الموضوع: للاسف انا اتخدعت في الكثير من التيارات اللي ظهرت علي الساحة حاليا

المشاركة الأصلية كتبت بواسطة mnvcxv

انا كلامي لكاتب الموضوع
1- الاسلام دين ودولة نعم ولكن ليس وسيلة للدعايه الانتخابيه وايات الله سبحانه وتعالي اكثر قدسيه من ان تعلق في لافتات , والاسلام هو الحل ولا نحتاج للاخوان ليعرفونا ذلك ان ارادو المشاركه في الحياه السياسيه عليهم تقديم برنامج انتخابي ان فشلوا في تحقيقه ففشلهم لهم وان نجحوا فنجاحهم للاسلام اولآ
2- انت ترضا ان يتقال ان الاسلاميين لازم يخشوا مجلس الشعب لان الاحزاب التانيه دي مش عايزه تطبق الشريعه وعايزين يجيبوا قوانين تحلل الزنا وتخلي الخلفه من غير جواز الي اخره من الكلام يعني انا بما اني مش اخواني ابقي نساء بيتي زناه وانا ديوث
اقسم بالله كنت عايز انضملهم لكن دلوقتي لو حيدوني مال قارون بيني وبينهم عداوه ليوم الدين وحاخد حقي يوم الموقف العظيم

يستخدموا الدين ماشي
لكن ميقولوش الاخوان مع الله طب واحنا مع مين

الكلام دا اتقال في الجوامع بيوت الله مش بيوتهم


انا عايزهم يسقطوا هما والحزب الوطني والعالم كلوا يعرف ان في غير الاخوان والحزب الوطني في مصر الشعب المصري المؤمن المسلم المتدين "المسلم من غير ميكون اخواني "

الاخ الكريم
حينما قرأت مشاركتك و جدت حضرتك بتلمح الي ان موضوعي موجه للدفاع عن الاخوان
حتي ان راجعت موضوع جيدا شكيت يمكن انا كتبت شئ فيه شكر مثلا او اعلان دعوة تأييد بعد الاستفتاء لهم مع ان النتيجة خلاص ظهرت و هم لا يحتاجون الان مني ذلك فبسأل حضرتك لو حضرتك راجعت قراءة موضوعي بهدوء ستجدني بقول الاتي
1- صدمت في تيارات اعلنت انها ثورية و انها تبغي الديمقراطية و ان هذه الديمقراطية و حرية الرأي و الرأي الاخر هي ما دعت بعضهم لان يدعو للثورة مع غيرهم بسبب استبداد النظام السابق صاحب الرأي الواحد ثم تم اعلان تصويت علي نعم ام لا
و كل الناس عرفت نعم ليه و لا ليه و الدليل علي كده تصميم حضرتك مثلا علي لا و لم يستطيع احد ان يؤثر عليك لا بالدين و لا بالمادة
2- قلت ان دعوة الاخوان و الجماعات الاسلامية لم تختلف فهم علي ما هم عليه من 60 سنة لم يتغيرو بينادو بأن يكون الدين هو المرجع
و هم لم يتلونو حتي يعتب عليهم احد و لم يداهنو الناس حتي يأخذ عليهم احد فمنهجهم واحد و هم نشرو مبادئهم في كل الجمهورية
و لم يقولو ان اللي هيقول ( لا ) هيبقي كافر و الا نصدق ان احتلال امريكا للعراق كان بفعل الاسلحة الجرثومية و الذرية و النووية كما اشاعت امريكا و قتها و احدهم طلع جملة بأنها و اجب شرعي و طلع كبيرهم و نفي ذلك فأرجو بلاش نتبع ما هو غير صحيح
و موضوع انهم يستغلو اليفط بكلام الله فالمشكلة ليست فيهم
المشكلة في من يفكر في ان العشرة مليون مصري دول ناس جهلة بيصدقو الكلام ده و انا قلت في مداخلة سابقة طب ليه العشرة مليون ساذج دول مبيملوش الجوامع مع تحذير نفس الناس دول لهم في الدين بأن الله بيتوعد ( الذي لا يصلي و الذي بيكذب و الذي بينم و الذي و الذي و الذي ) و هم اصحاب علم و كان المفروض الناس يستجيبو لهؤلاء الناس من الشيوخ و العلماء مثل السلفيين في امر الهروب من النار مهم عمالين ينبحو في صوتهم من كام سنة و لا حياة لمن تنادي
3- مرة اخري اكرر لحضرتك اقرأ تاني الموضوع ستجدني لا اتطرق لهم في الاسلوب المستخدم في الدعوة لوجودهم بقوة و انما استنكرت ان يتخذ الاخرين حالة التشكيك لمجرد ان ال 14 مليون ( مصري ) قالو نعم و كان من بينهم اخوان و سلفيين
فهل حضرتك كنت ستقبل ان يخرج من ارادو نعم لرفض الاغلبية لو كانت من لا لمجرد ان الاغلبية مثلا اللي جت من لا بها ناس علمانيين و مسيحيين و هكذا هل حضرتك كنت هتحترمهم
الاخ الكريم
الان البلد تحتاج للتكاتف الان الكل في واحد
الان لا و قت للانشقاق حتي لو اختلفنا في الرأي
و احنا لسه مجناش للانتخابات علشان حضرتك ترفضهم او تقبلهم
ارجوك مش معني اننا نطلب التوحد الان اننا بذلك بنخدم الاخوان و لا السلفيين و هكذا احنا بدعوتنا تلك بنطلب النظام و الديمقراطية التي تدعون لها و ندعو لها معكم

