الموضوع: ايقاف السيارة عن بعد فى حاله سرقتها

انا عندي انزار وولف و هوا ع فكره لو فصلت البطاريه حطتها تاني مش هتشتغل برده عشان الانزار ف زاكره بتسجل اخر حاجه حصلت ايه فلما توصل البطاريه برده مش هتدور
انا مركب الانزار ف توكيل وولف و شغال بكل خواصه و بقاله من 5 شهور او 6 و مفيش شكوي

اخيراً قمت اليوم بتركيب كتاوت الانذار ودلوقتى لو حد دور العربيه منغير ما يفتح بالريموت هتدور وتبطل تانى بعد ثوانى و لوحد اخذ العربيه بالعافيه وجرى ممكن ادوس على زرارين فى الريموت وبعد 15 ثانيه تشتغل السارينه ثم تبطل السيارة وتقف بيه فى نص الشارع .
لو حد عنده الكتاوت ومش راكب يقولى علشان اقولكم على طريقة التوصيل .

المشاركة الأصلية كتبت بواسطة maged_samy

اخيراً قمت اليوم بتركيب كتاوت الانذار ودلوقتى لو حد دور العربيه منغير ما يفتح بالريموت هتدور وتبطل تانى بعد ثوانى و لوحد اخذ العربيه بالعافيه وجرى ممكن ادوس على زرارين فى الريموت وبعد 15 ثانيه تشتغل السارينه ثم تبطل السيارة وتقف بيه فى نص الشارع .
لو حد عنده الكتاوت ومش راكب يقولى علشان اقولكم على طريقة التوصيل .

ياريت تقولنا ازاى نشغله عشان انا مرة الزر بتاع الفتح علق ففتحت الباب بالمفتاح ودورت العربية ومشيت عادى وما طفتش منى كل اللى حصل ان الانذاز اشتغل وهى ماشيه

المشاركة الأصلية كتبت بواسطة ayman97

ياريت تقولنا ازاى نشغله عشان انا مرة الزر بتاع الفتح علق ففتحت الباب بالمفتاح ودورت العربية ومشيت عادى وما طفتش منى كل اللى حصل ان الانذاز اشتغل وهى ماشيه

فيه كتاوت بيجى مع الانذار ونادر جداً ان الكهربائى يركبه لو عندك هقولك على طريقه التوصيل لو مش عندك للاسف مينفعش اى كتاوت تانى وممكن تجيب واحد من عند اى كهربائى يكون بيركب اجهزة انذار لانه فى الغالب بياخده من الزبون .
طريقه توصيل اطراف الكتاوت :

1- الطرف رقم 87 يوصل مع + موجب اللى جاى من الكونتاكت . (لونه اخضر )
2- الطرف رقم 30 يوصل للبوبينة الطرف الموجب + . ( لونه اخضر ) .
3- الطرف رقم 85 يوصل مع السلك اللى بيجيله - سالب فى حاله فتح الكونتاكت او الباب والانذار مغلق ( لونه اصفر فى اغلب الانواع ) .
4- الطرف رقم 86 يوصل مع اللى جاى من الكونتاكت + موجب .