الموضوع: الى عشاق هيونداى فيرنا ارجوا الأفادة من مالكى هذة السيارة

عن تجارب اصدقائي و ناس في المنتدي كل واحد معاه اوتو ماتيك لازم حتلاقية بيقولك في زنه وره العربية ما بتسحبش لازم زيت يتغير و بعدين كله بيفتي في تصليحة و تصليحة صعب جدا و مكلف عموما دية مشاكل بتظهر في كل الاوتوماتيك في العربيات الي علي قدها ام الجير بتاع المانيوال لحد دلوقتي مشاكلة محدودة محدش اشتكي منة و الله اعلم

كل الناس بتشتكى من التقفيل المصرى
الفيرنا و النوبيرا و الصنى
و انا فكرت فى ال 3 عربيات و كنت هجيب الفيرنا فلقيت سعرها قريب من النوبيرا فرق 8000 جنيه تقريبآ لكن برضه الناس خوفتنى منها و من عفشتها و رداءه الصنع و شكلها القديم و المصنع اللى قفل و هكذا
و الصنى كذلك مع ان الفرق برضه مش كبير بينها و بين النوبيرا لكن هنقول ايه بقى ( تقفيل مصرى )
و الفرق من الفيرنا لحد الصنى 16000 بس و انا شايف انه من فرق كبير لأنه بينقلك من فئه لفئه تانيه
لكن كلام الناس هو اللى بيخلى الواحد يفكر اكتر من مره قبل مايشترى اى عربيه

فى رأيى
الفيرنا موتور قوى علشان حجم العربيه صغير لكن مش سوبر
ماجربتش الثبات لكن اعتقد هيبقى زى اللانوس

النوبيرا موتور قوى و صالون كبير بغباوه و برضه ماجربتش الثبات و ماشوفتش منها عربيه فابريكه ولا بحس انها فابريكه لما بتمشى فى الشارع

الصنى
عربيه تحفه موتور و سحب و صالون مش فى حجم النوبيرا بس ممتاز و مريح

فكرت فى كل العربيات دى و كل شويه اقول ياواد ذود 6000 جنيه و جيب نوبيرا طيب ماتزود و هات صنى طيب ده الفرق بين الأوتوماتيك الصنى و المانيوال 4000 طيب ماتجيب السوبر صالون و كده دخلنا من عربيه ب 70000 لعربيه ب 100000 و اكتر كمان

و بكره يقف انتاج النوبيرا و يبقى مكانها الأسبرانزا و هيبقى الأختيار سهل
يافيرنا يا صنى
و برضه هنقول تقفيل مصرى

الفيرنا موتورها و جريها افضل من ال 3 عربيات السابق ذكرها حتي لو 1500
اتزان مش سيء للدرجة احسن من الاكسنت كتير
قطع غيار رخيصة و انتشار عالية جدااااااااااااااااااااااا اااااا
العفشة بتاعتها تمام جدا ما عدا عيب واحد هوا التربيط و الزوايا ( و لوني اكتشف بالصدفة من كام يوم ان دا مش عيب دا غالبا حاجة في التصميم لامتصاص المطبات و القرف الي في بلدنا علشان العفشة ما تتبهدلش بسرعة قوي ( ة برضة طبعا الاستخدام بيفرق كلها عربيات شعبية
مشاكل الاوتوماتيك بتظهر ممكن بعد 30 الف زي ما حصل مع واحد زيميلي
و بعدين حرام ادفع اكتر من 70 في عربية برضة تقفيل مصري فيلاالاخر

مش لازم 30 الف دا مجرد مثال حصل مع واحد صحبي معاه اوتوماتيك لقية بعد ما عمل 30 الف بيقولي العربية ما بتسحبش و فية مشاكل في الجير و فية ناس تانية عاملة اكتر من كدا و مفيش مشاكلو ناس ظهرت مشاكل في اقل من كدا
الجيتز سمع انها افضل علشان قفيل كوري بالكامل عموما و صاجها افضل انا مش عايز افتي فيها برضة لاني مش فاهمها قوي بس قطع غيار و كدا اسال حد يكون مالكها
الافيو انا مش باحبها لحاجات شخصية لسة بن خالي عامل بيها حادثة لخلل في العربية و لما راح التوكيل كانت عايزة 35 الف جنية تصليح