للاسف انا اتخدعت في الكثير من التيارات اللي ظهرت علي الساحة حاليا

**cheetos_892005** · 22-03-2011 10:06 AM

المشاركة الأصلية كتبت بواسطة ahmed_oth

يعنى كل تجاوزات الكنائس فى حث الناس على التصويت بلا
و تجاوزات قناه ontv وبعض القنوات الاخرى على الحث الناس على التصويت بلا
ماكانش تجاوزا كبير هو كمان؟؟؟؟؟؟؟؟؟؟؟؟
واعتقد برده ملهاش لازمه تدافع عن الباطل ومن الافضل خليك محايد ولا تلوم جهه على حساب جهه اخرى

يا سبحان الله ......

مش ليه بنقول اللي عملته الكنيسه غلط برده

و مينفعش نرد الغلط بغلط !!!!!!

كمان بنقول الخطاب ((الديني)))

مسلم او مسيحي

**ahmed_oth** · 22-03-2011 10:08 AM

المشاركة الأصلية كتبت بواسطة HAGAN

يا سيدي الكريم
حضرتك عارف و انا عارف ان نسبة المصوتين بنعم كانت 77 %
يعني 14 مليون مواطن لو ان بهم ناس من الاخوان و الذين تأثرو بالاخوان من البسطاء الجاهلين كانت مثلا مليون او اتنين او تلاته او اربعه او خمسة يظل حوالي 7 او 8 مليون مواطن يا اخي الكريم مال النتيجة الحقيقية و مال ان حضرتك بتري ان الاخوان عملو تجاوزات
يا استاذي الفاضل
مين اللي مصمم علي العند بالله عليكم مين اللي بيغفل الحقائق الان
مين اللي جاي دلوقتي يجهل الناس بسبب انهم قالو نعم اكتر
مين اللي مصمم علي انه يضرب كام مثال سلبي في حق جماعة معينة و يفضل يزيف حقيقة ان الشعب اختار نعم
هل هذا ما اتفق عليه الثوار اننا سنرضي بالنتيجة ايا كانت
الله يكرمكم بلاش تغيير للحقائق
اول الموضوع يتحدث علي اننا كلنا اتفقنا اننا سنتفق مع الاغلبية
و لا هوه كان حكم مسبق لو النتيجة لا يبقي ماشي تبقي علي الكل و لا حد يفتح صوته و الشرعية الثورية انتصرت و لو النتيجة صادمة كما هي الان لاغلب من اختار نعم يبقي نشكك و نلوث و نزيف بالله عليكم
يا اخي دا الشعب بتاعك فضل سنين و سنين مش عارف تجمع فيه 100 الف علي قرار لمواجهة الظلم و الاستبداد يبقي لما يخرج المليون و الاتنين و الخمسة مليون في الثورة في محافظات مصر المختلفة
سهل كده اوي تؤثر علي تجميع المليون سهل اوي كده تجمع 14 مليون علي رأي ايه ده يا راجل ايه العند ده
اللي البعض فيه لمجرد انهم بيدافعو عن قضية خاسرة

م.حاتم السباعي

للاسف يا م .حاتم اغلبيه اللى قالو لا غير مؤمنين تماما بالديمقراطيه الذى يدعونها
ومؤمنين ايمانا كاملا بنظريه المؤامره والتشكيك,,,للاسف لم يتعودو على تقبل الرأى والرأى الاخر

كفايه يا جماعه الحديث بهذه النغمه التى لا تؤدى بنا الى الغرق وغرق البلد ودعونا نفكر فى باقى الخطوات الاصلاح وخلينا نحترم راى الاغلبيه مهما كانت النتيجه وخلونا نتحمل ما اخترناه
ومهما ما تم اختياره مش هيكون أسوأ من النظام السابق
كفايه مهاترات كفايه مناقشات التى لن تسبب سوى خلافات ومزيد من الاحتقان

دعونا نفكر فى غد افضل لاولادنا

**cheetos_892005** · 22-03-2011 10:13 AM

المشاركة الأصلية كتبت بواسطة cheetos_892005

يسلم كي بوردك يا ميدو .............

والله العظيم ده الكلام اللي نفسي الناس تفهمه ......

