ياجماعة وبدون تحيز..
كل العربيات فيها مشاكل وده شىء طبيعى من ارخص عربية لاغلى عربية فى العالم محدش يقدر ينكر ده
كل عربية ليها محبينها وغير محبينها وده بيرجع عن يا اما تجربة شخصية او عن تجارب الغير او حتى عن قراءة تجارب الاخرين
كل عربية ليها دقات نقص مع ناس معينة لظروف معينة وكمان كل عربية ليها مميزاتها مع ناس تانية فى ظروف تانية
يصعب الحكم على عربية لرأى شخص او اتنين او حتى مية ومن المأكد ان لو العربية سيئة 100 فى ال 100 اكيد مش هتنتشر ومحدش هيشتريها
لولا اختلاف الاذواق لبارت السلع
كل عربية ليها مكانة وفيها مميزات وعيوب لكن طبعا لازم نحكم على العرية فى فئتها..مش كل الناس معاها 100 الف او مايزيد عشان تقدر تجيب عربية ميختلفش عليها اتنين
كل برغوت على اد دمه بالبلدى يعنى - يعنى انا مثلا معايا 70 الف هعمل ايه يعنى لازم اشترى عربية يا اما صينى يا اما حاجة غير الصينى لكن فقيرة فى كتير من الكماليات او الامكانيات وده مش عيب امال هم ليه عملوا عربية رخيصة وعربية غالية الا عشان كل الناس او معظمها تقدر تشترى عربية تقضى بيها الغرض وعلى حسب امكانيات كل مشترى
اتمنى الحوار فى موضوعتنا يرتقى من شكل العصبية والتحيز الى النصيحة ومحاولة حل المشكلات وايضاح المزايا والعيوب ليس اكثر
المفضلات