م.حاتم السباعي

المشاركة الأصلية كتبت بواسطة mazdawy

فى الحقبقة أنا أرى أن الموضوع له خلفيات أعمق من الناحية الاجتماعية ومما يتعلق بالشخصية المصرية بالذات
فلا يجب أن نغفل يا سادة أننا ومنذ أمد بعيد شعب يحترم المقدسات لدرجة التطرف فى هذا الاحترام ولا نقصد هنا كلمة المقدسات بدلالتها الدينية ولكن بمعنى ( التابوهات ) كما يحلو لبعض المثقفين تسميتها . وكل المجتمع بمؤسساته سار ومازال يسير على هذا النهج فى كافة النواحى وليس فى الديانة فقط فمن الفرعون للملك والخليفة والوالى والرئيس كل هذه المراحل كنا نسير على نهج تقديس الحكام . وتقديس رجال الدين بدءاً من كهنة آمون وصولاً لشيخ الزاوية اللى تحت بيتنا والبطرك والقسيس وحتى الشماس فى الكنيسة .
وقم للمعلم وفه التبجيل كاد المعلم أن يكون رسولاً فالمعلم مقدس وأبوك وأمك وخالتك وعمتك وعم سيد .
والجندى فى جيش الفرعون أيام رمسيس مقدس وأيام المماليك الجندى المملوك الأجنبى مقدس وفى عهدنا أمين الشرطة مقدس وناظر المدرسة ومدير الشركة أخوك الكبير والراجل أبو شعر أبيض اللى معدى فى الشارع وما اعرفش اسمه والست لازم تبقى تحت رجلين جوزها ........................إلخ التابوهات التى تربى عليها الشعب المصرى والتى لا علاقة لها بالاحترام ولا حتى بالأدب الزائد فالاحترام والأدب والحياء هى صفات جميلة والتدين فى أى شعب هو شىء حميد لأنه يوجه الانسان نحو الكمال فى كل سلوكياته . لكن التعامل مع الحياه بمنطق أن الرأى المستقل حرام عند المتدينين أو هو قلة أدب فى رأى المجتمع العام أو جهل فى رأى المثقفين
( المثقفين بتوعنا ) . ونجم عن كل التاريخ السابق ذكره أننى :- أتعلم بالعصا من أولى ابتدائى وأرجع البيت لو غلطت بابا وماما كمان هايضربونى فاعرف انى غلطت وابقى بالضرب فهمت غلطى مش بالاقناع ومافيش مانع لو جارنا الاستاذ عبد الجبار اشتكى لبابا انى رنيت على جرس باب شقته وجريت ان بابا يقوله امسكه واضربه دا زى ابنك ياعبد الجبار بك ويمكن يروح يجبنى ويمسكنى عشان الاستاذ عبد الجبار يضربنى وبابا راجل لانه عارف الأصول .
وما حدث فى 25 يناير يا سادة كان صادما لكل المجتمع فقد ركب الشباب اللى اتعلم بالعصا وعاش كل ما سبق من ضغوط نفسية عليه وعلى أبوه ركب الشباب آلة الزمن التى كتب عنها الروائى المشهور إليوت وعملوها أفلام وقام الشباب ومن انضموا لهم بضبط عداد آلة الزمن على سنة 2011 ففوجئوا وفوجىء معهم المجتمع بأن الآلة تعمل وأنها ليست من خيال الكتاب وأننا أصبحنا فجأه فى 2011 !!!!!!! ومن ثم حدثت صدمة عامة لكافة قطاعات المجتمع لأننا جميعا كنا نعيش أجواء عبارة عن ريميكس من العصر الفرعونى على العصر القبطى مع العصر الفاطمى الاسلامى ومكعبات من العصر المملوكى على قليل من الشيوعية ومدهونة بمزيج من اقطاعية القرون الوسطى مع الرأسمالية !
فلو تصورنا لو وضعنا أنفسنا مكان كل صنم من الأصنام التى أوجدها السلوك الأزلى سالف الذكر فما حدث من وجهة نظر الصنم لن يكون إلا كفر عند فرقة وهرطقة عند فرقة ثانية وهرتلة !!عند فرقة ثالثة وقلة أدب عند فرقة رابعة وجهل عند فرقة خامسة .
فكان من الطبيعى والمنطقى جداً أن يحاول أعضاء كل الفرق المجتمعية السابقة لم الموضوع عشان باقى الموجودين فى الفرقة من الجمهور لا يعلموا أننا فى 2011 ولذا يجب أن تسابق الأصنام الوقت لكى لا يعرف الأتباع ما وصل له الصغار من أن أصنامهم فى الحقيقة هى حجارة لا تنفع بل قد تضر .
وفى النهاية أتصور أن الشباب يريد توصيل رسالة أنهم ارتكبوا خيانة ولعبوا فى آلة الزمن من ورا أهاليهم وعرفوا ان فى الحقيقة أولياء أمورهم كنوا بيضحكوا عليهم ويقولولهم أننا فى القرن التاسع عشر لكن لما لعبوا فى آلة الزمن وصلوا القرن الواحد والعشرين وزعلوا من أهاليهم لان تبين فى الحقيقة ان من خان هم أولياء الأمور الكبار ( فى السن) وليس الصغار ( فى السن ) لان الكبار كانوا واخدين مفاتيح آلة الزمن ومخبيينها .
ورغم كدة فضلوا الشباب متدينين مؤدبين وبيحترموا الكبير وبسبب كدة بعدوا عن الأصنام الل
عرفتوا بقى ليه كل واحد أو كل صنم عايز يلم عياله ويقولهم شاطرين انكم عرفتوا تسوقوا آلة الزمن لوحدكم بس هاتوا المفاتيح واحنا هانجيبلكم بونبونى .
بس أوعوا يا أصحابى تدوهم المفاتيح حتى لو جابولكم كيس شيتوس وعلبة كانز برتقال أنا عن نفسى خبيت المفتاح . :b4_388:

