الموضوع: انا كنت باحترم الاخوان جدا

المشاركة الأصلية كتبت بواسطة mnvcxv

اني اطبق تعاليم الشريعه شيء واني اطلع في الجوامع اقول صوتوا بنعم للحفاظ علي الماده التانيه من الدستور وان التصويت بلا يعني التخلي عن الشريعه الاسلاميه واننا نبقي زي اوربا ولما اقول حصوت بلا واحد يقولي هو انت مسلم

وبعدين يجي يقولي بعد كدا رشح مرشحي الاخوان المسلمين عشان يحافظوا علي الماده التانيه دي تجاره في الدين

تطبيق الشريعه مش محتاج الاخوان ,تطبيق الشريع محتاجه نتعلم دينا ونطبقه علي نفسنا ,وان يكون هناك حريه في العقيده وممارسة الشعائر الدينيه

طب ما فيه قساوسة بيحرضوا النصارى على اختيار لا .

YouTube - ‫ظ„ط§ طھط¹ظ„ظٹظ‚‬‎


مسكتوا في الإخوان والسلفيين وسيبتوا القساوسة اللي بتحرض الناس على قولة لا ليه؟؟؟

المشاركة الأصلية كتبت بواسطة mnvcxv

لا خد الكبيره حيطلبوا من الناس يرشحوهم عشان يحافظو علي الماده التانيه وحيبقي ترشيح مرشحي الاخوان واجب شرعي

انا بقا ناوي اصلي رجعتين استغفار ومرشحش اي مرشح للاخوان لاني عايز مرشح يقولي برنامجي الانتخابي كذا كذا حقق الكلام دا تمام محققوش حمشيه واجيب غيره

لكن حطبق الشريعه دي كلام تجار دين مليش فيه

منا قولت السياسه مينفعش تخطلت بالدين خااااااااالص

ومصر مينفعش يحكمها الاخوان خاااااااالص برضه مصر مش اى دوله

الاخوان لم يصلحو لحكم مصر ولو مسكوها يبقى قابل بقى المشاكل والمصايب اللى حتيجى
ابسط حاجه خاااااالص الاخوه الاقباط حيرفضو وممكن اى بلد تانيه معروفه تتدخل لحمايه الاقباط وممكن نبقى السودان رقم 2

انا رغم تعاطفى السابق معهم لكن لما توصل لرئاسه الجمهوريه يبقى لالالالالالالا والف لا

المشاركة الأصلية كتبت بواسطة misoalex

منا قولت السياسه مينفعش تخطلت بالدين خااااااااالص

طب وليه يا أخي العزيز ما ينفعش نخلط بين الدين والسياسة؟ هو دينا مش كامل ولا لا يصلح للسياسة، أستغفر الله؟؟

حضرتك قريت عن الدولة الإسلامية زمان كانت عاملة ازاي؟ وازاي كان ليها هيبة؟

المشاركة الأصلية كتبت بواسطة misoalex

ومصر مينفعش يحكمها الاخوان خاااااااالص برضه مصر مش اى دوله

طب وفين الديمقراطية اللي كلنا بنبحث عنها؟؟ هم حرام يخشوا الانتخابات؟؟ جايين من دولة تانية؟؟ الكرسي حلال لأي حد حرام على الإخوان؟

المشاركة الأصلية كتبت بواسطة misoalex

الاخوان لم يصلحو لحكم مصر

على أساس إن هم حكموا قبل كده مصر ولم يصلحوا وطلعوا أسوأ من مبارك

المشاركة الأصلية كتبت بواسطة misoalex

منا قولت السياسه مينفعش تخطلت بالدين خااااااااالص


السياسة جزء من الدين

ومصر مينفعش يحكمها الاخوان خاااااااالص برضه مصر مش اى دوله

رأيك و احترمه كثيرا

الاخوان لم يصلحو لحكم مصر ولو مسكوها يبقى قابل بقى المشاكل والمصايب اللى حتيجى
ابسط حاجه خاااااالص الاخوه الاقباط حيرفضو وممكن اى بلد تانيه معروفه تتدخل لحمايه الاقباط وممكن نبقى السودان رقم 2

مش من حقهم يعترضوا طالما غالبية الشعب المصري اختار الاخوان يبقي يجب عليهم الانصياع لرأي الاغلابية مش ديه الديمقراطية و بعدين واضح ان حضرتك اللى بتدخل الدين فى السياسة

انا رغم تعاطفى السابق معهم لكن لما توصل لرئاسه الجمهوريه يبقى لالالالالالالا والف لا

رأيك برده بس للعلم مش يدخلوا انتخابات الرئاسة

انا عمال اقرأ التعليقات وكل ما اقول تعليق الاقى واحد تقريبا رادد زى ما كنت هقول
لكن رأى الشخصى كل واحد بيعرض وجه نظرة بأى طريقة متاحة بالنسبه له
الاخوان طبيعى يعرضوا برنامجهم بأسم الدين
الاقباط طبيعى يحشد الناس لوجه نظر الكنيسة
العلمانيين والليبراليين طبيعى يعرضوا برنامجهم من وجة نظرهم الادينية

فى النهاية كل واحد لية عقيدة بيدافع عنها ولو كان الاخوان بيروحوا الجوامع وبيعرضوا وجه نظرهم فمعلش ياعنى اللى يقدر يعمل زيهم اهلا وسهلا هنسمعلة برضة ويا تقطنع او ما نقطنعش ومش من حق اى حد يتضايق من حد مقدرش يكون زية علشان يغطى على فشلة

المشاركة الأصلية كتبت بواسطة thedeveloper87

وعلى أي أساس إن أصدق أي اتهام من غير دليل ، سواء من الأعضاء أو من غيرهم

هات لي دليل وأنا أصدقك

قال تعالى: "يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6)" سورة الحجرات

الموضوع تقريبا محسوم بتواتر الرويات
مش معقوله كل الناس ديه كاذبين وفاسقين وبينقولوا انباء ملفقه