الموضوع: DIY PIC16F877A Digital Speedometer, LCD Odometer, LED indicators | اعمل عدادك بنفسك

المشاركة الأصلية كتبت بواسطة farahat

مع تقلقش يا باشا ، اعمل عداد اعوامه وإنت مطمن، هو طبيعي بيكون متوصل بين الكهرباء والارضي عليه 14 فولت يعني ، وطالما إنت مش هتعمل حاجة غريبة عن كدة يبقى هيشتغل ، ومفيش قلق من شرارة لأن الفولت بيكون محطوط على مقاومة فالتيار ضعيف قوي .
أنا جربتها قبل كدة كذا مرة ونجحت والحمدلله . المشكلة في العوامة انها بتتحرك كتير فالقراءة هتلاقيها بتلعب ، بس طبعاً ليها حل Digital filtering .


السهل تبتدو بعدد الحرارة عشان أسهل كتير وقراءته ثابتة وسهل التوصيل .

كويس اوى انى لاقيت حد يكون جرب الطريقه دى قبل كده
بص انا دلوقتى عملت الدايره بالشكل ده
[rmade]http://dc398.4shared.com/download/qCX3iDXh/tsid20110717-083600-c5a2802b/Untitled_2.png[/rmade]

عوامة البنزين حتبقى RV1 (اللى باللون الاحمر) ... دلوقتى هل من المفروض وجود R3 و R2 .. انا حاطط لهم قيم افتراضيه 10k
و بصراحه اللى مقلق منه توصيل R3 تحديدا
مع ملاحظه ان عوامة البنزين عندى قدييييمه ... يعنى ممكن الريشه تفصل لحظيا و هى على المنزلق جوه العوامه نفسها ... هل باسلوب التوصيل ده ممكن يطلع شراره ؟؟؟

و ياريت تقولى المقاومات اللى حاططها كانت كام R2 , R3
بالاضافه الى مقاومه الكليه لعوامة النزين RV1 كانت كام عندك

المشاركة الأصلية كتبت بواسطة khaled_sabry

كويس اوى انى لاقيت حد يكون جرب الطريقه دى قبل كده
بص انا دلوقتى عملت الدايره بالشكل ده
[rmade]http://dc398.4shared.com/download/qCX3iDXh/tsid20110717-083600-c5a2802b/Untitled_2.png[/rmade]

عوامة البنزين حتبقى RV1 (اللى باللون الاحمر) ... دلوقتى هل من المفروض وجود R3 و R2 .. انا حاطط لهم قيم افتراضيه 10k
و بصراحه اللى مقلق منه توصيل R3 تحديدا
مع ملاحظه ان عوامة البنزين عندى قدييييمه ... يعنى ممكن الريشه تفصل لحظيا و هى على المنزلق جوه العوامه نفسها ... هل باسلوب التوصيل ده ممكن يطلع شراره ؟؟؟

و ياريت تقولى المقاومات اللى حاططها كانت كام R2 , R3
بالاضافه الى مقاومه الكليه لعوامة النزين RV1 كانت كام عندك

