الموضوع: شاهين سعرها زاد 5000...ليييه

والله العظيم مع انى بحب الشاهين وبعشقها وعشت معاها احلى سنوات ، لكن والله كرهتها من كتر المواضيع البعيدة عن الواقع دى

لى عدة تعليقات على بعض الأقوال اللى قيلت فى الموضوع ده

1-بالنسبة لمقارنة سعر الشاهين باللانوس موديل 98 فسعر اللانوس اول ما نزلت كان 40 ألأف جنيه، وسعر الأكسنت 1300 تكييف وكاسيت كان 36ألف وسعر الأكسنت فاضية كان 33 ألف وسعر الشاهين كان 33 ألف، يعنى الشاهين كانت بسعر الأكسنت وليس اللانوس

2- ثبات الشاهين على السرعات العالية أسوأ من اللانوس بسبب قاعدة العجلات الضيقة ونظام التعليق الخلفى والذى يفتقر للتعليق الحر بسبب الديفرانس ذو القطعة الواحدة

3- فيات ليست اسوأ من جنرال موتورز، سيارة فيات لا تقل جودة عن سيارات جنرال موتورز فى الفئة الصغيرة والإقتصادية التى تتخصص فيها فيات، اما بالنسبة لسيارات مجموعة فيات الرياضية فهى تتفوق بسكل كاسح على سيارات جى إم الرياضية، تتفوق جى ام فى فئة السيارات الكبيرة والدفع الرباعى، لذلك لا معنى اطلاقا لتحقير سيارات فيات اذا قورنت بجنرال موتورز او العكس

4- الخامات التركية الموجودة فى الشاهين ممتازة فى معظمها،ربما باستثناء المساعدين والبلى، لكن المحرك اكثر من ممتاز وطويل العمر جدا،لكن الخامات المصرية الموجودة فى الشاهين غير جيدة ، بعكس سيارات اخرى مجمعة محليا تحمل خامات مصرية ممتازة

5- فرامل الشاهين سيئة جدا وعملية كبح سيارة شاهين تسير بسرعة فوق 80 ك/س فى موقف طارئ هى عملية فى منتهى الخطورة ولا يعرفها سوى من قاد الشاهين ثم انتقل لقيادة سيارة اخرى

6-تكييف الشاهين الأصلى غيرجيد بالمقارنة بسيارات نفس الفئة والحل الوحدي العملى لتكييف الشاهين هو تركيب تكييف ساندن وليس تكييف المصنع

7- الميزة الواضحة للشاهين فى مقابل سيارات نفس الفئة هى حفاظ الصاج الخارجى على شكله لأطول فترة ممكنة فى مواجهة سفالة اهل الشارع المصرى


8- مع تجربة استعمال سيارات شاهين ولانوس فى الشركة عندنا لمسافات تزيد عن ربع مليون كيلومتر، استطيع ان اقول ان الشهين ، برغم طلبها المستمر لقطع غيار بسيطة، لكن منظومتها الميكانيكية اكثر عمرا بشكل واضح من اللانوس، اللانوس لا تطلب قطع غيار لفترة طويلة لكن تأتى عليها لحظة تنهار فيها كليا وتطلب الكثير من قطع الغيار

9-اما قصة شكل الشاهين فى مقابل شكل سيارات مثل اللانوس فهى مسألة اذواق وانا اجرؤ ان اقول اننى احب شكل الشاهين اكثر

مع ذلك فأنا لا يمكن ان ادفع فى شاهين 1400 فاضية 64 ألف جنيه، انا شايف ان آخرها 50 ألأف قبل الغلاء، ومع الغلاء تبقى ب 55 ألف، اكتر من كدة هركب لانوس او فيرنا بضمير مستريح

المشاركة الأصلية كتبت بواسطة فادى

السوق الأمريكى و الأمريكان عموما معروف عنهم انهم بيشتروا أى حاجة و مبيدققوش و أى حاجة بتتباع عندهم مادامت رخيصة, و السوق عندهم فيه سلع مغشوشة أكتر من مصر, و بيشتروا أى حاجة و يرموها بعد فترة.

أكيد طالما الشاهين مش منتشرة عندهم ومنتشر بدل منها الياباني !!!!!!!

