هي البلد دي ماشيه ازاي حاليا ؟ ليا كام سؤال كده

hh · 23-03-2011 10:37 PM

المشاركة الأصلية كتبت بواسطة tlrsiap

مش بالطريقة دي خالص
انت احساسك دلوقت ... عشان خاطر مين ؟ الاسلامجية يحكموا ولا الناس اللي ما اتحركوش ؟
مش كده ؟؟؟
زي ما كنت باقول و الله , نجحت حركة الاستفتاء التافه في شق الصف

اللي ولعها في الاستفتاء هما هما اللي كانوا بيولعوها أيام مبارك بين المسلمين و المسيحيين, تفتكر بيتحركوا من نفسهم؟؟؟

**تامر.محمد** · 23-03-2011 10:42 PM

المشاركة الأصلية كتبت بواسطة human12

خد بالك ان كل التيارات كانت متحالفه عشان متفقين
دلوقتى التيار الاسلامى حاسس بقوته وعدم الحاجه للدعم من اى تيار اخر

انا مش خايف من التيار الاسلامى انا خايف من اول ما التيارات الاسلاميه تبتدى تختلف على السلطه و خايف من اختلافهم مع التيارت الليبراليه الاخرى

على مستوى القيادات غالبا مافيش مشاكل
المشكله فى الناس اللى فى الشارع

بص ماحدش له اي قوة في وش المجلس العسكري لوحده , و بجد اي حد هايقف دلوقت ايا كان هايبقى تخلى عن الثورة تماما

نقلا عن تويتر

حوالي 2000 طالب في كلية إعلام الآن، ومئات آخرين أمام البوابة الرئيسية لمنع الأمن من إغلاقها، وآلاف آخرين متوجهين من المدينة الجامعية إلى كلية الإعلام

اللي ولعها في الاستفتاء هما هما اللي كانوا بيولعوها أيام مبارك بين المسلمين و المسيحيين, تفتكر بيتحركوا من نفسهم؟؟؟

بعضهم بالتأكيد موجه , سواء سلفيين او ليبراليين , او حتى عناصر من جوة الاخوان

**human** · 23-03-2011 10:48 PM

المشاركة الأصلية كتبت بواسطة tlrsiap

بص ماحدش له اي قوة في وش المجلس العسكري لوحده , و بجد اي حد هايقف دلوقت ايا كان هايبقى تخلى عن الثورة تماما

نستنى ونشوف انتخابات المجلس هتكون على اى منوال قايمه ولا مش قايمه

ده ممكن يحدد الشكل
و برضه الجيش انت كده كده مش هتقف ضده
لو قرر يحكم من الباطن يبقى انسى

فيه نقطه تانيه
ان زى مانت شايف الجيش سايب مساحه كبيره للاخوان - اسهل طريق للجيش انه يحكم من الباطن هى فى وجود الاخوان

اى حاكم ليبرالى النزعه ده بالنسبه ليه مرفوض

**wesam_salom** · 23-03-2011 10:52 PM

المشاركة الأصلية كتبت بواسطة human12

من اول ما نزل الموضوع للصندوق وهيه خلصت فعليا
و احب اقولك الناس مش عايزه ثورة واغلب المصريين اللى ماتحركوش عشان الثورة مش فارقه معاهم

عايز تشوف الصوره سوداويه اكتر
احب اقلك ان اللى قاموا بالثورة مش هتسمع عنهم تانى وانسى التحرير هيبقى ذكرى

للاسف كلامك صح وده اللى انا حاسس بيه من زمان

طالما نزل الصندوق اتفرقت الاصوات

خلاص الثوره والشرعيه الثوريه اللى كانت بتزق البلد لقدام وقفت خلاص

وبعد القانون الجديد وتفرق القوى

استحاله نشوف تجمع مليون من البشر ولا حتى 100 الف تانى

فعلا كان فيه ثوره مضاده قدرت تفرق الناس بين مسلمين ومسيحيين واخوان وسلفيين وليبراليين وناس جايه من المريخ وزحل واحزاب كل يوم بتبيض وتفقس احزاب جديده

دلوقتى الناس اللى كانت فى الثوره هى الثوره المضاده اللى مش قادره تجمع نفسها تانى على اى حاجه

ربنا يكرم ولادنا بقى ويقدروا يعملوا حاجه

اشوفكم كمان 30 سنه علشان انا نويت ارجع للجحر اللى مصر كلها كانت عايشه فيه

**otefa** · 23-03-2011 11:00 PM

منطق غريب 14مليون بني أدم أتجمعوا على نعم والأقلية 4 مليون على لا وال2 هدفهم واحد مصلحة مصر وكل ده وتفرق !!
ألا أذا فرضنا أن ال4 مليون هم الثورة الحقيقية و14 ضدهم
منطق مغلوط وتشاؤمي بصراحة.
ولو خدناها بتصور البعض ال14 مليون دول بتأثير وقيادة تيار أسلامي يبقى برده الغالبية ليها سكة واضحة وهاتنجح فيها أنشاء الله أذا ما أظهرو برنامج واضح للأصلاحات الفترة القادمة غير كده هايفقدو تأييدهم برضه .
تفاءلو خيرا تجدوه

**human** · 23-03-2011 11:03 PM

المشاركة الأصلية كتبت بواسطة otefa

منطق غريب 14مليون بني أدم أتجمعوا على نعم والأقلية 4 مليون على لا وال2 هدفهم واحد مصلحة مصر وكل ده وتفرق !!
ألا أذا فرضنا أن ال4 مليون هم الثورة الحقيقية و14 ضدهم
منطق مغلوط وتشاؤمي بصراحة.

معلش هو ده منطق مين؟ يعنى حضرتك بتعلق على مين؟

**تامر.محمد** · 23-03-2011 11:08 PM

المشاركة الأصلية كتبت بواسطة human12

نستنى ونشوف انتخابات المجلس هتكون على اى منوال قايمه ولا مش قايمه
ده ممكن يحدد الشكل
و برضه الجيش انت كده كده مش هتقف ضده
لو قرر يحكم من الباطن يبقى انسى
فيه نقطه تانيه
ان زى مانت شايف الجيش سايب مساحه كبيره للاخوان - اسهل طريق للجيش انه يحكم من الباطن هى فى وجود الاخوان
اى حاكم ليبرالى النزعه ده بالنسبه ليه مرفوض

يعني احنا ما نتحركش الا قصاد الانتخابات و كراسي البرلمان ؟
يعني لو الجيش عمل العكس و دخل الليبراليين البرلمان و اداهم الحكم و ظبطهم يبقى قشطة ؟