الموضوع: كل شئ عن 620

السلام عليكم جميعاً
يا ترى ما هو الحساس المسؤول عن نقل الحركة من الموتور للفتيس....وشكراً

يا جماعه عايز اعرف اسعار قطع الغيار كل من غير حاجه يقولي سعرها وينفع اشتغل عند اي ميكانيكي ولا لازم حاجه زي المتحده لاني من بنها انا العد التنازلي لشرا العربيه قرب ياريت تدوني كل المعلومات واهم حاجه التكييف عامل ايه انا مغير عربيتي مخصوص عشان محتاج تكييف تلاجه عشان الصيف ده شكله حر وربنا يلطفها علينا جميعا

اظاهر كده مفيش حد بقى مهتم بالعربيه فين النشاط بتاعكم يا جماعه ده بيزودني احباط

المشاركة الأصلية كتبت بواسطة mangawy2013

اظاهر كده مفيش حد بقى مهتم بالعربيه فين النشاط بتاعكم يا جماعه ده بيزودني احباط

حضرتك ممكن تقرا كام صفحة من الموضوع من اخر الموضوع عشان الاسعار هتلاقي حاجات كتير اسعارها موجودة

المشاركة الأصلية كتبت بواسطة ALshahba

حصلتلي مشكله فى العربيه فى التبريد
مش عارف احكي دلوقت
ادوني شوية وقت ......... كمان شويه حتيجي سطحه تشيلها وتوديها المتحده

دعواتكو يا جماعه

السلام عليكم ورحمة الله

اصدقائي الاعزاء ........... اسمحولي احكيلكو علي المشكله اللي خصلت معايا
واحب اطمنكم قبل كل شئ انني الحمد لله بخير والعربيه كمان بخير

منذ فتره بعيده والعربيه كانت بتسخن ومش عارف من ايه
المهم قرأت واتعلمت ازاي انضف واغسل دورة التبريد بالكامل لوحدي ......... وفعلا والحمد لله غسلتها غسيل كامل بمزاج وهدوء ............ وكررت الغسيل 4 مرات لحد ما تأكدت ان الدوره باكملها من الخارج (الريداتير) والداخل (الموتور) تم غسيلهم كاملا
وبعد مامشيت بالعربيه فعلا لاحظت تحسن ملحوظ والعربيه بارده جدا ومش بتسخن الا بعد فتره بعيده
وكنت حاسس اني مبسوط جدا .......... ونويت اكتب لحضراتكم التفاصيل وانزل الصور اللي عملتها والمياه الناتجه
ولكن بعد فتره ليست بالبعيده لاحظت السخونيه مازالت موجوده ورجعت العربيه عيانه تاني

بس كان الشكل مختلف ... ازاي !!!!!

فى اول مابمشي بالعربيه بلاحظ ان االحراره واطيه وكله تمام ..... اول ما امس فرامل وابدأ اقلل سرعة العربيه, الاحظ بدأ ارتفاع نسبي فى الحراره ...... قلت مش مشكله مع السرعه حتنزل تاني
لكن اللي بيحصل ان مع السرعه بتزيد الحراره وتصل الي الخط الاحمر
ولكن المحير فى الامر ان الموضوع ده غير ثابت ....!!!!!!
يعني مره تلاقي ان مع السرعه الحراره تزيد ومره تلاقيها بتقل ............ ومره الاحظ ان مع الفرامل وهدوء العربيه الحاره تزيد ومره الاحظها بتقل ....!!!! حاجه تجنن
الخلاصه ان الموضوع مقلق لان الحراره روح العربيه وبتضيع العربيه والموتور ومحتوياته
وانا مازلت فى طور البحث .......ز مش قادر اوديها لاي ميكاني كي لسببين
السبب الاول : اني بحب العربيه دي اوي ومش عايزها تتهان عن اي ميكانيكي ويبدأ يمارس هواياته فيها
السبب الثاني: مشوار شغلي بعيد جدا وبحتاج العربيه كل يوم ومعنديش وقت خاااااالص

المهم تعدي الايام وبدأت اتعود (للاسف) علي سخونة العربيه ...... يعني طالما ماوصلتش للخط للاحمر بسوق وانا مطمن

وفى يوم من الايام وانا رايح الشغل الصبح وماشي باعربيه علي الدائري وماشي علي 100كم ....
الاحظ طرشقه امامي علي الزجاج وكلها مياه خضراء ............ عرفت علي طول ان الاربه فرقعت
ولكن الغريب اني لما وقفت علي جنب وفتحت الكبوت ......لقيت كل حاجه سليمه .... وبعد الفحص لاحظت ان غطا وش الريداتير الفبر اصابه شرخ كلي وضربت المياه منه وغرقت كل الموتور بالميه والزجاج الامامي