كله فاكر اننا محروقين عشان النتيجه طلعت نعم فبنقول اي كلام

انا واحد قلت ((لا)) و كنت لحد اخر وقت بفكر في نعم و كل عيلتي تقريبا قالوا نعم ما عدا انا واخويا

انا رايح اقول ((لا )) و مقتنع ان النتيجه هتطلع ((نعم))

بس 60 40
65 35
كده

اللي قال نعم عن تفكير كتير قوي

و اللي قال نعم للاستقرار كتير قوي برده

واللي قال نعم عشان ((خاف من عقاب ربنا و نصرة المسيحيين على دينه )) كتير برده ((ودي النقطه اللي بنتكلم فيها )))

السياسه و الانتخابات لعبه قذره ...

اتعودنا ناس توزع فلوس لحمه اي هباب .....عشان يشتري بيه اصوات وده غلط برده

لكن يوزع فتاوى و حلال و حرام و في مساجد كتير جدا وانا مسئول عن الكلمه دي في خطبة الجمعه

لا و الف لا ...

فتحوا عينيكوا بقا ...لحسن ننزل نصلي الجمعه في يوم نلاقي الشيخ بيقولنا انتخبوا كذا و حاتطلنا صوره عالحيطان

ويبقى موضوع الخطبه ننتخبه ليه و مننتخبش التاني ليه .......

((ومحدش يقولي الكنيسه عملت )) غلطوا نغلط زيهم !!!!!!!!

ويا رب قبل ما اموت الاقي ردود في سياق الموضوع

المشاركة الأصلية كتبت بواسطة ahmed_oth

للاسف يا م .حاتم اغلبيه اللى قالو لا غير مؤمنين تماما بالديمقراطيه الذى يدعونها
ومؤمنين ايمانا كاملا بنظريه المؤامره والتشكيك,,,للاسف لم يتعودو على تقبل الرأى والرأى الاخر

كفايه يا جماعه الحديث بهذه النغمه التى لا تؤدى بنا الى الغرق وغرق البلد ودعونا نفكر فى باقى الخطوات الاصلاح وخلينا نحترم راى الاغلبيه مهما كانت النتيجه وخلونا نتحمل ما اخترناه
ومهما ما تم اختياره مش هيكون أسوأ من النظام السابق
كفايه مهاترات كفايه مناقشات التى لن تسبب سوى خلافات ومزيد من الاحتقان

دعونا نفكر فى غد افضل لاولادنا

**ahmed_oth** · 22-03-2011 10:18 AM

المشاركة الأصلية كتبت بواسطة human12

فيه فرق بين خطاب سياسى و فيه فرق بين خطاب دينى

رجاء بلاش نفضل نعيد الكلام و نجيبه من الاول للاخر و من النص و من فوق ومن تحت
والله بنضيع وقت

النتائج :
- حق اى مواطن يقول صوته الحر
- لا يجب استخدام الدين لتحقيق مارب سياسيه
ولا يجب ان يكون استخدام الانجيل لتحقيق مارب سياسيه
- لا يجب ان يكون الجامع منبر لفرض رأى
ولا يجب استخدام الكنائس لفرض الرأى
- حق الاخوان و كل الناس تقول نعم من غير ما يغلطوا فى اللى بيقولوا لا او يقولوا عليهم كلام مش كويس
وحق الاقباط وكل المؤيدين بلا ان يقولو لا من غير ما يغلطو او يشككو فى اللى بيقولو نعم
- كلنا اخوه
فعلا كلنا اخوه

كفايه كده

اللى عنده معلومه او كلمه جديده يضيفها

لو مافيش كفايه كده

رجاء من الجميع

**medo_2060** · 22-03-2011 10:23 AM

المشاركة الأصلية كتبت بواسطة cheetos_892005

يا سبحان الله ......

مش ليه بنقول اللي عملته الكنيسه غلط برده

و مينفعش نرد الغلط بغلط !!!!!!

كمان بنقول الخطاب ((الديني)))

مسلم او مسيحي

المشاركة الأصلية كتبت بواسطة human12

فيه فرق بين خطاب سياسى و فيه فرق بين خطاب دينى

رجاء بلاش نفضل نعيد الكلام و نجيبه من الاول للاخر و من النص و من فوق ومن تحت
والله بنضيع وقت

النتائج :
- حق اى مواطن يقول صوته الحر
- لا يجب استخدام الدين لتحقيق مارب سياسيه
- لا يجب ان يكون الجامع منبر لفرض رأى
- حق الاخوان و كل الناس تقول نعم من غير ما يغلطوا فى اللى بيقولوا لا او يقولوا عليهم كلام مش كويس
- كلنا اخوه

