الموضوع: الزملاء اللي بيقولو لا للتعديلات ... ياريت حد يقولي ايه اللي حيحصل لما نرفض التعديلات

المشاركة الأصلية كتبت بواسطة medo_2060

استاذ ابو عبدالله ... حضرتك بتقول الصوره دى معموله عشان الناس تقول لا وبتقول ان الى هيحصل بعد نعم هنا مش صحيح..
طب وضحلنا ايه الغلط فى ما بعد نعم فى الصوره دى ؟؟ بغض النظر عن اعاده دستور 71 لان الكلام دا فى لبس جامد واللواء ممدوح قال كلام متناقض فاعتبر ان الطريقين هيبقوا اول خطوه فيهم اعلان دستورى ( ودا الى كتير اكدوه)... بعد كدا بقى ايه الغلط هنا فى سكه نعم ؟؟

ماهو موضوع رجوع دستور 71 ده فيصل في الموضوع
وانا سمعت اللواء بنفسي مع خيري رمضان لما سأله جاوب وقال فيما معناه ان دستور 71 معطل وسيظل معطل بعد نعم او لا لأنهم هيعملوا اعلان دستوري مؤقت للبلاد لحين عمل دستور جديد في الحالتين
ده غير ان السيناريو اللي مكتوب فلا غير معروف وده كله اجتهاد
المجلس الأعلى للقوات المسلحة لم يصرح بسيناريو واضح لما بعد لا في حاجات كتير قوي مش هيا اللي مكتوب بس او بالظبط

المشاركة الأصلية كتبت بواسطة ahmedbatoos

1-الجيش اذا قلنا - لا - اعلن ان لن يكون هناك مجلس رئاسي كما كان متوقع -


2-الجيش اذا قلنا - لا - اعلن انة هيعلن احكام عامة مثل عبد الناصر والتي ادت في النهاية لعدم وضع دستور

3-الجيش لم يوضح اي شئ لا متي ولا كيف ولا حتي تأكيد علي خيار وضع دستور جديد اذا قلنا - لا - بل اليوم بجريدة الشروق الصفحة الاولي متحدث باسم الجيش يقول اذا قلنا لا لن يكون هناك دستور جديد بل اعلان احكام عامة لحين وضع دستور جديد


4-الجيش قرر اذا قلنا -نعم - انة يلزم الرئيس القادم و المجلس القادم بوضع دستور جديد بخلاف ان التعديلات من وضعوها اكدوا انها ملزمة لوضع دستور جديد

5-الجيش اذا قلنا -نعم- قرر ايقاف العمل بدستور 71 الي بيدي صلحيات للرئيس واسعة وكمان فية نسبة ال 50 % وما الي ذلك مباشرة بعد الموافقة واعلان اعلان دستوري بلتعديلات فقط


الجيش دمر الخيار ( لا ) بكل تأكيد ودعم الخيار ( نعم)


- - - - لا اري اي مبرر لقول لا (حسب رأي) سوي بعض التخوف من الاخوان المسلمين

1-قالوا 35% فقط من الدوائر يعني لو نجحوا تقريبا 30% يعني اقلية
2-مش هينزلوا رئاسة
3-مش عايزين حقائب وزارية
4-هيدعموا المستقلين والاحزاب الاخري
سيكون المجلس المنتخب متنوع بكل تأكيد ومنتخب من ارادة الشعب فلن يقل المستقلين والاحزاب الاخري عن 50% وسيتبقي 20% او اقل لفلوس الحزب الواطي والي اغلب مكاسبهم هتكون في القري في الفالحين بسبب خدماتهم لاهالي ديرتهم هناك

المصادر وهي كلام الجيش وليست اشاعات النت وبعض الكتاب

http://www.almasry-alyoum.com/articl...3&issueid=2077

والشروق الصفحة الاولي اليوم في تصرحيات الجيش
وكذلك تصرحيات متلفزة مثل

http://www.facebook.com/permalink.ph...90953&comments

الله يفتح عليك تمام فعلا

المشاركة الأصلية كتبت بواسطة احمد المصرى

قال رسول الله - صلى الله عليه وسلم
قال : من قال لأخيه يا كافر ، فقد باء بها أحدهما

مش فاهم ايه العبره يعني
ياريت تقولي عليها مباشرةأ
علشان مفهماش غلط لن بصراحه لو فهمتها غلط هيبقى موقف لك وحش جدا وسيأخذ عليك انت
هو معنى ان الواحد يقول مين مع ده ومين ضد ده يبقى ........
بصراحه قياس عجيب وغريب

المشاركة الأصلية كتبت بواسطة medo_2060

بالذمه دا منطق يا جماعه ... يعنى مجمعين سلفيين ( الى كانوا مساندين الثوره من الاول فعلا) واخوان وشيوخ الاسلام مع نعم عشان تخلوا الناس تقول نعم باسم الاسلام... ومع لا حاطين علمانين وكنيسه وبتاع... طيب لو بتقولوا بنجمع الاطراف ماشى حقكم لكن ايه الى احنا شباب خايف على الاسلام وهنقول نعم !!! والله الكلام دا ان كان هيجمع 5 انصار هيطفش 10...
طب ما عمرو خالد ومعز مسعود قالوا لا مكتبتوش اسمهم ليه فى الصوره ؟
ثم نسيتوا تكتبوا الحزب الوطنى فى قائمه نعم ولا الى بيتكتب عالمزاج بس
لاحول ولا قوه الا بالله

