جدول مبسط للتعديلات الدستورية و ان شاء الله كلنا نقول نعم لمصلحة مصر

**blazer** · 14-03-2011 09:52 AM

انا هصوت بلا
لا للترقيع
مش فاهم ايه مشكلتهم
مش عاوزين يعملوا يقروا دستور جديد ليه

**samoevil911** · 14-03-2011 09:53 AM

المشاركة الأصلية كتبت بواسطة ahmedjumpo

يا هندسة ممكن اسأل حضرتك ماذا بعد نعم ايا من الاختيارين التاليين تفضل

اما فيما يخص تحليل حضرتك لمن سيقول نعم قأتفق مع جزء كبير منه اما فيمن يقول لا فأختلف مع حضرتك لان كل واحد من النشطاء و المثقفين و اعضاء ال facebook ممكن يؤثر على اهله و اقربائه و مجموعة من زملاءه
اما المجموعة الاكبر من الاميين اللى حضرتك اتكلمت عليهم فصدقنى دول و لا مع و لا ضد و لا الموضوع فى بالهم لانهم اخر ما يمكن ان يفكروا فيه الدستور و خلى بالك فيه كتير منهم حتى لا يعلم ما هو الدستور

حضرتك في المادة الانتقالية .. هيظل المجلس والرئيس لكن هتعدل الاختصاصات
يعني الرئيس مثلا هتسلب اختصاصاته الديكتاتورية

**otefa** · 14-03-2011 10:05 AM

المشاركة الأصلية كتبت بواسطة م.احمد زكريا

يا جماعة الخير أعتقد أن نتيجة الإستفتاء ستكون ( نعم )

والاسباب:

1- موافقة الاخوان وهم ذو قاعدة جماهيرية وتنظيمية عريضة

2- السلفيين ولهم قاعدة جماهيرية لا يستهان بها وإن كان منهم من يرفض المشاركة السياسية واعتقد انهم قله الان

3- الحزب الوطني ( مش عارف هم لسة عايشين وليهم نفس يتكلموا ؟؟؟) سواء من خلال الحزب او مستقلين وليهم قاعدة لان مش كلهم مكروووه وبالذات في القرى

4- مصر فيها 20 مليون أمّي ودول سهل التأثير عليهم من السابقين

5- المعارضين هم المجموعات التي قادت الثورة من على الـ facebook (البرادعي - خالد سعيد - ...) ودول تأثيرهم لا يتعدى الfacebook والمتابعين جيدا للإعلام والمتعلمين والمثقفين المؤيدين ليهم

6- والمعارضين أيضا الاحزاب السياسية ( وفد - تجمع - ...) ودول تأثيرهم لا يتعدى أعضاء الحزب فقط

وهذا رأيي الذي قد يحتمل الخطأ أو الصواب

بالنسبالي أنا هاصوت بنعم

بحثا عن الإستقرار السريع للبلاد
ولكن أطالب بإنتخابات رئاسية قبل الإنتخابات البرلمانية عشان كل واحد ياخد فرصته ويكون المجلس معبر حقيقي عن رغبات الشعب

+1
وده رأي من كذا يوم أن الموضوع فعلا شبه محسوم بنعم
وبنسبة تفوق ال70% للأسباب المذكورة

**ahmed_oth** · 14-03-2011 11:13 AM

نعم

**mikho83** · 14-03-2011 12:27 PM

المشاركة الأصلية كتبت بواسطة moe86

هاهاهاها, علمانيين و معاهم أجندة كمان

اية اللى يضمن بعمل دستور جديد بعد كدة ؟
المادة 189 غير ملزمة , لأنها بتقول "الرئيس" أو مجلس الشعب و الشورى, و بعدين اللى هيعمل اللجنة بعد كدة المجلس و طبعا هيختار اللجنة كلها منهم, و ولائهم هيبقى للرئيس لأن الدستور القديم مازال بيديه كل الصلاحيات

و بعد كل دة المفروض نروح التحرير تانى من أول و جديد ؟ ما نعمل دستور جديد فى شهرين و خلاص ! و حاليا فى حكومة تسيير أعمال شغالة كويس مع المجلس الأعلى للقوات المسلحة و أدائهم بيتحسن و بيقضوا على البلطجة بالتدريج

و بعدين لما الحزب الواطى و الاخوان يقولوا نعم للتعديلات, يبقى أنا هقول لأ طبعا علشان مايمسكوش تانى السلطة, كفاية كدة
http://www.nilemotors.net/nile/20661...post3873347359

هو أنتو مش لاقيين مصيبة للإخوان، كل حاجة الإخوان الإخوان، وبعدين هما الإخوان مسكوا الحكم قبل كده، وإيه يعني لما يمسكوا الحكم مادام مسكوا بالانتخابات النزيهة. متهيألي كده لو الإخوان مسكوا الحكم الناس هاتطلع وتقول مش عيايزين انتخابات نزيهة