كفايه كده

اللى عنده معلومه او كلمه جديده يضيفها

لو مافيش كفايه كده

رجاء من الجميع

+1111111111111111111111111111111

**MEDO84EG** · 22-03-2011 10:24 AM

المشاركة الأصلية كتبت بواسطة jisso82

على فكرة عشان ما تسطحش تفكير الناس اللى متضايقة من الإخوان و السلفيين فى استخدام الدين فى حشد الحشود احنا ما قلناش انهم كفرة و عربيد و ما لجؤوش للدين غير عشان يكسبوا أصوات احنا مقرين بإن الدين هو منهجهم وسلاحهم أصلا و لكن التضليل المباشر بأن لا نتيجتها الحتمية هو إلغاء المادة التانية و إن اللى هيحكم مصر هيبقى علمانى أو قبطى و إن مصر مش هتبقى دولة إسلامية بعد كده و واجب شرعى على كل مسلم إنه يقول نعم و من يقول لا فهو ملحد أو علمانى أو ليبرالى و ربنا هيحاسبه (ده ربط خاطىء للأغراض السياسية بالدين و استمالة كاذبة لمشاعر الناس الدينية و استغلال لضعف تفكير البعض بإيهامهم بأكاذيب تخدم أغراضهم السياسية)

اهو ده اللي مش عاوزينه
اتهام الاخرين لمجرد انهم مختلفين معاك في الرأي
بص ايها الزميل
من مباديء حريه التعبير
اننا نسمع بعض و نتناقش
و الفيصل رأي الاغلبيه
طالما حسن النيه موجود و الدافع واحد
اللي هو الحفاظ علي مصر
انت حكمت انها استماله كاذبه و اكاذيب و اوهام و ده عيب جدا جدا
ميصحش ابدا نتكلم كده
و خاصه عن ناس علماء دين
عيب جدا و الله
لازم نتناقش و نتحاور
انت معارض و ده مؤيد
بلاش موضوع اهداف و اكاذيب و الكلام ده
بجد ه تشدد محض و انفراد بالافكار
اسمعني و اسمعك و بلاش بقي محنا كده فرقنا ايه عن النظام السابق
مين عالم
مش ممكن اللي بتهاجمهم دول رأيهم اصح منك
و فاهمين اكتر منك
و بحثوا اكتر منك و توصلوا لحقائق او حسبوها بطريقه اصح منك
مش يمكن عرفوا ان لا هتعمل ضرر ما
ليه كده
و بكررها تاني
الاعتراض علي الرأي يبقي بأدب و بدون تجريح و اقاء تهم بدون دليل

**ahmed_oth** · 22-03-2011 10:29 AM

كفايه يا جماعه الحديث بهذه النغمه التى لا تؤدى بنا الى الغرق وغرق البلد ودعونا نفكر فى باقى الخطوات الاصلاح
وخلينا نحترم راى الاغلبيه مهما كانت النتيجه وخلونا نتحمل ما اخترناه
ومهما ما تم اختياره مش هيكون أسوأ من النظام السابق
كفايه مهاترات كفايه مناقشات التى لن تسبب سوى خلافات ومزيد من الاحتقان

دعونا نفكر فى غد افضل لاولادنا

**cheetos_892005** · 22-03-2011 10:45 AM

المشاركة الأصلية كتبت بواسطة ahmed_oth

كفايه يا جماعه الحديث بهذه النغمه التى لا تؤدى بنا الى الغرق وغرق البلد ودعونا نفكر فى باقى الخطوات الاصلاح
وخلينا نحترم راى الاغلبيه مهما كانت النتيجه وخلونا نتحمل ما اخترناه
ومهما ما تم اختياره مش هيكون أسوأ من النظام السابق
كفايه مهاترات كفايه مناقشات التى لن تسبب سوى خلافات ومزيد من الاحتقان

