شاهين سعرها زاد 5000...ليييه

**PRO-DRIVE** · 12-04-2008 02:15 PM

يا جماعه الي ينتقد ينتقد براحته في العربيه بس مش من حق اي حد التعدي علي شخص

**heronasser** · 12-04-2008 02:24 PM

رفع سعر الشاهين لسبابين محتملين
1: رفع الايرادات المتوقعه لان الشركه ستعرض لمستثمر رئيس في الشهر القادم وبالتالي رقع قيمه المبيعات المتوقعه يرفع قيمه الشركه
2: كلام الوزير رشيد عن تعويص اصحاب السيارات موديلات 25 سنه قبل وده راح يكون بالتعاون مع شركات السيارات تقسيط بدون فوائد وبالتالي لازم يرفع السعر اولا نصاحه مصريه ..........

**aif** · 12-04-2008 02:31 PM

يا جماعة بالراحة ...
اللي مش عاجبه السيارة وشايف انها غالية ... بلاش يشتريها .. وكل واحد له رأيه ... وجميع الآراء يجب ان تحترم
وبرغم ان الاغلبية ضدها لكن الكلمة العليا للسوق ... ح تتباع والا لأ
اعتقد انهم لو فتحو ترخيص التاكسي في القاهرة الاقبال ح يزيد جدا علي الشاهين
وبعدين كل حاجة غليت في مصر حتي المياه ... اشمعني الشاهين

**ams** · 12-04-2008 03:20 PM

اعتقد ان اللى هيجيب تاكسى هيجيب لادا روسى
وان الشاهين سعرها زاد عشان وقف الانتاج مش اكتر

**محمد ابراهيم 1** · 12-04-2008 09:00 PM

هى عربيه حلوه جدا لكن غاليه جدا
حلوه لأنها
معمره
قويه
حماله أسيه
قطع غيار ببلاش

لكن يعيبها أنها
ضيقه جدا
مفتقده للراحه والكماليات
شكل قديم

غاليه لأنها
تقفيل مصرى
أصل تركى منخفض التكاليف
مفيش أى كماليات
كاوتش 13 مصرى
مساعدين عايزين يترموا
يعنى لو جبتها وغيرتلها الكاوتش والمساعدين وركبتلها تكييف
حتلاقى سعرها بقى 70 ألف من غير باور ولا قزاز ولا سنتر ولا الهوا
أنا شايف إن سعرها لو كان زى ماهو 55 ألف من أقل من سنه كانت تبقى قيمه حقيقيه موازيه لما دفع فيها

**فادى** · 12-04-2008 11:13 PM

المشاركة الأصلية كتبت بواسطة ows212

انا اسف يا جماعة ... فى حاجة غلط ... يا اما الأستاذ فادى فعلا مقتنع بالشاهين والفيات القديم والبيجو الصالون تماما .. يا اما هو بيحاول يستفز الناس اللى فى المنتدى بارائه الغير موضوعية .. طبعا فاكرين كلامه عن الشركات اليابانية وعدم جودة سياراتها مقارنة بالشاهين والفيات القديم 132 و 131و 124,,,,,
انا رائى نتجاهل استاذ فادى مع احترامنا لشخصه وعدم احترامى لارائه المستفزة ..

حضرتك بالنسبة لموضوع الأراء الغير موضوعية, و الاستفزاز الى حضرتك بتتهمنى بيه, فأحب أحكيلك بس عن وقت شرائى للشاهين, عشان أكيد أنا مش هاخد قرار شراء سيارة و أدفع 68 ألف جنيه عشان أستفز الناس!!
وقت شراء السيارة كان الموقف كالأتى (أسعار سنة 2006):
شاهين 1600 : 68 ألف جنيه.
هيونداى فيرنا 1500: 62 ألف.
هيونداى فيرنا 1600 : ما بين 64 الى 65 ألف مش فاكر بالضبط.
لانوس : تقريبا فى حدود ال55 ألف.
هيونداى أكسنت(الشكل القديم) : حوالى 53 ألف.

