الموضوع: كل شئ عن 620

السادة الأعضاء الكرام خبراء ال 620
عندي مشكلة غريبة جدا جدا
مؤشر الحرارة الموجود في التابلوه بيزيد مع اضاءه النور العالي (اللمبة الزرقاء) ويرجع تانى لمكانه بعد اطفاء النور. غيرت دراع النور وحساس الحرارة (صباع 13) وحساس الحرارة (صباع 19) وبرضه مفيش فايدة مع ملاحظة أن العيب ده مش دايما بيحصل الا لما بكون مشيت بالعربية مده طويلة. بالنهار أو بالليل مع عدم تشغيل النور العالي الحرارة مضبوطة في النص. مش عارف اعمل ايه تاني....افيدوني وجزاكم الله خيرا

العضو المحترم rabet007
اذا كنت ترغب في بيع سيارتك ممكن الموديل واللون وعدد الكيلومترات والسعر المطلوب؟
شكراً جزيلاً

المشاركة الأصلية كتبت بواسطة alshahba

السلام عليكم ورحمة الله

اصدقائي الاعزاء ........... اسمحولي احكيلكو علي المشكله اللي خصلت معايا
واحب اطمنكم قبل كل شئ انني الحمد لله بخير والعربيه كمان بخير

منذ فتره بعيده والعربيه كانت بتسخن ومش عارف من ايه
المهم قرأت واتعلمت ازاي انضف واغسل دورة التبريد بالكامل لوحدي ......... وفعلا والحمد لله غسلتها غسيل كامل بمزاج وهدوء ............ وكررت الغسيل 4 مرات لحد ما تأكدت ان الدوره باكملها من الخارج (الريداتير) والداخل (الموتور) تم غسيلهم كاملا
وبعد مامشيت بالعربيه فعلا لاحظت تحسن ملحوظ والعربيه بارده جدا ومش بتسخن الا بعد فتره بعيده
وكنت حاسس اني مبسوط جدا .......... ونويت اكتب لحضراتكم التفاصيل وانزل الصور اللي عملتها والمياه الناتجه
ولكن بعد فتره ليست بالبعيده لاحظت السخونيه مازالت موجوده ورجعت العربيه عيانه تاني :copy of rfds:

بس كان الشكل مختلف ... ازاي !!!!!

فى اول مابمشي بالعربيه بلاحظ ان االحراره واطيه وكله تمام ..... اول ما امس فرامل وابدأ اقلل سرعة العربيه, الاحظ بدأ ارتفاع نسبي فى الحراره ...... قلت مش مشكله مع السرعه حتنزل تاني
لكن اللي بيحصل ان مع السرعه بتزيد الحراره وتصل الي الخط الاحمر
ولكن المحير فى الامر ان الموضوع ده غير ثابت ....!!!!!!
يعني مره تلاقي ان مع السرعه الحراره تزيد ومره تلاقيها بتقل ............ ومره الاحظ ان مع الفرامل وهدوء العربيه الحاره تزيد ومره الاحظها بتقل ....!!!! حاجه تجنن
الخلاصه ان الموضوع مقلق لان الحراره روح العربيه وبتضيع العربيه والموتور ومحتوياته
وانا مازلت فى طور البحث .......ز مش قادر اوديها لاي ميكاني كي لسببين
السبب الاول : اني بحب العربيه دي اوي ومش عايزها تتهان عن اي ميكانيكي ويبدأ يمارس هواياته فيها
السبب الثاني: مشوار شغلي بعيد جدا وبحتاج العربيه كل يوم ومعنديش وقت خاااااالص

المهم تعدي الايام وبدأت اتعود (للاسف) علي سخونة العربيه ...... يعني طالما ماوصلتش للخط للاحمر بسوق وانا مطمن

