مواقف وطرائف ...فى بلاد الغربة

**fahd_628** · 13-04-2008 02:41 AM

المشاركة الأصلية كتبت بواسطة حاتم سليم

أعزائى

الله يجازيكم كل خير

موتونى من الضحك... :D

سوف أقص عليكم قصة و لكنها ليست مضحكة !!

فى عام 1989 كان هناك ورشة عمل للتدريب على سوفت وير جديد فى عمان - الأردن

و كنا اثنان من كل بلد

كنتُ انا و سيدة فاضلة من مصر

و بعد و صولنا للفندق قررنا النزول الى وسط مدينة عمان لرؤية البلد

طبعا " احنا مش عارفين اى حاجه فى اى حاجه "

سألنا فى الريسبشن كيف ننزل الى وسط المدينه ؟

أجابوا بالاوتوبيس و المحطة امام الفندق او بالتاكسى

جاء الاتوبيس اولاً فركبنا و نزلنا فى وسط عمان

و اخذنا جولة حره عظيمه و قمنا بشراء بعض الاشياء

و رجعنا لمحطة الاتوبيس و كانت الساعة 11 مساءً

" و نستنى فى الاتوبيس - مافيش اتوبيس ! "

سألنا قالوا الاتوبيس اخره الساعة 10.30 مساءً

يانهار أغبر حنرجع الفندق ازاى ؟؟

و النقود المتبقية لا تكفى للتاكسى !!

و أثناء الحيرة الشديدة سألت شاباً اردنياً كيف نذهب للفندق بطريقة غير الاتوبيس او التاكسى

فسألنا " من وين انتم ؟ " اجبته من مصر

قال أهلاً و سهلاً اتفضلوا

و اخذنا و مشينا لبضعة دقائق و ركبنا ميكروباص زى الموجود فى مصر الان

و جلس بجوار السائق و دفع الاجره لنا

و عندما نزلنا قال سنركب ميكروباص اخر للفندق سالته كم دفعت لنا لأدفع له

فنظر لى نظرة عجيبة و قال " لما نوصل "

و ركبنا الميكروباص الاخر وبعد ربع ساعة نزلنا أمام الفندق و نزل معنا

شكرته جداً جداً و سألته " هو انت ساكن هنا ؟؟ "

قال لا قد اتيت معكم لاوصلكم الى المكان الذى تقصدونه !!!!!!!!!!!!!

و قال انه سيرجع كل هذا المشوار مرة اخرى ليذهب الى بيته

لم اصدق اُذنى واخرجت النقود لأدفع له ما دفعه لنا

فرفض غاضباً و قال

انت تايه فى بلدى واجب علىَ اوصلك للمكان الذى تريده

ثم قال السلام عليكم ... و ذهب ...

لا أنسى هذا الموقف أبداً

عافى الله هذا الشاب وحفظه من كل سوء ...

بجد موقف جميل جدا

**theking2690** · 13-04-2008 02:52 AM

صدق اللى قال فعلا البركه بالشباب ما اعتقدش ان موقف زى ده ممكن تشوف منه فى مصر

**PRO-DRIVE** · 13-04-2008 02:54 AM

المشاركة الأصلية كتبت بواسطة theking2690

صدق اللى قال فعلا البركه بالشباب ما اعتقدش ان موقف زى ده ممكن تشوف منه فى مصر

ممكن يقولك دول اجانب و يعمل عليهم مصلحه كمان

**Mzeid** · 13-04-2008 03:17 AM

المشاركة الأصلية كتبت بواسطة حاتم سليم

أعزائى

الله يجازيكم كل خير

موتونى من الضحك... :D

سوف أقص عليكم قصة و لكنها ليست مضحكة !!

