الموضوع: انا كنت باحترم الاخوان جدا

المشاركة الأصلية كتبت بواسطة enas75

شوف ياسيدي.....خرج الاعلام من الصوره لان معظم الاعلام متجه للفكر الليبرالي وهما اصلا طول عمرهم دي وجهه نظرهم عن الاخوان...............
نيجي للي حصل اليومين اللي فاتو ...فيه حاجات كتير حصلت من ناس( سلفيين او الجماعه الاسلاميه وفلول للحزب الوطني) واتنسبت للاخوان.......والاخوان كانو بيطلعو يكدبو ده بس محدش كان بيسمع لهم
الفتره اللي جايه حتبين كل حاجه ....بس خلي عقلك واعي واسمع من كذا مصدر....علشان تتاكد من الخبر..
عندك مثال لخبر البرادعي شوف كل مصدر كتب الخبر ازاي....كل واحد شافه بوجهه نظره هو ..(او باللي بيتمناه)...
المفروض ان احنا ناخد بالنا الاعلام عندنا اصلا فاشل وومول وموجهه ..مش محايد......واستني الايام الجايه اتوقع حيبقي سيرك والفرجه للركب
بالذات لما تبتدي انتخابات الرئاسه
حكم عقلك والمنطق

الاخوان واى حد تانى هيقدم برنامج سياسى ليبرالى فالكل سواسيه فى الموضع ده
الاختلاف فى كيفيه تنفيذه

المشاركة الأصلية كتبت بواسطة mnvcxv

البرادعي رجل سياسه راي غير ملزم بلبلدي " رايه علي نقسه مش عليا "
لكن رجل الدين مفترض انه رايه راي الدين اي قول الله ورسوله واحنا كمسلمين مؤمنين ان امام اوامر الله سبحانه وتعالي ورسوله ليس لنا راي فيها
من هنا يجي الارهاب الفكري

على فكره كلامك بيفكرني بكلام يحيى الجمل

بس عموما ، أنا وظيفتي في الحياة ومهمتي هي عبادة ربنا سبحانه وتعالى ... قال تعالى : "وما خلقت الجن والإنس إلا ليعبدون" ... ربنا خلقني لعبادته ، وأرسل الرسل لهداية العباد وأنزل لنا الدين الذي خلقنا من أجله

الدين ليس عبادة وأخلاق فقط ، بل الدين عبادة وأخلاق وسياسة واقتصاد واجتماعيات وكل حاجة في حياتنا ، فبالتالي اللي خلقنا هو أدرى بمصلحتنا أكتر مننا ، فلما ربنا يقول حاجة نقول له سمعا وطاعة يا رب ، لأنه أعلم بمصلحتنا أكتر مننا.

ديه الصوره اللى الاخوان كل شويه يغلطوا ويأكدوها
مهدى عاكف فى تصريح ليه : طز في مصر، وأبو مصر، واللي في مصر
و فى هده استعراض فرق الكاراتيه فى حرم الجامعه حاجه زى مليشيا كده
استعداده لانه يبعت 10000 متطوع متدربين لغزه
(دربهم فين؟؟؟؟ وعلى ايه؟؟؟؟)
و بديع اخرا : اللى بيقولوا لأ للتعديلات واخدين تبرعات من امريكا

الكلام اللى انا قايله مافهوش مناقشه او التباس فى المصدر او المصداقيه للمتابع للشأن السياسى

المشاركة الأصلية كتبت بواسطة eldeep

والله أنا بضحك من اللى حضرتك بتقوله...يا سيدى الفاضل ده الحزب الوطنى بكل أفترائه وظلمه للاخوان مقدرش يقول الكلام الخزعبلى ده...قال أيه الأخوان همه اللى بعتوا القناصة..هههههههه ناقص تقوللى ان الأخوان همه اللى قتلوا جميع المتظاهرين والعادلى كان بينفذ أوامر الأخوان...أرجوك تقبل كلامى ومتزعلش منى

لا مش زعلان منك و دى وجهة نظر ك

المشاركة الأصلية كتبت بواسطة dr-mohamed

الثابت هو الميت
ومن لا يطور فكره ويغير رايه فيمن حوله هو الجامد الذي لا يشعر بالتغيرات الرهيبة التي تمر بها مصر ومحاولة احدهم وابتاعه الصاق كل نقيصة بالاخوان امر مرفوض تماما
رغم ان رايي الاول فيهم ما زلت مصمم انه كان صحيحا وقتها
وموقفي من الاخوان او غيرهم يكون بحسب الثوابت التي لديهم ثم بكيفية تطبيقها على ارض الواقع

المبادئ ثابتة لا تتغير.