أفضل لجنة دستورية من إنتخاب مجلس الشعب والشورى المنتخب من الشعب بالتأكيد
طب معلش هما أنهى أحزاب اللى المروض ننتخبهم فى مجلس الشعب؟؟!!!
مفيش غير الأخوان و فلول الحزب الواطى!!! و حتلاقى شوية من الاحزاب الكرتونية زى الوفد مثلا فبقى هما دول اللى حخليهم يعينوا لجنة الدستور!!!
هو الاعلان اللي بيتهبب ( حسب وصفك ) في الجرنان ده اجبر حد ؟؟؟؟؟
80 % من الناس مش بيقرو جرايد اصلا
و50 % مش بيقروا خالص
كل واحد بيروج لوجهة نظره
ماحدش مسك سكينة وقال للناس قولو نعم
بس انت ما جاوبتش على سؤالي
ايهمل تفضل ؟؟؟؟؟؟
عاوز اجابة لو سمحت
انا كل ما اكلم حد عاوز يقول لأ واوصل للسؤال ده محدش بيجاوب
ياريت انت تجاوب ؟؟؟؟
مهندس ahmed1981، أستاذ aif
عندي تحفظ ليس بالهين على مجلس الشعب الذي سينتخب في ظل الأوضاع الحالية، وبالتالي تحفظي يمتد إلى اللجنة التي سيختارها هذا المجلس لوضع الدستور الدائم
وكإجابة على سؤالكما أقول عن نفسي إني أرجح أن يقوم الجيش بتحديد أعضاء اللجنة أو أن يصل لآلية كي يقوم الشعب باختيارهم مباشرة
وحجتي لتفضيل هذا البديل هي أن الجيش - في تصوري - ليس له توجهات سياسية ظاهرة تدفعه لاختيار اللجنة من أفراد دون غيرهم، وليس له مصالح سياسية تدفعه لتوجيه عمل اللجنة نحو صلاحيات معينة تمنح أو تسلب إلى/ من رئيس الجمهورية أو لتفضيل حتى نمط حكم على آخر (برلماني/ رئاسي)
ده مستحيل عمليا
انت عاوز تفتح باب الترشيح ويترشح 5000 واحد والناس تنتخب 100 منهم
ازاي
ده كدة عاوز 3 سنين انتخابات وفرز
الحل الممكن الوحيد في هذه الحالة هو تعيينهم من المجلس العسكري
يعني من غير انتخابات
يبقى مجلس الشعب المنتخب هو اللي يختارهم احسن
على الاقل المجلس ده منتخب
مش مجلس رياسي
اما ال700 نفر بتوع الشعب والشوري دول بينتخبو على 700 دائرة انتخابية
كل دائرة تنتخب واحد او اتنين
لكن انتخابهم من كل الشعب مستحيل
يعني انت متحفظ على مجلس منتخب وتوافق على تعيين من قبل العسكر ؟؟؟؟؟
معلهش دي آخر مشاركة ليا الليلة علشان لازم اروح انام
انا عاوز اقول للرافضين للتعديلات
البديل مجهول حتى الآن
وفي افضل الاحوال سيتم اللجوء الي لجنة معينة وليس منتخبة انتخاب حر
انا باقول كدة لأن ناس كتير فاكرة انهم ح ينتخبو لجنة تعدل الدستور وده مش حقيقي
دي حقيقة يجب ان يعرفوها جيدا
..
تصبحوا على خير