الزيت الصراحه المؤشر بقه مضبوط علي العلامه الي فوق في المقياس
مش عارف ليه
علي العموم هابقي اشوف الفتره الي جايه لما انزل حتى مقياس الزيت عامل ايه
ان شاء الله تبقي كويسه
الصراحه الزيت كان نازل منها مهبب
انا حطيت زيت 5000 شيل لحد ما اقبض بس وانزل الزيت ده ادام شويه قبل موعده علي 3000 مثلا واحط بقه زيت 10000 زي ما حضرتك قولت
انا علي فكره
سالت عن سعر سير الكاتينه مجموعة السيور عامه
البليه والكلام ده
ب 600
وبالنسبة لسعر فلتر الزيت
ب 30 جنيه
وبالنسبة للبوجيهات 60
فلتر الهواء
ب 45
ولسه عاوز اعرف فلتر البنزين بكام

زي ماقلتلك مفيش حاجه اسمها زيت 5000 او 10000 ....... الفكره كلها انك تجيب نفس نوع درجة اللزوجه........ ايا كان النوع الزيت مش حيفرق نوع الشركه
لانه بيأثر علس سحب البنزبن وعلي عمر الموتور

تحياتي

المشاركة الأصلية كتبت بواسطة rabet007

صباح الفل يا رجاله اسبرانزا 620
عاملين ايه يارب تكونوا كويسين ان شاء الله

وبشكر الاخ الكبير الشبح علي مجهوداته

ربنا يكرمه

لو حضرتك تقصدني ...... انا شاكر جدا جدا ليك وانا تحت امرك واي حد عايز اي حاجه علي قدر معرفتي
بس قولي ازاي عرفت اسمي التاني !!! ده اسمي الحركي فى الشغل

دمتم سالمين

المشاركة الأصلية كتبت بواسطة rabet007

صباح الفل يا شباب واسف لتاخري في الرد علي حضراتكم
اصل النت فاصل عندي اهوه شهر تشقف شويه علشان لسه شاري السيارة والكلام ده
علي العموم انا بشكركم كتير علي اهتمامكم ربنا يكرمكم يارب العالمين
انا كل الي فهمته من صديقي وهو مالك للسيارة موديل 2009 ماتور جالانت انها بتاخد 4 لتر ونص عند تغيير الفلتر
وبالفعل
لما زودت 1/2 لتر تاني المقياس انضبط معايا والحمد لله
واستهلاك الوقود اتضبط كتير
انا بحط تقريبا ب 50 جنيه كل اسبوع
وبتقضي معايا مشواريي كل يوم للشغل رايح وجاي ومشوار حماتي المعتاد

كانت الفيرنا ( فيفي) كما اطلقت عليها

بحط ليها 20 لتر وبتقضي معايا واحيانا كان 30 لتر اسبوعيا
يعني المعدل زاد شويه
بس لسه لما اغير
الكاتينه وسيور التكييف والباور
والبوجيهات
وفلتر الهواء
هتبقي افضل بكتير ان شاء الله

صباح الفل عليكم

بالمناسبة يا جماعه انا امبارح قست الزيت وانا نازل من الشغل وكانت الدنيا بارده والعربيه كانت راسيه وهاديه
المهم قلت اما اقيس الزيت بتاع الموتور لاني لسه زي ماقلت لحضراتكم ولقيت المفاجئه,

الزيت لقيته ناقص حاجه بسيطه تعتبر حوالي 0.5 لتر

طلع عندك حق يا استاز rabet007 والزيت بالفلتر بياخد 4.5 لتر
ان شاء الله حشتري واحد لتر من نفس نوع الزيت شل الترا 5W-40 وازوده بنفسي واقولكو عملت ايه

دمتم فى امان الله