عجبانى اوى الـ m11

**khaled_Saga** · 19-03-2011 09:59 PM

المشاركة الأصلية كتبت بواسطة moustafa_saad

انت برده بتتكلم صح عن اللوجان بس حاقولك حاجه
انا اشتريت اللوجان علشان المميزات اللى انت قولتها من ارتفاع عن الارض وعفشه كويسه ووسع داخلى جميل جدا وشنطه مهوله وعمليه فعلا من الدرجه الاولى لان دية طبيعتى احب اجيب الحاجه العمليه بغض النظر عن اى شىء تانى
اما العيوب اللى حضرتك قولتها صدقنى بعد ماتركب العربيه اسبوعين تلاته مش حتحس بيها نهائى وحتتعود على كل حاجه فيها وعلى فكره معظم العربيات الفرنساوى حتلاقى الكلاكس فى دراع الاشاره مش عارف ليه كده زى البيجو 405 و 504

مظبوط كلامك يا مصطفى كده احنا متفقين فى الرأى من ناحية المميزات والعيوب واكيد مع الوقت هتتعود عليها بس يعنى انا حاسس انى مش هبقى مرتاح فيها اوى خصوصا انى دقيق وموسوس اوى
معلش نسيت اقولك كمان عيب هو يعنى ميعتبرش عيب بس ممكن نقول انه عيب لان فيه عربيات فى نفس سعرها وفيها اوبشنز اكتر فاللصراحة اللوجان فقيرة الكماليات اذا قارناها بمثيلاتها فى السعر من الصينى

ربنا يباركلك فيها ويكفيك شرها

**tiger45** · 19-03-2011 10:28 PM

المشاركة الأصلية كتبت بواسطة moustafa_saad

خليك فى المضمون وهات اللوجان مع احترامى انها عربيه شيك فعلا لكن مش عارف ليه الصينى حاسس انه مش مضمون وعموما اصحابه اكيد يعرفوا اكتر منى ويفيدوك احسن

انا معاك حاول تبعد عن الصيني

**khaled_Saga** · 19-03-2011 10:56 PM

المشاركة الأصلية كتبت بواسطة tiger45

انا معاك حاول تبعد عن الصيني

ههههههههههه رجعنا انقطة البداية
حاول تراجع الهيستورى بتاع اخر كام مشاركة وانت هتفهم الموضوع

**MOUSTAFA_SAAD** · 20-03-2011 06:50 AM

المشاركة الأصلية كتبت بواسطة khaled_saga

مظبوط كلامك يا مصطفى كده احنا متفقين فى الرأى من ناحية المميزات والعيوب واكيد مع الوقت هتتعود عليها بس يعنى انا حاسس انى مش هبقى مرتاح فيها اوى خصوصا انى دقيق وموسوس اوى
معلش نسيت اقولك كمان عيب هو يعنى ميعتبرش عيب بس ممكن نقول انه عيب لان فيه عربيات فى نفس سعرها وفيها اوبشنز اكتر فاللصراحة اللوجان فقيرة الكماليات اذا قارناها بمثيلاتها فى السعر من الصينى

ربنا يباركلك فيها ويكفيك شرها

متفقين ياباشا فعلا العربيات الصينى جننت الناس بسبب الامكانيات اللى فيها
وعلى فكره انا شوفت ال m11 بصراحه شكلها رهيب سواء من بره او من جوه وعجبتنى جدا جدا بس زى ماقولتلك وجهة نظرى انا اتجهت للمضمون لان فلوس العربيه ماجتشى بالساهل بالنسبه لى

وفيه عربيه تانيه انا سوقتها فعلا وهى البيريليانس الهاتش باك وبصراحه انا ماسوقتش عربيه فى حلاوتها ونعومتها وشياكتها بس برده بعدت عنها بسبب عقدة الصينى ده غيران قطع غيارها اغلى من الرينو ذات نفسها وسعهرها كان اغلى كمان

وزى ماانت قولت عربيه ب 70 الف لازم تضحى بحاجات مقابل حاجات تانيه وهنا بيجى اختلاف الاذواق فكل واحد ليه متطلبات معينه ميقدرشى يستغنى عنها فبيروح لعربيه معينه
اللى عاوز اوبشن كتير بيروح للصينى واللى عاوز رخص قطع غيار بيروح للكورى واللى عاوز اعتماديه وعمليه بيروح للوجان وكفايه انى اقولك انى ركبت فيها ست افراد محكيتشى فى اى مطب
وتحياتى ليك على معلوماتك واسلوبك فى الحوار

