اذا سيارتك اتبهدلت و اتنصب عليك يبقى انت اكيد اكيد فى غبور

**PRO-DRIVE** · 10-04-2008 01:21 PM

لا حول ولا قوه الا بالله !!!
ايه دا

دا الواحد يعمل الصيانه بنفسه تحت بيتهم احسن :|

**limo** · 10-04-2008 01:45 PM

اعتقد ان محدش جاب هيونداى والانذار معملش معاه مشكله
مش عايز اقول ان تقريبا كل العربيات فيها مشكله الانذار ده
والمشكله ده مش فى موديل 2007 او 2008 لا ده من 2005
يعنى انا نفسى اعرف ازاى غبور بيركب انذار بايظ بقاله ثلاث او اربع سنين وهوه يعلم جيدا ذلك بدليل شكوه كل الناس
مش هقول غير ربنا يهديهم

**tarekkasaby** · 10-04-2008 02:32 PM

ربنا يكون فى عونك
وزى ماقال ا/ كريم كلم م/عاطف و حط اللينك بتاع الموضوع ده فى موضوع خدمة العملاء يتاع غبور حتلاقيه مثبت فى قسم الهيونداى

**ابو سيف** · 10-04-2008 02:45 PM

المشاركة الأصلية كتبت بواسطة السيد أحمد

حسبنا الله ونعم الوكيل فيهم
انا شايف فى ناس كتير فى المنتدى عندها مشاكل مع غبور
ايه رأيكم لو تتجمعوا مع بعض وتروحوا لحمايه المستهلك مع بعض
وتقدموا شكوى جماعيه اعتقد ان هيكون ليها صدى كبير خصوصا
ان الناس بتوع حمايه المستهلك بتعمل شغل كويس وفى تجربة لزميل
لينا فى المنتدى رجعولوا العربية بسبب المشاكل اللى فيها واخد فلوسه كاملة
وممكن كمان تبعتوا اميلات لهيونداى كوريا
، وموضوع المقاطعة ده مهم برده انا كنت هشترى الفيرنا وجبت بدلها اللانوس
بسبب سمعة توكيل غبور

هوا دة الحل الصحيح الرادع لكل التوكيلات اللى بالمنظر دة في مصر

**hesham_tawfiq** · 10-04-2008 02:50 PM

الحل الوحيد زى مااستاذ احمد واستاذ ناصر ابو سيف قالو
فيه حاجه اسمها جهاز حماية المستهلك لازم ندعمها باننا نلجأ لو فى المشاكل مع التوكيلات التعبانه زى الغبور دا
انا كنت خدت قرار اشترى نيو اكسنت لكن برضه رجعت فى كلامى من اللى قريتو هنا

**محمد المشد** · 10-04-2008 02:51 PM

من الظاهر ان كل الوكلاء فى مصر لا رادع لهم ، كنت اعتقد ان غبور افضل من ابو الفتوح طلع العن

**hesham_tawfiq** · 10-04-2008 02:52 PM

المشاركة الأصلية كتبت بواسطة karim_monir

يا ريت تكلم معندس عاطف عبد السميع مدير خدمة عملاء غبور اوتو عشان يعرف حجم الكوارث اللي عنده
هو ليه موضوع متثبت هنا باسمه وفيه رقم تليفونة الشخصي كمان

اخر حاجة احب اقولها انا كنت حابب الالنترا جدا جدا والتقدم التكنلوجي اللي فيها
وماجبتهاش بسبب غبور وماكنش في منها خليجي وقت ما جبت التويوتا
وكل يوم بتاكد ان اختياري كان صحيح وتوفيق من المولى عز وجل

استاذ كريم
بعيد عن موضوع غبور اسمحلى احييك على الكلمه اللى انتا كاتبها على صورتك
فعلا مبقتش اشوف حد بيعمل كده دلوقتى

**NExt** · 10-04-2008 04:50 PM

Sad but True

The People will not stop buying hyundai From
Ghabor

And Ghahor will not Stop Saling hyundai to the People

End *******************************

**temoo_110** · 10-04-2008 09:27 PM

واللهى ربنا يصبرك وانا حاسس بيك وباللى حصلك دول ناس معندهومش ولا مبدا ولا ضمير اهم حاجة ازاى يكسبو وخلاص

**som3aa** · 10-04-2008 09:49 PM

يا ريت تكلم معندس عاطف عبد السميع مدير خدمة عملاء غبور اوتو عشان يعرف حجم الكوارث اللي عنده
هو ليه موضوع متثبت هنا باسمه وفيه رقم تليفونة الشخصي كمان

دا برده رايى الشخصى , اشتكى للمهندس عاطف .

