الموضوع: انا كنت باحترم الاخوان جدا

المشاركة الأصلية كتبت بواسطة ahmedbatoos

يا جماعة مفيش حد حلو مية في المية ومفيش حد مفهوش عيوب ومفيش حد ملهوش اخطاء
والاخوان زيها زي باقي الاحزاب السياسية ليها اخطاء وليها مشاكل وليها ناس بتختلف معها

هو لية يا جماعة دايما بنعمل زوووم علي الاخوان !! وكئنهم مصر = اخوان او اخوان = مصر

!! يا جماعة دة فصيل سياسي وقوي ولية خبرةو من ايام الملك في السياسة ولية انتكساتة ولية ايام ظهر فيها وكان جيد جدا
وهكذا . . . .
يعني مثلا البرادعي قال نعم = اهانة للثورة و قال خيانة للثورة !! يعني الي قال نعم دة ابن تيت صهيوني مثلا !!
ومحدش اتكلم وهي غلطة منة
الاخوان استخدموا الحرام والحلال في دعم نعم (بعض الشيوخ في بعض المساجد ليهم وكان سئ جدا دة ) وبرضو غلط وعيب منهم

اشمعنا الاخوان بنعمل صفحات ومواضيع وممكن نألف كتب وغيرهم لا !! كلنا يا جماعة وحشين وكلنا محتاجين ثورة جوانا ياريت كلنا نبدأ بنفسنا وياريت الاخوان وغيرهم يبدأو بنفسهم ويحسنوا من نفسهم

ودة رأي المتواضع

يا باشا .. الفوكس اللي عليهم بسبب ممارسات غير صحيحه في الدعوى لاراءهم .. وده كان ملحوظ في مناطق كتير .. وفي حتى مشاهدات و مشاركات لزمايل لينا هنا كتيييييير بتأكد الكلام ده .. انا معرفش هما بقى اخوان ولا سلفيين ولا ايه .. بس انا شخصيا شفت مؤتمر عندنا للسلفيين في الشارع في طنطا كانوا قافلين الشارع وواخدينه لحسابهم و موقفين الناس بتوعهم عشان العربيات ما تعديش من حوالين المؤتمر بكذا شارع .. وكأنه بقى بتاعهم .. وده بصراحه اثار استياء ناس كتيييير .. ان تاني مش معترض على انهم يعملوا دعوه لتوجهاتهم بس الالوب يا بيه مش سلييييييييم خالص

يا جماعة الخير انتو بتتكلموا عن ان الاخوان صوتوا بنعم عشان يسيطروا على المجلس الجاى عشان خاطر مصلحتهم


طب ايه رايكم بقى ان الاخوان اعلنوا بكل وضوح انهم لن ينافسوا على الاغلبية اطلاقا و انهم لن ينافسوا على رئاسة يبقى اكيد نعم وراه مصلحة مختلفة عن موضوع السيطرة على المجلس


من وجهة نظرى الاخوان صوتوا بنعم عشان خاطر مصلحة مصر فقط لا غير و مصلحتهم هما نحوها جانبا من اول الثورة

والله يا جماعة . . احنا الي الاعلام مهول لينا فزاعة علي الفاضي انا لو قعدت ارص اخطاء فادحة واخلاقية للاحزاب والي قالوا لا مش هخلص ومستعد لو هنخلي العملية شخصية بجد هتكلم وبراحتي وممكن ناس تزعل . . فا الكل عمل اخطاء ودية اول تجربة وهما اكيد عرفوا ان في ناس كرههم ليهم ذاد باسلوبهم المستفز في حاجات معينة . . بدل ما نشتم فيهم او نعمل فيهم طيب ما نحاول نساومهم او نتناقش معاهم في كل الاحوال هما هيبقوا في مجلس الشعب ومش اغلبية طيب مثلا نقلة والله انت تمام ودية حريتك وو و بس فية مشكلة كذا وكذا وكذا ياريت تغيرهم . .

يا جماعة احنا شعب من ايام محمد علي وبعديها دخلنا في دوامة احتلالات وحاجات غريبة مشفناش ايام عدلة اكيد كلنا بكل ارائنا وتيارتنا فينا عيوب وفينا وفينا بدل ما نقعد نجلد الزات او نشتم بعض نساعد بعض ان كل واحد يتحسن الاخوان ليهم موقع ومؤسسات نبعت شكوي ليهم والله انتوا عملتوا غلط كذا كذا كذا . . بس و انا واحد من الناس شفت ان الكنيسة بكل اركانها استخدمت الكنايس كلها والدين بشكل فظ للمسيحين عشان يقولوا لا وهبعت شكوي للاعلام الي مأظهرش دة عشان المسيحين يخدوا بالهم وهكذا . . نحاول نتعود اننا نساعد بعض نبقي احسن مش نقعد نشتم ونذم في بعض ونتهم بعض

المشاركة الأصلية كتبت بواسطة dr-mohamed

ومن ادراك ان الاخوان سيفعلون ذلك ؟
هل لهم برنامج يقول ان هذه هي اولاوياتهم ؟؟؟؟؟؟؟
لو كان الامر كذلك لن انتخبهم ابدا
لكني واثق ان الامر ليس كذلك
ولعلمك معظم الاخوان اولادهم متعلمين تعليم عالي ومن لديه المقدرة المالية منهم يعلم اولاده في افضل الجامعات بمصر والخارج
ومهاتير محمد يفعل كما يشاء لكن عندنا ووفق المادة الثانية لن نعترف الا بالديانات السماوية الثلاث فقط

موضوع ان معظمهم متعلمين تعليم عالي انا موافقك فيه لكن بالنسبه لاولوياتهم ياريت حضرتك تشوف في اليوتيوب تفسير الشيخ وجدي غنيم للديمقراطيه واراء عبود الزمر وتحالف السلفيين وجماعة الجهاد للاخوان المسلمين

المشاركة الأصلية كتبت بواسطة mnvcxv

موضوع ان معظمهم متعلمين تعليم عالي انا موافقك فيه لكن بالنسبه لاولوياتهم ياريت حضرتك تشوف في اليوتيوب تفسير الشيخ وجدي غنيم للديمقراطيه واراء عبود الزمر وتحالف السلفيين وجماعة الجهاد للاخوان المسلمين وبالنسبه لموضوع الاديان ياريت بس يعترفوا بحقوق الاخوه المسيحين فقط لانهم مازالو علي اصرارهم ان المسيحي لايجوز انيترشح لرئاسة الديمقراطيه مما يتنافي مع مباديء الدولة في العصر الحديث بالاضافه لان دا تمييز عنصر بالدين والاسلام ضد اي تمييز عنصر ويكفل حرية العقيده