DIY PIC16F877A Digital Speedometer, LCD Odometer, LED indicators | اعمل عدادك بنفسك

**khaled_sabry** · 22-06-2011 04:39 PM

عمرو باشا ......... الغووووووث يارجاااااااااااله
انا لاقيت لنك لبروتس 7.7 sp2 cracked
و بشغل المشروع فيه لاقيته واقف على كلمة nilemotors فى lcd و مش راضى يكمل
و على السيفن سيجمن قاعد يكتب 255 بس كل خانه لوحده و ببطئ يعنى 2 تنور و بعد كده 5 فى الخانه اللى بعدها
واسيبه مده الاقيه بنفس الوضع ده
انا بتكلم على البرنامج بتاع عمرو بدون اى تعديل منى - كده يبقى البروتس اللى نزلته ده مهيس و لا ايه ؟؟
ولو كان مهيس ياريت حد يديلى لنك بروتس كويس

**amrelsaqqa** · 22-06-2011 06:32 PM

المشاركة الأصلية كتبت بواسطة khaled_sabry

عمرو باشا ......... الغووووووث يارجاااااااااااله
انا لاقيت لنك لبروتس 7.7 sp2 cracked
و بشغل المشروع فيه لاقيته واقف على كلمة nilemotors فى lcd و مش راضى يكمل
و على السيفن سيجمن قاعد يكتب 255 بس كل خانه لوحده و ببطئ يعنى 2 تنور و بعد كده 5 فى الخانه اللى بعدها
واسيبه مده الاقيه بنفس الوضع ده
انا بتكلم على البرنامج بتاع عمرو بدون اى تعديل منى - كده يبقى البروتس اللى نزلته ده مهيس و لا ايه ؟؟
ولو كان مهيس ياريت حد يديلى لنك بروتس كويس

انت شغلت البروتس قبل كدة لما كان عندك وكان مظبوط ؟
ولا دى اول مرة تشغل البروتس خالص ؟

عموما حاول تشيل الجزء بتاع الليدات والـ 2 ic lm3914
عشان دول بيتقلوا السميوليشن جامد وبيخليه مش شغال في الـ real time

**amrelsaqqa** · 22-06-2011 06:37 PM

المشاركة الأصلية كتبت بواسطة YaSSerwIN

الحلوة طلعت قماششششششش

بس لية عداد الكيلو متر كاتب رقم كبييير كدة واين سلكة السجنال ؟؟؟؟؟

[youtube]http://www.youtube.com/watch?v=SQj8_mb0K4Y[/youtube]

بس لية عداد الكيلو متر كاتب رقم كبييير كدة واين سلكة السجنال ؟؟؟؟؟

مبرووووووك يا باشا
كانت ايه المشكلة ؟

بالنسبة لعداد الكيلو متر
المفروض بتعايره على قيمة معينة وانت بتبرمج من الجزء بتاع الـ data في البرنامج

ممكن تصفر العدادين عن طريق انك تخلى اول 5 او 6 سطور كلهم اصفار في الجزء بتاع الداتا

او تكتب قيم بالهكس ديسمال لو عايز تعايره على رقم غير الصفر زي 200000 او 300000 مثلا ...
( هبقى اوضح ترتيب الارقام والخانات وطريقة عملها بعدين )

صورة من النت :