**ahmedjumpo** · 14-03-2011 12:47 PM

المشاركة الأصلية كتبت بواسطة mikho83

هو أنتو مش لاقيين مصيبة للإخوان، كل حاجة الإخوان الإخوان، وبعدين هما الإخوان مسكوا الحكم قبل كده، وإيه يعني لما يمسكوا الحكم مادام مسكوا بالانتخابات النزيهة. متهيألي كده لو الإخوان مسكوا الحكم الناس هاتطلع وتقول مش عيايزين انتخابات نزيهة

يا استاذى موضوع الاخوان انهم يسعوا الى الحكم فهذا حقهم المشروع لكن ما نرفضه هو ان نتسرع فى انتخابات غير مستعد لها الا الاخوان و رجال المال و الاعمال (( الوطنى سابقا )) و بالتالى اهمال كل القوى التى نشأت بعد الثورة و ارادت تكوين احزاب و بالتالى الاستعجال سيجعل مجلس الشعب القادم غير ممثل التمثيل الحقيقى لاطياف الشعب لان احزاب ما بعد الثورة لم تعلن بعد و لم تجهز مقاراها و لم يتم عمل دعايات انتخابية حتى يعلم بها المواطن العادى و بعدها له حرية اختيار من ينوب عنه حتى و لو وصل الاخوان الى سدة الحكم بعدها فسيكون هذا حقهم و لا مشكلة فى هذا

**MRBEBO** · 14-03-2011 12:53 PM

لا لا لا

**arakysolom** · 14-03-2011 01:49 PM

الكلمة اللي تم تلقينها للناس كويس عن طريق وسائل الاعلام المختلفة سواء فاهم او مش فاهم هي ( لا للترقيع)
تيجي تسأله يعني ايه ترقيع يجاوب برده بنفس الكلام الملقن يعني الثورة اسقطت الدستور و لازم نعمل دستور جديد
طيب ماهو الدستور المعدل مؤقت وفقا للمواد المعدله يرد يقول ده الدستور بيدي صلاحيات للحاكم بأنه يكون اله
طيب ايه الصلاحيات يرد بدون وعي انه الرئيس الاعلي للقوات المسلحة و الشرطة و المجلس الاعلي للقضاء
نقوله دي مناصب شرفيه يقول وانا ايش ضمني
تقوله ده جاي بارادة الشعب و بأنتخابات حرة يقول هو من امتي الانتخابات كانت حرة في مصر
تقوله مصر اتغيرت و الناس اللي اسقطت فرعون مش حتسمح بأنه يجي فرعون تاني
يقول تاني انا ضد التعديلات انا حقول لأ لأ لأ لأ
تعمل ايه تروح تقوله خلاص يا حبيبي روح قول لأ بس متخليش كل اللي حوليك يقول لأ و خلاص

**arakysolom** · 14-03-2011 01:57 PM

المشاركة الأصلية كتبت بواسطة Moe86

اية اللى يضمن بعمل دستور جديد بعد كدة ؟
المادة 189 غير ملزمة , لأنها بتقول "الرئيس" أو مجلس الشعب و الشورى, و بعدين اللى هيعمل اللجنة بعد كدة المجلس و طبعا هيختار اللجنة كلها منهم, و ولائهم هيبقى للرئيس لأن الدستور القديم مازال بيديه كل الصلاحيات
أتحدي انك تكون قريت المادة 189 او ملحقاتها
و بعد كل دة المفروض نروح التحرير تانى من أول و جديد ؟ ما نعمل دستور جديد فى شهرين و خلاص !
الله ينور عليك يالا ورينا همتك!!
شهرين ده علي اساس ايه يعني ؟؟ تكوين لجنة لانشاء الدستور ام لصياغته ام عرضه علي المجلس الاعلي ام علي الشعب للقرأة ام علي الانتظار لتلقي التعليقات عليه ام لعرضة علي الشعب للأستفتاء ام لأقراره ؟؟؟؟؟؟
و حاليا فى حكومة تسيير أعمال شغالة كويس مع المجلس الأعلى للقوات المسلحة و أدائهم بيتحسن و بيقضوا على البلطجة بالتدريج
انت تتوقع تدوم اد ايه هذه الحكومة

و بعدين لما الحزب الواطى و الاخوان يقولوا نعم للتعديلات, يبقى أنا هقول لأ طبعا علشان مايمسكوش تانى السلطة, كفاية كدة
من امتي الاخوان كانوا ماسكين السلطة ؟
http://www.nilemotors.net/Nile/20661...post3873347359

**tiger451** · 14-03-2011 02:00 PM

نعم للتعديل الدستوري

الموضوع: جدول مبسط للتعديلات الدستورية و ان شاء الله كلنا نقول نعم لمصلحة مصر

LinkBack

أدوات الموضوع

عرض

-

-

-

-

-

المواضيع المتشابهه

استفتاء قناة العربية 61% نعم للتعديلات 39% لا للتعديلات الدستورية فى مصر

هنصوت بنعم ام لا للتعديلات الدستورية ؟

«لَعَم» للتعديلات الدستورية

بكل تأكيد : نعم للتعديلات الدستورية

نعم للتعديلات الدستورية وباقصى سرعة

الكلمات الدلالية لهذا الموضوع

المفضلات

المفضلات

ضوابط المشاركة