:S_thum1[1]:تمام كده ياحاج أحمد هو ده التفسير للي هايحصل أن شاء الله في حال الموافقة على التعديلات
وهو ده في رأي أسلم وأسرع حل للأنتقال للديمقراطية ونقل الحكم بسلسة ويسر
ووفقا لمطالب الثورة من الأول وألي واضح في الصورة.
طيب ما انت مردش عليا يا حج احمد فى جزئية اية اللى حيحصل فى حالة اختلاف شروط الترشيح فى مجلس الشعب و الرئيس فى الدستور الجديد عن الموجود من الاعضاء فى المجلس و فى الرئيسة ...يعنى الاحاكم الانتقالية دى حتم ازى بالضبط
يعنى مثلا افرض فى شروط جديدة بالنسبة لسن الرئيس و الرئيس اللى تم انتخابة غير متوافق مع الشروط الجديدة حنعمل اية مع الرئيس ..
كذلك مجلس الشعب ..افرض نسبة ال 50 عمال و فلاحين دى تم تغيرها و تم تغير حاجات اخرى كتير متعلقة بالجنسبة مثلا او غيرها ..حنعمل اية مع اعضاء مجلس الشعب الموجودين وقتها ...
انت بتقول ان المجلس و الرئيس حيستمرو ..لو حيستمرو معنها انة الدستور الجديد حيفضل معطل عدة سنوات لحد ما تنتهى مدتهم هو دة ما اقصدة او افهمه ..دة غير انة مش السبب الوحيد اللى بقول لا عشانة ..
السبب الاهم انة حيتم انتخاب الرئيس والمجلس على الاساس الدستورالقديم بكل ما فية من صلحيات و قصور
لأ رديت يا باشا
بص يا سيدي
اي دستور بيتم تغييره في اي دولة بيتم تغييره عبر مجلس نيابي
مجلس شعب مثلا
لما بيتم الموافقة عليه لازم يتم تفعيله من لحظة اعلان الموافقة عليه
طيب والمجلس والرئيس اللي موجودين فعلا يعملوا ايه
دي بقى مهمة الاحكام الانتقالية
الاحكام الانتقالية دي بتحدد مصير المجلس والرئيس الحاليين
وفي الغالب الاعم و ده اللي ح يحصل عندنا انه يتم استمرارهم في عملهم بنصوص الدستور الجديد لحين انتهاء فترتهم الانتخابية ولو فيه تعارض بين شروط الدستور القديم والجديد بيتم النص على الذي يتم فعله في باب الاحكام الانتقالية
مثلا لو الدستور الجديد جاء به مادة تقول ان رئيس الجمهورية عمره لا يقل عن 40 سنة ولا يزيد عن 65 وكان مثلا رئيس الجمهورية اللي موجود عمره 70 سنة لأن عند انتخابه كان مفيش حد اقصي للسن
بيتم الاحتكام الى باب الاحكام الانتقالية في الدستور الجديد
لو كان فيها نص ان الرئيس الحالي يكمل دورته .... يبقى يكمل
لو فيها احكام انه لازم يتوفر فيه الشروط الوارده في الدستور الجديد .... يبقى يتم انتخاب رئيس جديد
كذلك مجلسي الشعب والشورى
اذا اصبح الاعضاء غير مستوفيين للشروط الواردة في الدستور الجديد بيبقى فيه مادة بتحدد مصيرهم في الاحكام الانتقالية
وغالبا المادة دي بتنص على ان الشروط الواردة في الدستور الجديد تطبق على الاعضاء اعتبارا من الدورة التالية لأعلان الدستور
يبقى يكملو دورتهم وبعدين الانتخابات القادمة تتم بالشروط الواردة في الدستور الجديد
لكن مواد مثلا زي سلطات الرئيس وصلاحياته
دي بتفعل على الرئيس الحالي منذ الاعلان عن نتيجة الاستفتاء
يعني الرئيس مش ح يكون له الصلاحيات اللي موجودة في الدستور القديم طول فترتة ....