بالنسبة لسلكة السجنال
انت عامل زرارين
واحد منهم على rb0 وواحد على rb7

فك اللى على rb0 وحط مكانه السنسور
واللى على rb7 بيصفر عداد الرحلة

**amrelsaqqa** · 22-06-2011 06:43 PM

المشاركة الأصلية كتبت بواسطة sal_56

السيد الفاضل االباشمهندس عمر السقا
فعلا الواحد عاجز عن الشكر لانى قرات الموضوع كله 34 صفحه ووجد انك لم تبخل على اى حد يريد الاستعانه او الاستفسار ولم ترد عليه
فعلا ان كلمات الشكر لاتكفى لان الموع ده فعلا انا مستمتع به جدا جدا
ولكن للاسف انى غير دارس الكترونيات ولكن معلومات عامه فقط
وكل الى انا بعرفه انا بعرف استخدم مكواه اللحام كويس
واريد ان اقوم بتنفيذ هذا العمل الجبار لانى فعلا اهوى هذه الاعمال او بمعنى اخر اختراعات
فارجو ان يتسع صدرك لى فى طلبى
ان تكتب لى المكونات بالتفصيل واحده واحده اى
تكتب مكونات دائره البور لوحدها وتقولى هذه دائره البور
والتانيه ومكوناتها والتالته وتقو ومكوناتها
والمبرمجه ومكوناتها
علشا انا ناوى انفذهم واحده واحده برده لكى افهم
علما بانك وضعت صور كثيره مفصله لكنى لسه برده مش فاهم بمعنى
ان الصوره ممتازه واعرف ماعليه بالشكل لكن لم اعرف كيفيه تويصلها اى توصل المكونات باطرافه مين مع مين وبدايه الدائره ونهايتها
وانا عارف انى بطلب طلب ممكن تقول انها طلبات غريبه لانى قلت فيا كتير وكتير فعلا انت قلت الكثير
ولكن تحملنى شويه بما انى هاوى وليس محترف لكى افهم او نفذ عمل مثل هذا من اول مره كدا
فياريت تلبى طلبى هذا وفعلا هى طلبات ثقيله ولكن عشمى فيك كبير لما لمسه منك فى مساعده الاخوه الاعضاء وه1ذا ماشجعنى على طلبى هذا
واكون شاكر افضالك
واذا كان طلبى رخم شويه قولى على الكونات وانا على استعداد اجيلك اخر الدنيا وانت تقوم بتجميعها لى وانا اقوم بعد ذلك بتركيبها فى السياره
لانى اجيد فك كل حاجه فى السياه وتركيبها وتجمعها مع العلم بان السياره معى منذ 20 سنه وحافظا عن ظهر قلب
واخير شكرا لك على سعه صدرك لى لانى اكيد وجعت دماغك
ياريت ترد على واو تقولى كيفيا الاتصال بك
اخوك سلامه
salamabayome@yahoo.com ونفس الاسم @ hotmail.com

منور يا باشا الموضوع
وتسلم على الكلام الجميل ده

ان شاء الله لما اخلص الامتحانات ومناقشة مشروع التخرج على خير هنعمل كل اللى احنا عاوزينه
وبما انك خبرة في البيجو ، اكيد هسألك على حاجات كتير في العربية :)

**khaled_sabry** · 23-06-2011 12:32 AM

المشاركة الأصلية كتبت بواسطة amrelsaqqa

انت شغلت البروتس قبل كدة لما كان عندك وكان مظبوط ؟
ولا دى اول مرة تشغل البروتس خالص ؟

عموما حاول تشيل الجزء بتاع الليدات والـ 2 ic lm3914
عشان دول بيتقلوا السميوليشن جامد وبيخليه مش شغال في الـ real time

انا كده كده كنت شايل جزء lm3914 و كنت موصل اليدات بالبيك بس لسه ماظبطش الكود اللى يخليهم يشتغلو ..بس
بالفعل لما شيلت جزء اليدات بقى بيشتغل اسرع ...بس برضه مطلع رساله انه مش شغال فى real time

طيب انا كده اعمل ايه علشان اقدر اشتغل فى real time ??
خاصه انى حبقى محتاج اط جزء اليدات اللى مسحته ده علشان اكمل المشروع ؟؟

**khaled_sabry** · 23-06-2011 11:44 AM

المشاركة الأصلية كتبت بواسطة khaled_sabry

انا كده كده كنت شايل جزء lm3914 و كنت موصل اليدات بالبيك بس لسه ماظبطش الكود اللى يخليهم يشتغلو ..بس
بالفعل لما شيلت جزء اليدات بقى بيشتغل اسرع ...بس برضه مطلع رساله انه مش شغال فى real time

طيب انا كده اعمل ايه علشان اقدر اشتغل فى real time ??
خاصه انى حبقى محتاج اط جزء اليدات اللى مسحته ده علشان اكمل المشروع ؟؟