الصورة مش واضحة

هى دى مش كدة ؟
Untitled_2.png - 4shared.com - photo sharing - download image

لو تسمحلي أحب أوضح شوية نقاط :
1- مقاومة العوامة بتكون على حسب الشركة إلي بتصنع العربية ، يعني فيه أنس بتعمل المقاومة بتزيد مع إرتفاع العوامة وناس بتعملها بتقل، فيه ناس بتعمل المقاومة من 30-270 أوم وناس بتعمل 90-210 وحاجات كدة (دي أمثلة فقط لكن القيم الدقيقة بتلقيها معروفة لكل نوع ) ، لكن كل القيم دي بالأوم وليس بالكيلو أوم .
2- المقاومات بتاعة عوامات العربيات كلها سلك وعليه ريشة بتتحرك هي إلي بتقيس القيمة ، وطبيعي جداً انها تلمس وتفصل طول ما هي طالعة ونازلة (وبما إن هي سلك هتلاقي قيمة المقاومة قليلة ، لكن في العوامات الجديدة في الموديلات الحديثة قوي بتكون ريشة على تراك كربون فبتكون أدق شوية ).
3- القراءة نتيجة الطلميس دة مش بتكون ثابتة أبداً وهتفضل تلعب كدة على طول .
4- بما انها مقاومة وعليها فولت صغير التيار بيكون قليل قوي ، ولا يمكن يعمل شرارة ، دي نقطة ، تاني نقطة إن البنزين السائل مش بيشتعل بسهولة، لكن بخار البنزين هو إلي بيشتعل ، د لو فرقنا لا قدر الله إن حضرتك قدرت تحط 200 فولت مثلاً على عوامة 1 أوم وطلعت 200 أمبير مثلاً عشان يعمل شرارة في الهوا لمسافة 1 ميكرو متر بالكتير !!!!
5- بما إن المقاومة قليلة جداً ماينفعش تحط معها حاجة على التوالي كبيرة (r3) ولكن لازم تكون صغيرة مقارنة بيها ، عشان تعرف تقرا فولت على ال-adc.
6- العوامة بتكون مصممة على إن يمشي فيها تيار معين عند 12 فولت، لو حضرتك شغلتها عند 5 فولت التيار هيقل إلى التلت تقريباً ، ود هيخلي تأثير التلميس بتاع الريشة مع السلك أسوأ كتير ، والرأة بتاعة ال-adc أقل كتير .


أرجو أكون وضحت وجهة نظري على قد ما أقدر ، ولو فيه أي إستفسار أنا تحت أمرك ، بالتوفيق إن شاء الله

الصوره هى بالظبط يا عمرو باشا ... انتا عرفت تجيب اللنك منين ؟؟
[aldl]http://img204.imageshack.us/img204/3031/unled2ho.png[/aldl]

المشاركة الأصلية كتبت بواسطة farahat

4- بما انها مقاومة وعليها فولت صغير التيار بيكون قليل قوي ، ولا يمكن يعمل شرارة ، دي نقطة ، تاني نقطة إن البنزين السائل مش بيشتعل بسهولة، لكن بخار البنزين هو إلي بيشتعل ، د لو فرقنا لا قدر الله إن حضرتك قدرت تحط 200 فولت مثلاً على عوامة 1 أوم وطلعت 200 أمبير مثلاً عشان يعمل شرارة في الهوا لمسافة 1 ميكرو متر بالكتير !!!!
5- بما إن المقاومة قليلة جداً ماينفعش تحط معها حاجة على التوالي كبيرة (r3) ولكن لازم تكون صغيرة مقارنة بيها ، عشان تعرف تقرا فولت على ال-adc.
6- العوامة بتكون مصممة على إن يمشي فيها تيار معين عند 12 فولت، لو حضرتك شغلتها عند 5 فولت التيار هيقل إلى التلت تقريباً ، ود هيخلي تأثير التلميس بتاع الريشة مع السلك أسوأ كتير ، والرأة بتاعة ال-adc أقل كتير .

شكرا على الاهتمام اولا
هو يتهيألى المقاومه R2 ماهاش لزمه
لكن انا لو قللت قيمة المقاومه R3 او تقريبا لغيتها ... يبقى الوضع انى موصل الموجب و السالب على مقاومه العوامه (اللى هى اقل من كيلو اوم ) ... هل سلك العوامه حيستحمل اصلا ... يتهيألى فى الحاله دى حيمشى تيار كبيرر لأن المقاومه بين الطرفين قليله جدااا و علشان كده انا حطيت R3 من البدايه للسبب ده

يعنى انا متخيل الوضع تقريبا كأنى جبت سلكه و عملت قفله بين قضبى البطاريه ... لو كان السلكه دى ضعيفه حتلاقيها ساحت (نفس نظريه الفيوز )

انا خايف اوى من موضوع الشراره لأن عوامة البنزين فى سقف تانك العربيه و بالتالى دايما محاط ببخار البنزين
ياريت حضرتك تصححلى معلوماتى