المشاركة الأصلية كتبت بواسطة فادى

أنا معايا شاهين برضه و ثباتها فى المنحنيات و أثناء الانطلاق و الكبح فوق الممتاز و ده منطقى نظرا ل:
- الدفع الخلفى و توزيع الوزن المدروس.
- قسوة التعليق مما لا يسمح بتبدل الأوزان أثناء المناورات بشكل كبير.
فى الطرق السريعة تفتقد لبعض الثبات على السرعات العالية(و هذا ما يعنيه) نظرا ل:
- ارتفاع نقطة الثقل نسبيا( ليست مرتفعة كما تبدو للوهلة الأولى و سوف تجد أن ارتفاعها مماثل لعدة سيارات أخرى).
- الدفع الخلفى, مما يعنى تركز بعض الوزن فى الخلف, و افتقاد لبعض الوزن فى المقدمة التى تواجه الهواء. (الدفع الخلفى أفضل ثباتا فى المنحنيات و الانطلاق و الكبح, و أقل ثباتا على السرعات العالية).
- خفة الوزن, وزنها 960 كغ فقط, و هى أخف سيارة فى الفئة العائلية الصغيرة, مما يعنى رشاقة الأداء, و تسارع هو الأفضل فى هذه الفئة, لكن يأتى على حساب الراحة على السرعات العالية.
عموما و من تجربتى لحد 120 كم السيارة ثباتها جيد جدا, بعد ذلك تشعر بفقدان الثبات.
و معظم سيارات الدفع الخلفى من الفئة الصغيرة تفتقد للثبات الجيد على السرعات العالية, و الثبات على السرعات العالية يصنف كنوع من الراحة و لا علاقة له بالأداء الرياضى.

كل النقاط التي أوردتها تؤكد عدم ثبات الشاهين على السرعات العالية وفي المنحنيات وكأنك تجيب على نفسك

المشاركة الأصلية كتبت بواسطة فادى

نقطة مهمة لازم نوضحها.
أداء السيارة "خادع" الى حد كبير, يعنى قد تشعر أن السيارة قوية و "بتسحب" و هى فى الحقيقة سلحفاة, و قد تشعر أن السيارة غير ثابتة بينما الحقيقة غير ذلك و العكس طبعا.
و بالنسبة للثبات فالموضوع يختلط على الكثيرين, نظرا لأن السيارات المريحة لا تشعرك بالمنحنى, بينما هى تعانى فى الخارج, و العكس, حيث تشعرك السيارة الرياضية بقسوة المنحنى, لكنها تسير فى طريقها المرسوم.
و طبعا تشعرك سهولة القيادة بأن السيارة سريعة بينما هى ليست كذلك.

المقصود في النهاية إن الإنسان يمشي عكس إحساسه ويكذب عينه مثلاً ويقول الشاهين لا يعلى عليها !!!

المشاركة الأصلية كتبت بواسطة فادى

المشكلة انو الاعلام عمل نوع من البروباجندا للأسيويين عموما و اليابانيين خصوصا و يصورهم لنا كأنهم نوع تانى من البشر , و مثال على ذلك مقالة فى روزاليوسف النهاردة بعنوان "عبادة العمل فى اليابان", و طبعا المقالة تعدد ميزات اليابانى و كيف يعمل 12 ساعة فى اليوم و يحترم المواعيد الى أخر هذا الهراء و كأنهم شعب من كوكب أخر. ديه البروباجندا المقيتة التى صنعت اسما للمنتج الأسيوى من لا شىء.

مهما عمل الإعلام مش هنقدر نتخذه حجه إنه أقنع الناس إن بعض السيارات الياباني أفضل من الشاهين
لابد أن يكون عندنا إحترام لعقلية الناس وبالتأكيد لا يزال لدى الناس بعض العقل الذي يحددون به ما هي السيارة الأفضل التي سيضعوا فيها تحويشة عمرهم
ومفتكرش هيرموا تحويشة عمرهم مجاملة للإعلام أو إنسياقاً للأوهام

الخلاصة الشاهين سعرها إرتفع بطريقة جنونية إستفزازية لأنه في الغالب آخر إنتاج لها

المشاركة الأصلية كتبت بواسطة grgabra

تصحيح للمهندس سبعاوى
انا مشترى الشاهين 8/1998 كانت بـ 37000 وموجودة فقط عند رياض عمران وشيرين كار ب36000 جنيه ، اللانوس كانت بـ 38500.00 (دى معلومة أكيده)

خارج الموضوع
بشكرك لإنى سمعت بنصيحتك فى تركيب التكييف عند ساندن فى المعادى وهما ناس محترمه والتكييف حتى الان كويس (تم تركيبه من 15 يوم ومجربتوش كتير)

وشكراً

الأسعار اللى انا اوردتها هى اسعار منتصف عام 1999 ساعة لما انا اشتريت اللانوس وقبلها ابن عمتى اشترى اكسنت وكانت الشاهين متاحة امامى وبرضه انا متأكد من الأرقام جدا ولذلك احتمال تكون الأسعار تغيرت بين 98 و 99 ، لأن 38.5 بتوع اللانوس فى سنة 98 كان سعر على الورق لأن العربية كانت غير موجودة غير بحجز لمدة طويلة جدا وظل الكلام دة سارى لحد نص 99 ، وبالتالى كان سعرها الفعلى من التجار اعلى حوالى 2000 جنيه، لكن توافر اللانوس من الوكيل بسعر 4000 مقفولة تسليم فورى (انا اشترتيها كدة) خلى الأكسنت تنزل ل 36 ألف وبالتالى الشاهين ل 33 ألف فى منتصف عام 99