الموضوع: اذا سيارتك اتبهدلت و اتنصب عليك يبقى انت اكيد اكيد فى غبور

المشاركة الأصلية كتبت بواسطة cazanova555

يالهووووووووووووووووووووو وووووووي

انا كنت ناوي اجيب فيرنا 2008 مع اني عارف ان التوكيل وحش بس مكنتش اعرف ان العربيه وحشه كمان

لا انا كدا بجد كرهت غبور والله هبعد عن هيونداي خالص ومش هشتريها

طيب اعمل ايه انا كنت بنام احلم بالفيرنا وعلي قد فلوسي

كويس انك نبهتني والله كتر خيرك وربنا يباركلك في الماتريكس

الحمد لله انها اتعملت معلش محدش بيتعلم ببلاش
بس ايه حكايه العيب الي في جهاز الانذار ده انا بصراحه مش افهم فيهم اوي :(

الاخ العزيز لقد كان معى قبل الماتريكس سيارة لانوس و كانت ممتازة جدا جدا و قطع غيرها رخيصة و متوفرة فى كل مكان و كنت بطحنها 7 سنين و زى الفل و هى فى نظرى افضل من الفرينا بكثير رغم انها تجميع مصرى و سؤ التجميع بها يرجع الى اختصار اشياء كثيرة منها ليس اكثر و ثمنها قريب من الفيرنا و لكن يعيبها شيئين الفرامل و التوكيل و خاصة التوكيل الرئيسى لها فى ابورواش انا مش عارف هى منطقة ابورواش دى نحس و لا اية بالظبط !!!

بالنسبة للفرامل ممكن تتأقلم معاها و تفهمها اما بالنسبة للتوكيل اوعى تقربله خالص و الميزة هنا ان فى مكانيكية كثيرين الان بيفهموا فيها كويس و شغلهم انضف من التوكيل و قطع الغيار متوفرة و دة اللى مخلينى حتى الان متردد فى بيعها بجانب ان نفسى شالت خلاص من الماتريكس بسبب توكيل غبور المعفن .

تخيل فى شخص هنا بيقولى انه غير فى غبور طقم السيور كله بتاع الماتريكس بما فيه سير الكاتينة بى 1800 جنية بعد الخصم كمان و معتبر هذا الموضوع طبيعى و انا كنت بغير طقم السيور كله بالبلى بالمصنعية لللانوس بى 180 جنية فقط و كان سير الكاتينة بيخرج كالجديد بعد 50000 كيلو و كنت بجيبه نوع انجليزى ممتاز و ليس كورى و له موقع على النت كمان و طبعا هذا الكلام يعنى ان غبور بيستعبط الناس و بينهبهم على اعلى مستوى ملهاش حل تانى و لو راجعت اسعار هذه السيور اللى بيركبها غبور على النت فى بلاد اخرى ستتأكد من ذلك . انصحك باللانوس او تريح دماغك خالص علشان الدنيا بقت زحمة و تجيب بسكلتة احسن و لا توكيل و لا وجع دماغ و منها رياضة :)

أخي الكريم أنا اللي قلتلك اني غيرت طقم السيور ب 1800جنيه .... سيدي الفاضل انت أسأت فهمي أنا قلت ان صيانة الستين ألف كلفتني 1800 جنيه يعني سير الكاتينه و سير الدينامو و سير الباور و سير التكييف و بلية سير كاتينه ثابته و بلية سير كاتينه متحركه و فلتر بنزين و فلتر هواء و فلتر تكييف و بوجيهات و زيت شل ألترا و فلتر زيت و ميه خضراء و مصنعية تغييرها و ريش مساحات ده بالضافه لضبط زوايا و ترصيص و مصنعية صيانة الستين ألف ... أعتقد كده الصوره وضحت و المبلغ مايبقاش كتير و خصوصا انك في توكيل مش بره عند ميكانيكي ...
تحياتي لك ...

قصة اتحكت لي مش عارفة ايه مدى صحتها، بس مفادها ان في واحد - على ما أتذكر كان سواق تاكسي - اشترى سيارة من ماركة شهيرة و لما طلعت عينه عشان عيوب صناعة او تقفيل و التوكيل كان في منتهى السوء قام معلق يافطة على عربيته زي بتاعة للبيع كده بس كتب فيها ان ماركة العربية دي زي الزفت و توكليها زبالة و اوعوا حد يفكر يشتري عربية ماركتها كذا. الناس تناقلت الحكاية لحد ما التوكيل خد خبر و بعتوا له يشوفوا طلباته ايه عشان يشيل اليافطة دي قام قال لهم ولا حاجة.. خدوا عربيتكوا و هاتوا فلوسي.. و قد كان.

طبعا الحكاية ممكن ماتكونش حقيقية، بس مش عارفة هل هي حركة أخلاقية و لا لأ ان حد يعمل كده مع توكيل عربية هو عارف انهم اي كلام و واخدين سمعة ع الفاضي

مش عارف بس من وجهة نظري الشخصية الحل ما يبقاش كده ... في طرق تانيه كتير أكثر تحضر من كده .... دا رأيي

المشاركة الأصلية كتبت بواسطة liquidator

أخي الكريم أنا اللي قلتلك اني غيرت طقم السيور ب 1800جنيه .... سيدي الفاضل انت أسأت فهمي أنا قلت ان صيانة الستين ألف كلفتني 1800 جنيه يعني سير الكاتينه و سير الدينامو و سير الباور و سير التكييف و بلية سير كاتينه ثابته و بلية سير كاتينه متحركه و فلتر بنزين و فلتر هواء و فلتر تكييف و بوجيهات و زيت شل ألترا و فلتر زيت و ميه خضراء و مصنعية تغييرها و ريش مساحات ده بالضافه لضبط زوايا و ترصيص و مصنعية صيانة الستين ألف ... أعتقد كده الصوره وضحت و المبلغ مايبقاش كتير و خصوصا انك في توكيل مش بره عند ميكانيكي ...
تحياتي لك ...

اشكرك على التوضيح لانى فعلا اتصدمت من المبلغ اللى ذكرته فى كلامك السابق لانك لم توضح كل ما تم تغيره غير السيور مع العلم ان سير الكاتينة المحترم بتاع الدايو لوحده بيعمل 45 جنية طيب ما هو سعر سير الكاتينة بتاع الماتريكس لوحده فى فاتورة غبور ممكن توضحلنا ثمنه كام .