اصل انا الفكره اللى فى دماغى مختلفه شويه عن اللى انتا عمالها (بس مش فرق كبير )
اللى انا نفسى فيه انى اعمل العداد ب سيفين سيجمن و شاشه 2*16 زى ما انتا عامل و ليدات بس تبقى متوصله بالداتا بتاعت السيفن سيجمن (علشان ما اوجعشى دماغى بالمعايره و التحويل من ديجيتال لانالوج ) و تبقى فيه شاشه تانيه 4*20 مكان عداد الحراره و البنزين (علشان كده سألت قبل كده ازاى تشغل شاشتين مع بعض )
فاذا كان بيتقتل لما ازود اللدات بس ... امال لما ازود الشاشه التانيه و اعمل كل ححاجه بقى حيعمل ايه ؟؟؟

**amrelsaqqa** · 23-06-2011 01:44 PM

المشاركة الأصلية كتبت بواسطة khaled_sabry

اصل انا الفكره اللى فى دماغى مختلفه شويه عن اللى انتا عمالها (بس مش فرق كبير )
اللى انا نفسى فيه انى اعمل العداد ب سيفين سيجمن و شاشه 2*16 زى ما انتا عامل و ليدات بس تبقى متوصله بالداتا بتاعت السيفن سيجمن (علشان ما اوجعشى دماغى بالمعايره و التحويل من ديجيتال لانالوج ) و تبقى فيه شاشه تانيه 4*20 مكان عداد الحراره و البنزين (علشان كده سألت قبل كده ازاى تشغل شاشتين مع بعض )
فاذا كان بيتقتل لما ازود اللدات بس ... امال لما ازود الشاشه التانيه و اعمل كل ححاجه بقى حيعمل ايه ؟؟؟

ازاى هتوصل الليدات على الداتا بتاعت السفن سجمنت؟

**khaled_sabry** · 23-06-2011 02:14 PM

المشاركة الأصلية كتبت بواسطة amrelsaqqa

ازاى هتوصل الليدات على الداتا بتاعت السفن سجمنت؟

اللى معمول دلوقتى البورت D (8 bit ) زى ماهو متوصل بال 8 pin بتوع السيفن سيجمين بتوع اول خانه و تانى خانه و تالت خانه
و بتتحكم فى انهو خانه اللى تنور من خلال الارضى اللى بتطلعه من البورت A
نفس الكلام حزود توصيل 8 ليدز على البورت D برضه و اتحكم فيهم من البن A.pin4
طبعا 8 ليدز بس مش حينفعو ... خليهم 16 و الارضى بتاعهم على A.pin5
وهكذا
بس طبعا حتعمل لليدز دول ماسك لوحدهم غير بتاع السيفن سيجمنت حسب عددهم او الرقم اللى مكتوب جنب الليد

**man_faraway** · 23-06-2011 05:17 PM

المشاركة الأصلية كتبت بواسطة amrelsaqqa

السلام عليكم ورحمة الله ..

بعد السلسلة الجميلة اللى بدأها العضو الفاضل abo_hosni لعمل عدادات rpm و سرعة وحرارة بأفكار مبتكرة تستحق رفع القبعة :)
فكرت في اضافة جديدة مستلهمة من الافكار اللى فاتت

وهى عمل العداد باستخدام ميكروكنترولر متعدد الوظائف ( الميكروكنترولر هو عبارة عن كمبيوتر مصغر جدا ومتواضع جدا على اي سي واحد قابل للبرمجة بحيث بيبقى له مدخلات تتم معالجتها وينتج عنها مخرجات )

كان انسب حاجة من حيث الكفاءة والسعر هى الميكروكنترولر PIC16F877A

البيك 16F محترم جدا وفيه امكانيات حلوة وسعره لا يتعدى 25 جنيه

الفكرة باختصار شديد كعداد سرعة هتكون في استخدام حساس او سنسور متركب بطريقة او بأخرى على واير السرعة او الترس اللى في الفتيس ، والحساس بدوره هينقل البيانات للميكرو كنترولر والميكروكنترولر هيعمل حساباته ويحول الاشارة دى لسرعة و مسافة ويعرضها على السفن سجمنت والشاشة ال ال سي دى و 20 لمبة صغيرة ( ليدات ) تضيء تباعا مع السرعة ( الاخيرة دى اختيارية )

ابو حسنى كان مستخدم سنسور عبارة عن ستيبر موتور بيطلع جهد منتظم متزايد مع السرعة .
حاولت في الاول استخدم حاجة زي كدة بس لقيتها هتنفع في قياس السرعة اه بس مش هتنفع في حساب المسافة وكمان هتكون محتاجة معايرة ، وانا عايز حاجة ابرمجها بالظبط تطلع السرعة بمعادلات محسوبة تنفع على اي عربية

