اقتباس المشاركة الأصلية كتبت بواسطة arakysolom مشاهدة المشاركة
الكلمة اللي تم تلقينها للناس كويس عن طريق وسائل الاعلام المختلفة سواء فاهم او مش فاهم هي ( لا للترقيع)
تيجي تسأله يعني ايه ترقيع يجاوب برده بنفس الكلام الملقن يعني الثورة اسقطت الدستور و لازم نعمل دستور جديد
طيب ماهو الدستور المعدل مؤقت وفقا للمواد المعدله يرد يقول ده الدستور بيدي صلاحيات للحاكم بأنه يكون اله
طيب ايه الصلاحيات يرد بدون وعي انه الرئيس الاعلي للقوات المسلحة و الشرطة و المجلس الاعلي للقضاء
نقوله دي مناصب شرفيه يقول وانا ايش ضمني
تقوله ده جاي بارادة الشعب و بأنتخابات حرة يقول هو من امتي الانتخابات كانت حرة في مصر
تقوله مصر اتغيرت و الناس اللي اسقطت فرعون مش حتسمح بأنه يجي فرعون تاني
يقول تاني انا ضد التعديلات انا حقول لأ لأ لأ لأ
تعمل ايه تروح تقوله خلاص يا حبيبي روح قول لأ بس متخليش كل اللي حوليك يقول لأ و خلاص

احلى كلام والمهم سواء كانت النتيجة نعم او لا الكل لازم يحترم رأى الأغلبية لأن ده اول استفتاء شعبى حقيقى وان شاء الله ينزل كل الشعب المصرى اللى عمره مافكر ينزل قبل كده
وياريت الكل يعرف ان مفيش حد واصى على مصر ويعرف مصلحتها اكتر من رأى الأغلبية فياريت النتيجة تحترم مهما كانت وياريت الكل هنا بعد مايقول رأيه يقول ناوى يعمل ايه لو طلعت النتيجة عكس ما كان عايز