دعونا نفكر فى غد افضل لاولادنا

والله يا ريت عشان احنا لسه في اول الطريق وهو اصعب حته في الطريق

و جالي امراض مزمنه هههههههه

**م. حاتم السباعي** · 22-03-2011 11:22 AM

انا الان اتوجه لكل الشرفاء الذين قالو ( لا )
الم تتعاهدو معنا علي انكم مع رأي الاغلبية
هل واحد فيكم يا شرفاء راهن معنا علي انه خائف من ( امية الشعب )
يعني ازاي بتقنعونا ان شباب الفيس بوك حرك الشعب علي مبارك و حكومته و انتم ايضا الان تراهنون و تبسطون من فكر هذا الشعب و هوه هوه اللي كان مثقف و شال مبارك ازاي تتهموه بأنه اتخدع بكلام الشيوخ
الا تعلمون ان القانون لا يحمي الاشخاص الذين ينصب عليهم النصابين
هل و صل شعبكم لهذه الدرجة اترضوها علي انفسكم و علي اهاليكم في القري و المدن اتوقع انكم شرفاء و تعلمون ان النتيجة كبيرة جدا
-----------------
اما الان فكلامي اوجهه
لاصحاب المصالح و للهائجين و هم يعرفون انفسهم جيدا
لما بنحاول نفهمكم ان هؤلاء الشيوخ عمالين يقنعو الناس من سنين بأن يلتزمو بالدين و بشرع الله و بعدم التفريط في الدين و في عدم تمييع الدين و هم من كانو يدعون الناس للصلاة و لم نجد اغلب الناس استجابو حتي للهروب من نار جهنم و يستجيبو للشيوخ لامر اخرتهم هؤلاء الذين تتهمونهم بأنهم استغلو الدين لم يجبرو الناس علي المعاصي لم يجبروهم علي شهادة الزور
اللي عمالين منكم انهم يقولو السياسة و الدين بصراحة رأيي فيكم انكم لا تفقهو لا سياسة و لا دين بكل صراحة
و لا تعرفون كيف اسس الرسول الدولة الاسلامية في المدينة و لا تعرفون ان هذه الدولة ظلت قوية بفضل من الله حتي مرت عليها العصور و ضعفت حينما ابتلاها الله بناس لا يعرفون دينهم جيدا فنهشتها الامم و لقد حذرنا الرسول المصطفي من نفس الحال الذي تمر به الامة الاسلامية الان من اننا ستتداعي علينا الامم كما تتداعي الاكلة علي قصعتها فقال له الصحابة امن قلة يا رسول الله قال لا بل كثير و لكن كغثاء السيل
و واضح ان جذور العلمانية ضاربة في جذور الكثير منكم لانكم من مشاركات في مواضيع اخري انتم انفسكم معروفين بالاسم عمالين داخلين شمال في يمين في شيوخ افاضل و لا ادري ما هذا الغل الذي يملئ القلوب و ما هذا الخوف الذي يملئ قلوبكم من هؤلاء الناس الذين يشهد لهم القاصي و الداني انهم ما ارادو الا الخير للناس و ما يدعونا الا بالخير و لله و في الله لا ادري ما اهدافكم
انتم في رأيي فاشلون تم اعلان النتيجة و مازلتم تحتجون
ادعوكم للبحث عن حلقة ابراهيم عيس امس علي الجزيرة في صالونه الذي و جهه لمهاجمة كل من خالف رأيهم اصحاب الديمقراطية و هم مثلكم لا يفرقون عنكم بصراحة بيتقلبو علي جمر من النار الان
حاسين انهم مضروبين و لم يفيقو بعد من الصدمة حتي انهم خبطو في جلستهم امس في المجلس العسكري و المستشار طارق البشري اه و الله كده عرفتم انكم مثلهم و اقسم لكم انكم كنتم ستنقسمون علي انفسكم لانكم كما قال فيكم الشيخ الشعراوي ثائرون بطبعكم لا تهدئون و لو حدث هدوء تشعلون انتم النار كي تبقو دائما هائجين
و ان شاء الله علي صدوركم جالسين و علي ناركم مطفئين
اهبطو بقي خلينا نقوم نشوف حياتنا القادمة بلاش كده بصراحة شكلكم و حش و انتو بتجادلو بالباطل
بنقول لكم 14 مليون الا تخجلون
و الله انا لو منكم اتكسف و لو عندي مبادئ اتنكر من هذا الشعب اللي اتخدع منهم 14 مليون بكلام كام شيخ و هما ايضا ال 14 مليون دول و غيرهم بيضربو بكلام الشيوخ عرض الحائط في امور الدين طب حد يفهمنا بقي ايه المنطق بتاعكم ده و الا هوه نصب علينا و لو علينا ماشي مقبول انما تنصبو علي انفسكم بجد ده العجيب و الغريب
الكلام السابق لاي شخص علي رأسه بطحة و حاسس انه علماني
و يشهد الله اني لا اخواني و لا سلفي و لا انتمي لاي تيار
و لكني اشهد الله اني من وقت متابعتي للموضوع بتاع اللحية و موضوع الشيخ محمد حسين يعقوب اعلن و اشهد الله اني مع كل هذه التيارات امام اي جاهل و امام اي مدعي دين و امام اي واحد يحاول ان يميع من الدين و يسخر من علماء الامة
و السلام علي من اتبع الهدي

م.حاتم السباعي