الحمد لله كنت جمب الشغل ..... مشيت بيها مسافه بسيطه لحد ماركنتها
وبدأت التليفونات علشان الونش والميكانيكي وقطع الغيار

وطبعا لم اامن حد عليها سوي مركز المتحده

وتم النقل لهناك الساعه حوالي 6:30 او 7 مساءا ..... ولقيت الاتي

1-كنترول المروحه كان لا يعمل جيدا....يعني مكره يعمل ومره لا يعمل ولا يحدد مستوي التشغيل
2-الترموستات الميكانيكيه كانت افشه زي الحجر ....... وكانت لا تعمل بكفائه
3- مروحة التبريد الكبيره تعمل بعدد لفات اقل من المطلوب منها

وتم تغيير الاتي :
1- ريداتير جديد كامل بالضمان ......440 جنيه
2- ترموستات ميكانيه ................. 50 ج تقريبا
3- كنترول المراوح ..................... 295 جنيه
4- مياه خضراء 4 لتر ماركة موبيل ............ 85 جنيه .... وكملت الباقي من مياه خضراء كانت عندي 3.5 لتر تقريبا
5- خراطيم وصلة تبريد زيت الفتيس ......... كانت ناشفه جدا من الحراره
للاسف لم اجد عندهم مراوح الريداتير
وتم عمل تشغيل للفوج لايت الشمال كان فاصل كهرباء (شغل كهرباء) وتركيب كوليهات جديده

وكانت التكلفة الاجماليه = 1100 جنيه

النتيجه : الحمد لله العربيه بتبرد وانا ماشي لدرجة اني بحس انها فىها حاجه مش مظبوطه هههههههههه
بس برضو لسه عايز اغير المراوح
مش لاقيها خالص ...... ولقيتها فعلا عند قاصد كريم وكانت ب 500ج ....... انا استغليتها جدا وقلت استني شويه لحد مااسأل عليها من مكان تاني ارخص شويه

امبارح وانا ماشي لاحظت ان العربيه فيها سخونه نسبيه ......... انا كان دمي حينشف (الفلوس راحت فى الارض) خليت العربيه شغاله وركنت اشوف فيها ايه ............. لقيت المروحه توقفت تماما عن الحركه والمروحه الصغيره فقط هي التي تعمل .........الاسطي حسين كان عنده حق لما قالي هاتها فى اسرع وقت

انشاء الله حجيبها من عند المتحده لانهم اشتروها وتمنها هناك = 475 جنيه

وعلشان تكونوا متواصلين معايا

اول امبارح واناماشي وراجع من الشغل .......... لسه بمشي سمعت زي صوت حشرجه وحك ..... وقفت اشوف فيه ايه مالقتش حاجه ملحوظه
مشيت وكملت من التجمع الي البيت هضبة الهرم
وقبل مانزل من الدائري ..... الصوت علي جدا ......... وقفت وركنت ... الاقي ان التيل خرج من مكانه ومتأكل عن اخره غير زميله اللي فى نفس المكان !!!! ومش عارف اعمل ايه لان الوقت اتأخر 12 ليلا

الصبح وانا رايح الشغل اتأخرت ورحت للمتحده ........ الاسطي حسين استغرب وقالي "الفرده دي بتلف احسن من زميلتها ازاي بتقولي فيها صوت" ..... وبعد البحث ..... ناداني وهو بيضحك وبيقولي "بص كده"
لقينا ان الطمبوره الخلفيه اصبحت "قطعتين" ..........قطعه ماسكه فى العجل بالجوايض (المسامير) ... وقطعه قافشه مابتتحركش وماسكه فى التيل

رحت الشغل بيها ورجعت عليه وبيتها عندهم

وتاني يوم تم تغيير الاتي
1- طمبورتين خلفيتين جداد ........ 330 جنيه
2- تيل فرامل خلفي جديد........... 80 جنيه
3- تيل فرامل امامي جديد ..... منعندي فى العربيه من الاول
4- زيت باكم للفرامل علبتين .......... كان معايا علبه بتاعتي وهو اشترى علبه =17 جنيه
5- اصلاح ماستر الفرامل
مصنعيات 120 جنيه
التكلفه الاجماليه = 563 جنيه

الحمد لله اصبحت كأنها جديده

عايز اشكر جدا جدا جدا
الاستاذ: اسلام الشهير ب smsm85 و الاستاذ احمد الشهير ب rabet007
كلموني علي طول وكل واحد ابدي استعداده الكامل للمساعده .......ليلا وصباحا ولم يتركوني حتي تم حل المشكله بفضل الله
اشكركم جزيلا

ساوافيكم باخر الاخبار

دمتم فى امان الله