وكمان الدستور القديم مش ح يتم تفعيله بالكامل
الدولة ح تعمل بالتعديلات وبالاعلان الدستوري الذي سيصدره مالمجلس الاعلى الحاكم حاليا
يعني هناك ضمانات كافية جدا لعدم ولادة دكتاتور آخر .... دي مضمونه في جميع الاحوال
تعالى بقى للجنة تعديل الدستور
لو قلنا دستور جديد يبقى اللجنة سيتم تشكيلها بواسطة المكجحلس العسكري
او على الاقل هو اللي ح يرشح الاعضاء اللي سيتم الاختيار منهم
اما لو تم تعديل الدستور بعد الموافقة على التعديلات
سيتم ترشيح اللجنة وانتخابها بواسطة الاعضاء المنتخبين من مجلسي الشعب والشورى
يبقى انت شايف ايه ؟
نقول لأ وعاوزين لجنة دستور والمجلس العسكري هو اللي يختارها
ولا نقول نعم وننتخب مجلس هو اللي ينتخب اللجنة ؟؟
انا افضل طبعا ان اللجنة تنتخب بواسطة البرلمان وليس المجلس العسكري
آسف للإطالة
كنت مترددا لكن بعد قرأتى للموضوع دا
اجابتى
نعــــــــــــــم
http://www.nilemotors.net/Nile/207281-a.html
شوفوا مسار الأختيارين و مين أقرب للأستقرار ... و تمنياتى بالتوفيق والخير لينا و لبلدنا
http://a6.sphotos.ak.fbcdn.net/hphot..._1902876_n.jpg
الكلام ده للأسف مش صح
لو قلنا نعم سيتم انتخابات بلمانية ورئاسية ثم الدستور وبس
لن تعاد انتخابات البرلمان والرئيس على الدستور الجديد
للأسف انا معظم اللي كلمتهم وعاوزين يقولو لا فاهمين كدة .... لكن الحقيقة مش كدة تماما
ممكن تقرأي مشاركتى رقم 94 في هذا الموضوع
----------------------
من مقال د / حسن نافعة أستاذ العلوم السياسية
" ٥- أن إقرار الدستور الجديد سيترتب عليه حتماً إجراء انتخابات برلمانية ورئاسية جديدة، خصوصاً إذا أسس لنظام برلمانى بدلاً من النظام الرئاسى الحالى، وجاء خالياً من نسبة العمال والفلاحين ومن المقاعد المخصصة للمرأة، وهو ما يعنى تنظيم انتخابات برلمانية ورئاسية مرتين خلال عام واحد."
------------------
ودا لأن الدستور الحالى لا هو رئاسى صريح ولا هو برلمانى صريح ممكن نعتبره دستور فرعونى
و عند تعديله بصورة محترمة يستلزم ذلك إعادة هيكلة أركان الدولة ...
و تقبلوا تحياتى و خالص أمنياتى بالتوفيق والسداد
ده فهمه هو للموضوع .... واعتقد انه خطأ
شوفي الفيديوهات بتاعت اللجنة اللي عملت التعديلات الدستورية
شوفي مقالة فهمي هويدي النهاردة
شوفي كلام د. العوا
شوفي كلام اعضاء المجلس العسكري
شوفي الرأي الآخر
وبعدين قرري براحتك
لكن كدة واضح ان الامور مش كلها واضحة بالنسبة لك .... او على الاقل فيه كتير منها انتي ماشفتهوش
غير موافق
لاننا كلنا عاوزين دستور جديد .... اما لو وافقنا علي التعديلات فسيتم عمل انتخابات مجلس الشعب ثم انتخابات الرئيس الجديد ولو هو موافق علي عمل دستور جديد ووافقه مجلس الوزراء اونصف اعضاء مجلس الشعب يبقي حيتم عمل دستور جديد ولو هو رفض -وهو الغالب لان الدستور القديم يعطي له صلاحيات الفرعون - سيترك دستور 71 علي ما هو عليه ويظهر حسني مبارك جديد!! ياريت اللي موافق يعيد قراءة مادة 189 فقرة أخيرة مضافة
(ولكل من رئيس الجمهورية، وبعد موافقة مجلس الوزراء، ولنصف أعضاء مجلسي الشعب والشوري طلب إصدار دستور جديد، وتتولي جمعية تأسيسية من مائة عضو، ينتخبهم أغلبية أعضاء المجلسين من غير المعينين في اجتماع مشترك، إعداد مشروع الدستور في موعد غايته ستة أشهر من تاريخ تشكيلها، ويعرض رئيس الجمهورية المشروع، خلال خمس عشرة يوما من إعداده، علي الشعب لاستفتائه في شأنه، ويعمل بالدستور من تاريخ إعلان موافقة الشعب عليه في الاستفتاء.)
واللام في (لكل ) يعني له الحق يعني مش اجباري يعني علي حسب هواه اه او لا