اظن بعد الشرح المتميز دة عيب اوى نرفض التعديلات الدستورية

**ezzatfox** · 18-03-2011 12:12 AM

المشاركة الأصلية كتبت بواسطة otefa

الجيش شريك الثورة
طب شريكى دة مش يفهمنى و يطمنى و يعرفنى الاحتمالات و البدائل عشان اعرف اختار و لا يسيبنا نخبط اخماس فى اسداس و نخمن اية اللى هيحصل !!! فى حالة غموض متعمدة مع ان عندهم الحلول لكل الحالات .. و الغموض مقرون بلغة تهديد مستترة بعدم الاستقرار بدون اقناعنا باى اسباب منطقية لذلك بل ان اعمال المنطق يقول ان الاستقرار هييجى بدستور جديد تماما .. و دى حاجة مخوفانى و قلقانى من موقف الجيش نفسة .
الأخوان تواجدهم لن يقل مع الوقت بل بالعكس
فا مش كام شهر ألي هايغيرو موازين القوى السياسية ولا كام سنة
طيب كويس انك عارف ان الاخوان تأثيرهم هيزيد مع الوقت .. خاصة بعد استعمالهم لاساليب الحزب الوطنى سابقا للترويج لحملتهم للاستفتاء بنعم يبقى احنا نساعد على انفرادهم مع الوطنى بشغل الساحة السياسية بدون تكوين كيانات موازية لهم فى القوة و التنظيم ؟؟؟
أي تأخير سيفيد الحزب الوطني لأعادة تنظيم صفوفه
الحزب الوطنى طبعا دى فرصتة انة يعود للحياة تانى بممثلين فى البرلمان و ينقذ نفسة من مسلسل السقوط و الخسائر اليومى .
نعم للتعديلات

لا لدستور 71 و تعديلاتة و نعم لدستور جديد

انا هصوت بلالالالالالالالالالا

**otefa** · 18-03-2011 12:23 AM

الأخوان تواجدهم لن يقل مع الوقت بل بالعكس
فا مش كام شهر ألي هايغيرو موازين القوى السياسية ولا كام سنة
طيب كويس انك عارف ان الاخوان تأثيرهم هيزيد مع الوقت .. خاصة بعد استعمالهم لاساليب الحزب الوطنى سابقا للترويج لحملتهم للاستفتاء بنعم يبقى احنا نساعد على انفرادهم مع الوطنى بشغل الساحة السياسية بدون تكوين كيانات موازية لهم فى القوة و التنظيم ؟؟؟
------------------
الجواب عندك أيه الحل لتوازن أفضل بما أنك رافض للتعديلات؟
أنا مع التعديلات ورأي أنها الحل الأفضل ومن منظور توازن أفضل للقوى السياسية وبأن الوطني في أضعف حالاته

**ezzatfox** · 18-03-2011 02:52 AM

قانون الاحزاب لسة متعدلش حتى الان .. و الاحزاب الجديدة اللى المفروض تعمل توازن دى لسة مش موجودة لحد دلوقتى .

و بعدين مش هى دى النقطة الجوهرية فى رفض التعديلات او تأييدها لية ؟؟

لان فى كلا الحالتين سواء هنعمل دستور جديد او هنكتفى بالتعديلات الانتخابات البرلمانية هتتعمل فى نفس الوقت تقريبا

لو نعم .. هيبقى انتخاب مجلس الشعب فى سبتمبر و انتخابات مجلس الشورى فى اكتوبر .

لو لا .. يبقى هنعمل دستور جديد .. و الخبراء قالوا انة هياخد 3 شهور .. خلينا نقول 6 شهور .. يبقى بردة هتعمل الانتخابات فى نفس الوقت تقريبا .. و انشاءالله مش هيبقى فيها مجلس شورى .