أغلى واحدة فى دول الشاهين, و أقلهم فى الكماليات ,و لاحظ انو قطع غيار الهيونداى بقت زى الفيات من حيث السعر و الكمية, و مع ذلك كان اختيارى الشاهين 1600, هل تعتقد أن هدفى كان استفزاز الناس؟!!! أدفع 5 أو 6 ألاف زيادة عشان أستفز الناس؟! أم ترانى مقتنعا بأرائى, و طبقتها فعليا لما اشتريت سيارة. أنا مقتنع بكل كلمة اقولها و كل كلمة قولتها مرفقة بدليل و توضيح عشان كده مينفعش تقول انها مش منطقية. المشكلة انو الاعلام عمل نوع من البروباجندا للأسيويين عموما و اليابانيين خصوصا و يصورهم لنا كأنهم نوع تانى من البشر , و مثال على ذلك مقالة فى روزاليوسف النهاردة بعنوان "عبادة العمل فى اليابان", و طبعا المقالة تعدد ميزات اليابانى و كيف يعمل 12 ساعة فى اليوم و يحترم المواعيد الى أخر هذا الهراء و كأنهم شعب من كوكب أخر. ديه البروباجندا المقيتة التى صنعت اسما للمنتج الأسيوى من لا شىء.

**ows212** · 13-04-2008 02:37 AM

لا تعليق لا تعليق

**Ghamrawy** · 13-04-2008 03:05 PM

كلام لا يستحق الرد عليه فعلا لا تعليق أكتر من كده

**Karim_Monir** · 13-04-2008 04:01 PM

المشاركة الأصلية كتبت بواسطة فادى

حضرتك بالنسبة لموضوع الأراء الغير موضوعية, و الاستفزاز الى حضرتك بتتهمنى بيه, فأحب أحكيلك بس عن وقت شرائى للشاهين, عشان أكيد أنا مش هاخد قرار شراء سيارة و أدفع 68 ألف جنيه عشان أستفز الناس!!
وقت شراء السيارة كان الموقف كالأتى (أسعار سنة 2006):
شاهين 1600 : 68 ألف جنيه.
هيونداى فيرنا 1500: 62 ألف.
هيونداى فيرنا 1600 : ما بين 64 الى 65 ألف مش فاكر بالضبط.
لانوس : تقريبا فى حدود ال55 ألف.
هيونداى أكسنت(الشكل القديم) : حوالى 53 ألف.

أغلى واحدة فى دول الشاهين, و أقلهم فى الكماليات ,و لاحظ انو قطع غيار الهيونداى بقت زى الفيات من حيث السعر و الكمية, و مع ذلك كان اختيارى الشاهين 1600, هل تعتقد أن هدفى كان استفزاز الناس؟!!! أدفع 5 أو 6 ألاف زيادة عشان أستفز الناس؟! أم ترانى مقتنعا بأرائى, و طبقتها فعليا لما اشتريت سيارة. أنا مقتنع بكل كلمة اقولها و كل كلمة قولتها مرفقة بدليل و توضيح عشان كده مينفعش تقول انها مش منطقية. المشكلة انو الاعلام عمل نوع من البروباجندا للأسيويين عموما و اليابانيين خصوصا و يصورهم لنا كأنهم نوع تانى من البشر , و مثال على ذلك مقالة فى روزاليوسف النهاردة بعنوان "عبادة العمل فى اليابان", و طبعا المقالة تعدد ميزات اليابانى و كيف يعمل 12 ساعة فى اليوم و يحترم المواعيد الى أخر هذا الهراء و كأنهم شعب من كوكب أخر. ديه البروباجندا المقيتة التى صنعت اسما للمنتج الأسيوى من لا شىء.

استاذ فادي احب احيييك
اخيرا عرفت تعمل اقتباس
ده انا بيجيلي حوووول وانا بقرا مشاركاتك عشان اعرف الفرق بين كلامك وكلام غيرك
احييك على الاقتباس وطبعا كنت في جرة وطلعت لبرة على راي المثل
ومش هادخل طبعا معاك في تعليقات عن الشاهين التحفة اللي مالهاش زي
والاسيوي الزبالة مجهول المصدر منعدم الامان
يا راجل بلا كلام فاضي
شوفت الماتش امبارح ؟؟؟

الموضوع: شاهين سعرها زاد 5000...ليييه

LinkBack

أدوات الموضوع

عرض

-

-

-

-

-

المواضيع المتشابهه

يابنت اللذينة لابسة الدبلة ليييه ( مشكلة العنوسة ) !

كروز بعد نزول سعرها و لا سيراتو بعد ارتفاع سعرها ؟

Rpm مش بيزيد عن ‏4‏ والعربية ممورة ليييه؟

مش ممكن السعر ده ليييه كده عملت لك اييه ؟؟

مقارنه بين النيسان صنى ex واى عربيه فى سعرها او اكثر 5000 جنيه

الكلمات الدلالية لهذا الموضوع

المفضلات

المفضلات

ضوابط المشاركة