يا أخي الفاضل لو انت مش شايف كده
في غيرك شايفين كده وبوضوح
انا والله معنديش اي مشكلة في اللي بيقول لأ
ولكن ده لا يمنعني من خوفي من ان غالب اللي بيقولوا لأ هم من تحدثوا في المادة الثانية من الدستور من قبل اكتر من مره
فمش معقوله انك لازم تحجر على رؤيتي لما اراه
دي حقيقة وناس كتير والله شايفينها كده مش واحد او اتنين يعني
احنا بلد لنا عادات وتقاليد وعقائد معينه
مش هينفع في يوم نبقى زي امريكا او غيرها في الحريات الشخصية المطلقة يعني

المشاركة الأصلية كتبت بواسطة amr_2010

أنا شايف ان الجيش ليس لديه سيناريو واضح اذا كانت النتيجة لا
بل على العكس يحاول جعل الصورة ضبابية و قاتمة أمام سيناريو لا لحث الناس على نعم

وهو ده اللي بنقول من الصبح
ان مفيش سيناريو تقدر تجزم بها لما بعد لأ
لأن من الآخر كده لو قولت لأ
يبقى بتقول للجيش اتصرف فقط

المشاركة الأصلية كتبت بواسطة أبو عبدالله

ماهو موضوع رجوع دستور 71 ده فيصل في الموضوع
وانا سمعت اللواء بنفسي مع خيري رمضان لما سأله جاوب وقال فيما معناه ان دستور 71 معطل وسيظل معطل بعد نعم او لا لأنهم هيعملوا اعلان دستوري مؤقت للبلاد لحين عمل دستور جديد في الحالتين
ده غير ان السيناريو اللي مكتوب فلا غير معروف وده كله اجتهاد
المجلس الأعلى للقوات المسلحة لم يصرح بسيناريو واضح لما بعد لا في حاجات كتير قوي مش هيا اللي مكتوب بس او بالظبط

يا استاذ ابو عبد الله انا معاك اخر حاجه تقريبا تم الاتفاق عليها هيكون فى اعلان دستورى سواء بنعم او لا ... المهم مش عايزين نخرج من كلامنا على بعد لا لنقطه واحده..
دلوقتى السيناريو المكتوب مش اجتهاد ولا حاجه دا قواعد دستوريه معروفه.. يعنى لو قلنا نعم :
انتخابات برلمان
انتخابات رئاسه
دستور جديد
بعد الدستور الجديد هيتحل الانتخابات الى فاتت دى تانى
استفتاء عليه تانى
ثم انتخابات تانيه
وفى الاخر نوصل للى عايزينه
ولو قلنا لا :
دستور جديد الاول
استفتاء مره واحده (مش مرتين زى سكه نعم)
انتخابات برلمانيه على نضيف(مش مرتين زى سكه نعم)
انتخابات رئاسيه (مش مرتين زى سكه نعم)
وكدا خلاص....

الكلام دا مش كلامى انا مش خبير دا كلام الخبراء فى المجال دا والله ... قولى بقى حضرتك فين الغلط تحديدا ارجوك متقوليش الكلام دا عموما غلط لا قولى فين الغلط وايه الى نعمله مكان الغلط دا










يا أخي الفاضل لو انت مش شايف كده
في غيرك شايفين كده وبوضوح
انا والله معنديش اي مشكلة في اللي بيقول لأ
ولكن ده لا يمنعني من خوفي من ان غالب اللي بيقولوا لأ هم من تحدثوا في المادة الثانية من الدستور من قبل اكتر من مره
فمش معقوله انك لازم تحجر على رؤيتي لما اراه
دي حقيقة وناس كتير والله شايفينها كده مش واحد او اتنين يعني
احنا بلد لنا عادات وتقاليد وعقائد معينه
مش هينفع في يوم نبقى زي امريكا او غيرها في الحريات الشخصية المطلقة يعني

استاذى ابوعبدالله انا مقلتش انا بحجر على رأيك ولا قلت متقولش الى يعجبك وتحشد ناس زى ما تحب...
دا ردى اهوه


بالذمه دا منطق يا جماعه ... يعنى مجمعين سلفيين ( الى كانوا مساندين الثوره من الاول فعلا) واخوان وشيوخ الاسلام مع نعم عشان تخلوا الناس تقول نعم باسم الاسلام... ومع لا حاطين علمانين وكنيسه وبتاع... طيب لو بتقولوا بنجمع الاطراف ماشى حقكم لكن ايه الى احنا شباب خايف على الاسلام وهنقول نعم !!! والله الكلام دا ان كان هيجمع 5 انصار هيطفش 10...
طب ما عمرو خالد ومعز مسعود قالوا لا مكتبتوش اسمهم ليه فى الصوره ؟
ثم نسيتوا تكتبوا الحزب الوطنى فى قائمه نعم ولا الى بيتكتب عالمزاج بس
زى ما قلت لحضرتك الى عمل الصوره بيلعب على تخويف الناس بالدين عشان مصالحه واتمنى تجاوبنى على الاسئله الى سألتها بدل ما ندخل فى نقاشات فرعيه
ليه متقالش للناس على كل الى قالوا نعم ولا ؟؟
ليه الى عمل الصوره عملها على مزاجه؟
ليه كاتبين على الى بيقولوا نعم شباب خايف عالاسلام هو الى هيقول لا بقى مش خايف؟
ليه مكتبتوش الحزب الوطنى فى قائمه نعم؟
ليه مكتبتوش معز مسعود وعمرو خالد فى قائمه لا؟