وفى يوم من الايام وانا رايح الشغل الصبح وماشي باعربيه علي الدائري وماشي علي 100كم ....
الاحظ طرشقه امامي علي الزجاج وكلها مياه خضراء ............ عرفت علي طول ان الاربه فرقعت
ولكن الغريب اني لما وقفت علي جنب وفتحت الكبوت ......لقيت كل حاجه سليمه .... وبعد الفحص لاحظت ان غطا وش الريداتير الفبر اصابه شرخ كلي وضربت المياه منه وغرقت كل الموتور بالميه والزجاج الامامي

الحمد لله كنت جمب الشغل ..... مشيت بيها مسافه بسيطه لحد ماركنتها
وبدأت التليفونات علشان الونش والميكانيكي وقطع الغيار

وطبعا لم اامن حد عليها سوي مركز المتحده

وتم النقل لهناك الساعه حوالي 6:30 او 7 مساءا ..... ولقيت الاتي

1-كنترول المروحه كان لا يعمل جيدا....يعني مكره يعمل ومره لا يعمل ولا يحدد مستوي التشغيل
2-الترموستات الميكانيكيه كانت افشه زي الحجر ....... وكانت لا تعمل بكفائه
3- مروحة التبريد الكبيره تعمل بعدد لفات اقل من المطلوب منها

وتم تغيير الاتي :
1- ريداتير جديد كامل بالضمان ......440 جنيه
2- ترموستات ميكانيه ................. 50 ج تقريبا
3- كنترول المراوح ..................... 295 جنيه
4- مياه خضراء 4 لتر ماركة موبيل ............ 85 جنيه .... وكملت الباقي من مياه خضراء كانت عندي 3.5 لتر تقريبا
5- خراطيم وصلة تبريد زيت الفتيس ......... كانت ناشفه جدا من الحراره
للاسف لم اجد عندهم مراوح الريداتير
وتم عمل تشغيل للفوج لايت الشمال كان فاصل كهرباء (شغل كهرباء) وتركيب كوليهات جديده

وكانت التكلفة الاجماليه = 1100 جنيه

النتيجه : الحمد لله العربيه بتبرد وانا ماشي لدرجة اني بحس انها فىها حاجه مش مظبوطه هههههههههه
بس برضو لسه عايز اغير المراوح
مش لاقيها خالص ...... ولقيتها فعلا عند قاصد كريم وكانت ب 500ج ....... انا استغليتها جدا وقلت استني شويه لحد مااسأل عليها من مكان تاني ارخص شويه

امبارح وانا ماشي لاحظت ان العربيه فيها سخونه نسبيه ......... انا كان دمي حينشف (الفلوس راحت فى الارض) خليت العربيه شغاله وركنت اشوف فيها ايه ............. لقيت المروحه توقفت تماما عن الحركه والمروحه الصغيره فقط هي التي تعمل .........الاسطي حسين كان عنده حق لما قالي هاتها فى اسرع وقت

إن شاء الله حجيبها من عند المتحده لانهم اشتروها وتمنها هناك = 475 جنيه

شكرا اخي الكريم على نقل التجربة والحمد لله ان العربية بقة تمام بعد الصيانة ربنا يحفظهالك دايما ان شاء الله

استاذ rabet007 حضرتك مردتش عليا فانا مش عارف انت عايز تبيع ولا لا ياريت تعرفني حضرتك ناوي على ايه عشان لو كده ادور على عربيه تانيه وشكرا .

المشاركة الأصلية كتبت بواسطة migo7000

السادة الأعضاء الكرام خبراء ال 620
عندي مشكلة غريبة جدا جدا
مؤشر الحرارة الموجود في التابلوه بيزيد مع اضاءه النور العالي (اللمبة الزرقاء) ويرجع تانى لمكانه بعد اطفاء النور. غيرت دراع النور وحساس الحرارة (صباع 13) وحساس الحرارة (صباع 19) وبرضه مفيش فايدة مع ملاحظة أن العيب ده مش دايما بيحصل الا لما بكون مشيت بالعربية مده طويلة. بالنهار أو بالليل مع عدم تشغيل النور العالي الحرارة مضبوطة في النص. مش عارف اعمل ايه تاني....افيدوني وجزاكم الله خيرا

مفيش ردود ليه يا اسبيرانزاويه