لا استطيع ان اقول شئ امام هذه الثقافة المفرطة
و مع اني لا اتفق في المعني الا انني اقف لحضرتك تقديرا علي اسلوب الصياغة و طريقة الحوار
اما ما اعترض عليه مع حضرتك فيما دللت حضرتك به في مداخلتك
لو سمحت لي بأن اتجرأ و احاورك بس بأسلوب بسيط اقل قدرا من اسلوب حضرتك المميز و ليس بنفس عمق التفكير الذي عبرت عنه
اسمح لي سيدي ان اقول لك ان الشباب الذي ثار في التحرير و في محافظات مصر هو في مجمله ثائر علي اولياء الامور فعلا
و هذه حقيقة تعاقب الاجيال و لا يستطيع احد ان ينكرها
حينما هب شباب 2011 في ثورتهم سبقهم اليها من 60 سنة شباب ايضا كانو يحكمون من ملك سئ فاسد مثل و قتنا الحالي
ثار في و جهه الشباب و قتها و كانو اكبر سننا قليلا من شباب اليوم
فلو ان شباب اليوم معرفتهم نضجت في سن ال 20 و حتي ال 25 كان شباب الامس ما بين ال 28 و ال 35
و هم ما عرفو ( بجماعة الاخوان المسلمين )
و اصبحت لهم شعبية في انحاء الجمهورية بل حتي كان منهم المجاهدون و الذين قاومو الملك بالمحتل الانجليزي في مدن القناة بعد جلائهم من مصر و لما ثار الضباط الاحرار علي الملكية لم يستطيع هؤلاء الشباب ان يقنعو الشعب بهم و لم يعطيهم احد الفرصة لا هم و لا اي تيار ديني ان يترك لهم الحرية في الدعوة لافكارهم
و حبسوهم من كانو معهم و هم الاحرار
و ظل هؤلاء و هؤلاء ينتجو جيلا بعد جيل محكوم عليهم بالكبت و الحبس و التنكيل ظلو سنوات و سنوات يقاومو الفساد و يقاومو النظام الذي خرج الشعب كله لكي يقصيه و يبعده بكل تياراته و بكل عفوية
و لكن الاهداف من طلب التغيير مختلفة
فالكثير من شباب الفيس بوك الذين الهبو حماس الثورة دعو لها من خلف شاشات لا يعلمهم احد حتي ان مؤسس صفحة كلنا خالد سعيد عرف بعد الثورة و كان الامن يبذل الكثير من الجهد للوصول للمدونين و غيرهم من رافضي النظام الفاسد
و ايضا كان هدف الكثير من هؤلاء الشباب هو انهم نفسهم في بلد تكون زي الخارج مثل ما يشاهدوه علي النت او اللي سافر منهم او اللي نفسه انه يعبر عن و جهة نظره بدون ان يحجر علي رأيه احد زي ما بيحصل عندنا نفسهم يشوفو امين شرطة في الشارع نظيف الملبس عفيف اليد و كذلك الضابط نفسهم يروحو يخلصو اي مصلحة يجدو معاملة ادمية في الاقسام نفسهم من كتر ما شاهدو جامعات الخارج عاملة ازاي نفسهم ان يتم تطوير جامعاتهم و مدارسهم ايضا
و غيرها و غيرها من الرغبات المعبرة عن طلب المزيد من الحرية
سواء الحرية الشخصية او الحرية للمجتمع الكبير و هي الدولة ككل
