الموضوع: عجبانى اوى الـ m11

المشاركة الأصلية كتبت بواسطة katoba

والله ياجماعه انا بصراحة او مرة ادخل المنتدى وسعيد جدا جدا باسلوبكم الراقى فى التفاهم وياريت كلنا نعمل كدة لان الفترة دى محتاجين نكون جنب بعض ونخاف على بعض اكتر .. وبالنسبالى انا معايا فى حدود 60 الف وكمان شهرين او حاجة اكملهم 70 ان شاء الله انا بصراحة محتاجها للسفر لان شغلى بعيد وكل يوم هسافر حوالى 100 كيلو يعنى من الاخر عاوز حاجة تستحمل اوى وتشيل معايا .. انا محتار بين ال3 انواع الى عليهم النقش ال fsv وال m11 وال logan بالاضافة الى الرينو السانديرو بردة بس بصراحة انا ميال اكتر لل m11 بس لو فية حاجة تستحمل اكتر منها وبتوفر فى البنزين يبقى اهلا بيها لية لاء وبالمناسبة دى اول عربية هشتريها ان شاء الله فعاوز حاجة كويسة اوى ودى للاسف قدراتى ومقدرش ازود عن كدة .. غير انى مش مقتنع بنظرية الهجوم على الصينى لاجل انه صينى فارجوا الافادة من اهل الخبرة والمعرفة الى جربوا الانواع دى .. وشكرا ليكم

ربنا يوفقك للاختيار السليم ان شاء الله

أرشحلك عربية من ال 3 عربيات اللى انت محتار بينهم بالترتيب حسب ارتياحى ليهم ومن وجهة نظرى المتواضعة:

1. بريليانس fsv
2. سبرنزا m11
3. لوجان

الترتيب لايقلل شىء من شأن اى عربية فيهم ولكن زى ما انا قولت من وجهة نظرى وعلى فكرة انا لا اهتم بموضوع الصينى والكلام ده فالعربيات كلها مجربة ومش جديدة علينا واكيد كل عربية مش دول بس ليها مميزاتها وعيوبها مهما كان سعرها

ده بروشور ال fsv لو حبيت تطلع عليه وتعرف عنها اكتر واالفروق بين التلات موديلات بتوعها:

http://www.brilliance-eg.com/Brochures/FSV%20Flyer.pdf

وكمان مش هننسى الاسبرانزا ده تقرير مصور من مدونة اسبرانزا فى مصر:

Speranza: Speranza M11 Review - The Truth About Speranza M11 Cars - M11 طھظ‚ط±ظٹط± ط¹ظ† ط¥ط³ط¨ط±ط§ظ†ط²ط§

وبردو تقرير مصور عن اللوجان:

رينو لوجان 2010 كل الامكانيات عنها