حسبنا الله ونعم الوكيل فيهم
انا شايف فى ناس كتير فى المنتدى عندها مشاكل مع غبور
ايه رأيكم لو تتجمعوا مع بعض وتروحوا لحمايه المستهلك مع بعض
وتقدموا شكوى جماعيه اعتقد ان هيكون ليها صدى كبير

دا فعلا احسن حل
انا رايى محدش يسكت على حاجة كده لازم اى حد واجه اى موقف زى دا يشتكى و ميسكتش و ميغيرش حاجة على حسابه , و لا انت تغير الانذار على حسابك و لا صاحبك يدفع مليم.

من الظاهر ان كل الوكلاء فى مصر لا رادع لهم ، كنت اعتقد ان غبور افضل من ابو الفتوح طلع العن

بصراحة متقدرش تعرف مين اسوا من التانى انا رايى يعملوا مسابقة مين اسوا توكيل سيارات فى مصر و اعتقد كل التوكيلات هتنافس بجدارة على المركز الاول سواء بسبب سوء الخدمة او ارتفاع اسعار قطع الغيار او او او او للصبح

علشان الناس تبقى تصدق
والناس تدافع وخلاص حميه ليس في محلها
يا اخواني انا بأرفع راية لكم جميعا
يجب علينا عمل حمله لمقاطعة غبور
واللي يدخل المنتدى وبيسأل على عربيه هيونداي يعرف ممكن يتعمل فيه ايه

أنا ليا رايى فى الموضوع دا يا ابو عبد الله
أنا رايى ان كعبور قصدى بربور قصدى غبور توكيل سىء جداااا و سمعته سيئة جدا و كذابين يعنى كاتبين فى كل جرايد السيارات فى اخر شهر 6 - 2007 تسليم كارت elite هدية لحاجزين الدفعة الاولى من السوناتا و طبعا كذابين و كمان العربية كان مفروض استلمها شهر 4 استلمتها 7 يعنى 3 شهور تاخير مع انى حاجز شهر 1 تانى يوم فتحوا فيه باب الحجز علطول يعنى استلمت بعد 6 شهور و كمان اول شهر 7 كتبوا فى الجرايد تسليم اول دفعة من السوناتا برجاء الاتصال بالموزعين للاستلام طبعا اتصلت علطول قالولى منعرفش حاجة عن الكلام دا (مع انه اعلان مدفوع فى الاهرام) و كان ناقص يقولولى انت عبيط بتصدق الكلام اللى بنكتبه فى الجرايد و لولا عمرو الاسكندرانى (كان نائب غبور ) كان زمانى استلمت السنة اللى بعد الجاية.
بعدين العربية نازل فيها cd-changer مفيش mp3 و لحد النهاردة بيكتبوا mp3 ى ال 2400 و كانوا كاتبين كدا فى معرض الاهرام برده.
و معتقدش انى شفت حد بيدافع عن غبور خالص
بس الفكرة ان كل التوكيلات كده يعنى مش غبور لوحده كل التوكيلات مش بتعامل الناس اسواء معاملة و بتستغلهم و شغل زى الزفت و مفيش ضمير و مغليييين اوووووى على الفاضى يعنى مثلا غيرت تيل الفرامل عند كعبور قصدى غبور ب 1000 جنيه مع انى شفته على hyundai usa قطع غيار اصلية فى توكيل هيونداى فى امريكا ب 54 دولار تخيل فرق السعر !!!
بس برده عايزك تقرا هنا
نصيحة منى ادخل هنا على قسم الميتسوبيشى و الدايو و النيسان و اقرا المشاكل اللى بتقابل الناس
يعنى انا لسه قارى امبارح فى متسوبيشى واحد بيشتكى انه راح توكيل ميتسوبيشى اللى فى جسر السويس و لقى بعد ما مشى سلك بتاع الفانوس مدلدل و مش متوصل
الكلام دا عادى علشان انت فى مصر مش غبور بس
حاجة تانية اناا ملاحظ ان غبور زودها اوى فى رفع سعر العربيات يعنى مش معقول يزود الفرنا و الالنترا و السوناتا 5000 جنيه منغير سبب(مش على انا استلمت بالسعر القديم) عاى الاقل كان حس على دمه و مزودش الفرنا اللى 5000 جنيه دى تمثل اكتر من 8% من تمنها و نفس الكلام عملتوا التوكيلات التانية زى تيوتا و ميتسوبيشى بس اللى استفزنى عربية ب 60000 تزيد 5000 مرة واحدة

أنا كونت بفكر فى الألنترا يس كدا مظونش

أنا رايى لو مش هتجيب عربية علشان توكيل وحش يبقى مش هتشترى عربية فى حياتك

أنا مع الناس اللى رايها نقاطع و مش بس غبور لا احنا ممكن نبدا بغبور و نخش على باقى التوكيلات