كان لازم افكر في سنسور يطلع نبضات مش جهد يعنى بدل ما يطلع جهد من 0 لـ 5 زي 2.5 و 1.5 ....
لا انا عايز سنسور يشتغل كأنه زرار بحيث مع كل لفة او ربع لفة مثلا يقفل ويفتح الدايرة ياما 0 او 5 والميكرو كنترولر يعد النبضات دى ويستنتج منها سرعة

الحاجة اللى لقيتها وقضت الغرض كان السنسور بتاع بكرة الماوس ( نفس الفكرة ،، البكرة تلف تنقل اشارة للكمبيوتر ، الكمبيوتر يستنتج منها سرعة يحولها لحركة في الـ scrollbar )

السنسور شكله بيبقى حاجة زي كدة

وهو له 3 اطراف هنوصل منهم اي طرفين :) للبيك

وطبعا بدل البكرة بتاعت الماوس هيركب واير السرعة اللى كان راكب في عداد السرعة القديم :)

السنسور ده بالتجربة على الافو ميتر بيطلع 12 نبضة لكل لفة

بحسابات معينة لو خدنا في اعتبارنا عجلة العربية محيطها كام سنتى و الواير بيلف كام لفة لكل لفة عجل
نقدر نستنتج مثلا (بمعادلات ) ان كل 120 نبضة = 10 متر على الارض -----> حصلنا على عداد مسافة
للحصول على السرعة ناخد عينة كل نصف ثانية من عدد النبضات ومن خلالها نستنتج السرعة
يعنى مثلا لو 120 نبضة في نصف ثانية يبقى 10 متر في نصف ثانية = 20 متر في الثانية = تقريبا 72 كم في الساعة -------> حصلنا على السرعة

دى مقدمة بسيطة عن الفكرة ومش مهمة في تنفيذ الدايرة :)

ننقل بعد كدة على الاسكيماتيك او مخطط الدايرة في المشاركة اللى جاية :)

سيتك فين من زمان انا دايخ على حل لعربيتى التمبرا العدادات ديجتال زى سيتك متفضل بالشرح بس بالنهار ضعف شديد تقريبا مش بشوف اى حاجة فيها للعلم فيها مفتاح بيعلى ويوطى اااضاءة بس على اخر درجة بالنهار مش بشوف العدادات السرعه والبنزين والحرارة وده رابط لشكل العدادات انا عايز اعرف العيب فين واعمل ايه ان امكن وشكرا [youtube]http://www.youtube.com/watch?v=bqLAQhD3gAA&feature=related[/youtube]

**YaSSerwIN** · 24-06-2011 04:36 PM

المشاركة الأصلية كتبت بواسطة amrelsaqqa

مبرووووووك يا باشا
كانت ايه المشكلة ؟

بالنسبة لعداد الكيلو متر
المفروض بتعايره على قيمة معينة وانت بتبرمج من الجزء بتاع الـ data في البرنامج

ممكن تصفر العدادين عن طريق انك تخلى اول 5 او 6 سطور كلهم اصفار في الجزء بتاع الداتا

او تكتب قيم بالهكس ديسمال لو عايز تعايره على رقم غير الصفر زي 200000 او 300000 مثلا ...
( هبقى اوضح ترتيب الارقام والخانات وطريقة عملها بعدين )

صورة من النت :

بالنسبة لسلكة السجنال
انت عامل زرارين
واحد منهم على rb0 وواحد على rb7

فك اللى على rb0 وحط مكانه السنسور
واللى على rb7 بيصفر عداد الرحلة

الله يبارك فيك ياباشا

لما برمجت البيك تانى لقيت الشاشة اشتغلت لوحدها

جربت اخلى اول خمس سطور كلهم 00 00 00

العدادات كلها اتصفرت بس لما العداد يعد وتيجى توقف السنسور تلاقي صفر العداد لوحده

عندى مشكلة دلوقتى

انا جربت اركب ماتور فى السنسور بتاع الماوس علشان اجرب بيه لقيته مش بيعد حاجة على الشاشة او على السفن سجمنت مع ان لما بلف السنسور بأيدى بيعد عادى