فى عام 1989 كان هناك ورشة عمل للتدريب على سوفت وير جديد فى عمان - الأردن

و كنا اثنان من كل بلد

كنتُ انا و سيدة فاضلة من مصر

و بعد و صولنا للفندق قررنا النزول الى وسط مدينة عمان لرؤية البلد

طبعا " احنا مش عارفين اى حاجه فى اى حاجه "

سألنا فى الريسبشن كيف ننزل الى وسط المدينه ؟

أجابوا بالاوتوبيس و المحطة امام الفندق او بالتاكسى

جاء الاتوبيس اولاً فركبنا و نزلنا فى وسط عمان

و اخذنا جولة حره عظيمه و قمنا بشراء بعض الاشياء

و رجعنا لمحطة الاتوبيس و كانت الساعة 11 مساءً

" و نستنى فى الاتوبيس - مافيش اتوبيس ! "

سألنا قالوا الاتوبيس اخره الساعة 10.30 مساءً

يانهار أغبر حنرجع الفندق ازاى ؟؟

و النقود المتبقية لا تكفى للتاكسى !!

و أثناء الحيرة الشديدة سألت شاباً اردنياً كيف نذهب للفندق بطريقة غير الاتوبيس او التاكسى

فسألنا " من وين انتم ؟ " اجبته من مصر

قال أهلاً و سهلاً اتفضلوا

و اخذنا و مشينا لبضعة دقائق و ركبنا ميكروباص زى الموجود فى مصر الان

و جلس بجوار السائق و دفع الاجره لنا

و عندما نزلنا قال سنركب ميكروباص اخر للفندق سالته كم دفعت لنا لأدفع له

فنظر لى نظرة عجيبة و قال " لما نوصل "

و ركبنا الميكروباص الاخر وبعد ربع ساعة نزلنا أمام الفندق و نزل معنا

شكرته جداً جداً و سألته " هو انت ساكن هنا ؟؟ "

قال لا قد اتيت معكم لاوصلكم الى المكان الذى تقصدونه !!!!!!!!!!!!!

و قال انه سيرجع كل هذا المشوار مرة اخرى ليذهب الى بيته

لم اصدق اُذنى واخرجت النقود لأدفع له ما دفعه لنا

فرفض غاضباً و قال

انت تايه فى بلدى واجب علىَ اوصلك للمكان الذى تريده

ثم قال السلام عليكم ... و ذهب ...

لا أنسى هذا الموقف أبداً

عافى الله هذا الشاب وحفظه من كل سوء ...

عندما كنت أنا و صحابي في اليونان كنا راكبين مع سواق تاكسي و كان مشغل CD بتاع TRANCES فكان في واحدة أنا بحبها فقولت له يعلي شوية المهم بعد ما وصلنا أصر إني لازم آخد ال CD و ألح على كتير بس أنا رفضت أخدها منه طبعاَ
بالمناسبة التاكسي كان MERCEDES E 220 CDI '06 و كان مركب جهاز KENWOOD MULTIFUNCTION فيها GPS , DVD , MP3 و كل شوية يطلع موبايل من حتة شكل عدتهم كانوا 5 موبيلات و الله أعلم في تاني و لا لأ .

**أبومعاذ** · 13-04-2008 03:25 AM

كنت في السعودية من كام سنة بشتغل في مدينة اسمها حفر الباطن و كنا في رمضان و كنا في سكن معفن تابع للكفيل ربنا يسامحه و السكن دا كان عبارة عن غرف بتطل على طرقة كبيرة و الطرقة دي ملهاش سقف يعني منها للسما و كان في الغرفة اللي جنبي واحد سوداني و كانت ليلة فردية من ليالي رمضان المهم انا لقيته بيخبط عليا الساعة 1 الصبح بشدة و بيقولي اصحى يا محمد اصحى اليلة ليلة القدر صحيت بقوله في ايه قاللي الليلة ليلة القدر الملايكة ماليين السما حتى بص
بصيت لقيت السما مليانة انوار بس مكنتش ملايكة كان افتتاح محل و مشغلين أضواء ليزر من اللي بتنور في السما
طبعا لما فهمته هو نفسه معرفش ينام من كتر الضحك على نفسه :d:d:d