**ALshahba** · 20-03-2011 06:07 PM

فعلا يا جماعه ده عين العقل.....عايزين موضوعيه فى الكلام ونحل مشاكل بعض مش نتريق علي بعض ونفضل نمدح فى انواع ونذم فى انواع....... عايزين اتحاد وليس تفرق .......والمساعده وليس تهكم

**MOUSTAFA_SAAD** · 20-03-2011 06:31 PM

المشاركة الأصلية كتبت بواسطة ALshahba

فعلا يا جماعه ده عين العقل.....عايزين موضوعيه فى الكلام ونحل مشاكل بعض مش نتريق علي بعض ونفضل نمدح فى انواع ونذم فى انواع....... عايزين اتحاد وليس تفرق .......والمساعده وليس تهكم

للاسف يااستاذى الفاضل اسلوب التهكم ده بقى هو السايد بين الناس فى الحوار فى كل حاجه مش فى العربيات فقط
اى ماركه مختلفه عن ماركة صحبك تبص تلاقيه يتريق عليك ويكرهك فيها واعرف ناس كرهوا عربياتهم بسبب كلام ذم ملاهوش اى اساس من الصحه
وده حصل من ابن خالتى اعقد يقولى بقى دية عربيه تجيبها انت رميت فلوسك فى الارض مش كنت تسمع كلامى لدرجة خلانى زعقتله وكان راكب جنبى ساعتها وكنت بفكر انزله فى السكه من زهقى وحرقت دمى بس ماسكت اعصابى
والمهم انه هو معاه لانوس مخليها مشرحه والله والعربيه الكاروه انضف منها ومع ذلك مش عاجبه عربيتى

اهم حاجه الواحد يحافظ على حاجته وكله فى الاخرقريب من بعضه والفرق مش كبير قوى

**ALshahba** · 20-03-2011 07:04 PM

فعلا يا استاز مصطفي عندك حق .... التريقه والتهكم وبس ..... معلش الحمد لله علي سائر النعم
والف مبروك علي عربيتك وان شاء الله تكون افضل مما تتوقع ... وتابع دائما قسم اللوجان وحل مشاكلها معاهم وسيبك من كلام الحاقدين المتهكمين
وانا عامل موضوع عن 620 وبكتب فيه بكل جديه وموضوعيه عيوب عربيتي وبحاول علي قد ما اقدر احل مشاكل زملائي فى هذا المنتدي الرائع

صحيح ... اللوجان بتعمل كام فى اللتر الواحد ؟؟ وهل في منها اوتو ماتك ؟؟

**MOUSTAFA_SAAD** · 20-03-2011 07:08 PM

مفيش منها اوتوماتيك واستهلاك البنزين كويس جدا انا بحرق على الغيارات وسرعه فوق ال 120 وبتعمل حوالى 12.5 الى 13 كيلو فى اللتر ولسه بتعتبر فى التليين

**ALshahba** · 24-03-2011 05:34 AM

ماشاء الله ربنايباركلك فيها و يديك خيرها ويكفيك شرها

**katoba** · 25-03-2011 07:17 PM

والله ياجماعه انا بصراحة او مرة ادخل المنتدى وسعيد جدا جدا باسلوبكم الراقى فى التفاهم وياريت كلنا نعمل كدة لان الفترة دى محتاجين نكون جنب بعض ونخاف على بعض اكتر .. وبالنسبالى انا معايا فى حدود 60 الف وكمان شهرين او حاجة اكملهم 70 ان شاء الله انا بصراحة محتاجها للسفر لان شغلى بعيد وكل يوم هسافر حوالى 100 كيلو يعنى من الاخر عاوز حاجة تستحمل اوى وتشيل معايا .. انا محتار بين ال3 انواع الى عليهم النقش ال fsv وال m11 وال logan بالاضافة الى الرينو السانديرو بردة بس بصراحة انا ميال اكتر لل m11 بس لو فية حاجة تستحمل اكتر منها وبتوفر فى البنزين يبقى اهلا بيها لية لاء وبالمناسبة دى اول عربية هشتريها ان شاء الله فعاوز حاجة كويسة اوى ودى للاسف قدراتى ومقدرش ازود عن كدة .. غير انى مش مقتنع بنظرية الهجوم على الصينى لاجل انه صينى فارجوا الافادة من اهل الخبرة والمعرفة الى جربوا الانواع دى .. وشكرا ليكم