علي الجانب الاخر هناك تيار يري ان لتحقيق كل هذه الاحلام الدنيوية
يجب ان يرتبط هذا الفكر بوازع ديني و ان يبني علي اساس ديني
يعني ايه الكلام ده:- يعني مثلا انا ناوي اجتهد في عملي علشان اتفوق و اصل لاعلي المناصب بعلمي هذا منطق الشاب الثائر مثلا يوافقه عليه صاحب الدعوة السلفية و لكن يختلف معه فقط في النية
فلو سألته ليه انتا عاوز تجتهد و هكذا ستجده يرد علشان اعمر الارض كما امرني الله تعالي و بعدين اعيش كويس و هكذا من سبل السعي
و لو سألت الشاب الثوري بتاع 2011 مثلا طيب انتا ثورت علي النظام و لم يهدئ لك بال الا بعد ان نجحت في ذلك هل انت بدأت ان تغير من سلبياتك المعيشية ستجد منهم من فعل فعلا و منهم من يخرج من التظاهر الي القهوة ضارب الشيشة علي فمه و احيانا يفعل سلوك مشين مع فتاه صديقة له مثلا و احيانا ثائر منهم مثلا يتفرج بالليل علي حاجة مش كويسة علي النت او الدش الاوروبي
تيجي بقي لاحد السلفيين الشباب مثلا و تقول له فيه دلوقتي خروجة و كده و هيا نصيحة هنعملها بسرعة يقولك طيب معلش اذهب انته و انا ان شاء الله هصلي و احصلك و لو ذهب و رأي اختلاط مثلا يهم بالانصراف مباشرة بدون ان يكون عليه رقيب غير احساسه ان الله يراه
و هوه ده في رأيي المبدأ و الفكر ان من يريد من الشعب صبغة دينية هو اصلا يريد انسان نقي بيطبق علي نفسة الاحكام و الاسباب ثم بيطلبها او بيأمر بها غيره
فمن غير المعقول ان نجد في العمارة مثلا شيخ او شاب بيدعو الناس للذهاب للمسجد و هو في الشارع بيلعب كره او علي النت مقضيها شات و العجيب ان الناس عارفه كويس انه مقضيها هل بالله عليك سيجد اي انتباه او تركيز معه بل علي العكس سيفقد احترام الجميع
اسف جدااااااا للاطالة و لكن احقاقا للحق نحن من ازمنه بعيده لم تترك الفرصة لمثل هؤلاء لقيادة الوطن و لو علي سبيل التجربة مجرد 4 سنوات ايه المانع ان يترك المجال لاصحاب التميز العلمي من الملتزمين دينيا حتي لو هم مش تحت اي مسمي سواء اخوان او سلف او غيره
بمعني لو ان النظام السابق كانو ناس متدينين هل كان سيسرق منهم من سرق هل كان سيقتل منهم من قتل هل و هل و هل
دحنا بلد احتلت مرة من الانجليز 70 سنة
و احتلينا من ( الوطنيين ) 60 سنة
هل لا نستطيع تخيل اننا احتمال يغلب علينا الطابع الديني 4 سنوات قادمة و يحتاج منا كل هذه الدعوات للهجوم علي شرعية الاغلبية
طبعا لك كل التحية و القدير
تقبل تحياتي

م.حاتم السباعي