**محمد عز** · 13-04-2008 08:43 AM

المهم روحت مطعم لبناني(زهره الخليج في شارع السلام اخونا كاسبر اكيد يعرفه ) و بطلب مناقيش

عارفه ياحازم ده مشهور

انا اول ما وصلت الامارات الحقيقة انبهرت بجمالها والرقى اللى فيها
رحت اصلى فى المسجد وقلعت الجزمه اللى كنت شاريها من مصر ب 180 جنيه ايام الرخص (انا ياما اتسرق منى جزم فى مساجد)
وخدتها معايا ودخلت وادور على مكان احط فيه الجزمة مش لاقى رحت حطتها جنب الحيطة
والناس عماله تبصلى باستغراب وانا ابصلهم وابتسم
المهم مش انا زى الغبي شايف ان مافيش ولا جزمه جوا لا
المهم طلعت سالت زمايلى فى الشغل
قالولى اهلا
ممنوع حد يدخل الجزمة بتاعته جوا المسجد ، وممكن كمان تدفع غرامه لو فيه شرطى شافك بتعمل كده
والحقيقة بقالى سنتين ونص فى الامارات بسيب الجزمة بتاعتى بره المسجد زى كل الناس وعمرها ما اتسرقت

**ahmedfd** · 13-04-2008 09:21 AM

و الله يا جماعة أنا كل ما بسافر بخش على www.virtualtoursit.com .. موقع ممتاز جداً و يعرفك عن كل حاجة فالبلد من فنادق لمطاعم لمواصلات و حتى عادات أهل البلد و المشاكل اللي ممكن تتعرضلها..
بس ما يمنعش إن الواحد إتعرض لمواقف كتير برضه.. بس الميزة بقى إنها مبتبقاش خطيرة :)

**m_aash** · 13-04-2008 09:48 AM

المشاركة الأصلية كتبت بواسطة theking2690

صدق اللى قال فعلا البركه بالشباب ما اعتقدش ان موقف زى ده ممكن تشوف منه فى مصر

لأ الموقف ده بيحصل كتير فى مصر , و أعتقد تقريبا أخونا كريم
أو أحد أعضاء المنتدى الكرام كان فى مرة شاف سواق تاكسى بيتخانق مع سواح روس و نزلهم من التاكسى و هو خادهم وو صلهم للمكان اللى كانوا رايحين له بدون مقابل.
مصر عامرة بالخير و بالشباب المحترم برضه.

**Mido80** · 13-04-2008 10:46 AM

انا بقالي 4 سنين عايش في قطر. مرة كنت ماشي بسيارتي والكاوتش نام. فنزلت عشان اغير الكاوتش واركب الاستبن. المهم المشكلة ان المفتاح اللي بيفك صواميل الكاوتش مكانش راضي يفكها لانها كانت جامدة جدا لدرجة ان المفتاح انثني مني. المهم ببص لاقيت شاب قطري راكب سيارة كروزر وكاشخ علي الاخر ( لابس الجلبية البيضاء المكوية ومنشية يعني) لاقيتة نزل واخد مني المفتاح وقعد يفك في الكاوتش. قلت لة مافيش داعي تتعب نفسك والجلبية بتاعتة بيضة وحرام هايتبهدل بس هو كان مصر يساعدني. وانا بكلمة اكتشفت انة اخرس لا يتكلم. المهم لما لقي مافيش فايدة من فك الصواميل فهمني بالاشارة اني اروح معاة يوصلني لحاد البيت.

بجد موقف مش قادر انساة ابدا

-

الموضوع: مواقف وطرائف ...فى بلاد الغربة

LinkBack

أدوات الموضوع

عرض

-

-

-

-

-

-

المواضيع المتشابهه

مواقف وطرائف .. السوزوكيه .. (متجدد)

مواقف وطرائف وكانت هتقلب بكوارث

مواقف وطرائف

مواقف وطرائف

مواقف وطرائف من المدارس

الكلمات الدلالية لهذا الموضوع

المفضلات

المفضلات

ضوابط المشاركة