الموضوع: DIY PIC16F877A Digital Speedometer, LCD Odometer, LED indicators | اعمل عدادك بنفسك

المشاركة الأصلية كتبت بواسطة amrelsaqqa

اقتراحات جميلة واضح كدة اننا هنعمل شغل قريب مع بعض :d

موضوع التأخير كل ثانيتين ، ده سهل يتعمل لانك ممكن في الكود تتحكم في مدة التايمر انا مخليها نص ثانية ، ممكن تخليها ثانتين عادى جدا وممكن تخلى الارقام متقربة لاقرب 5 ، ده عادى جدا جدا
بس انا كنت عاملها سريعة عشان يدى قراءة لحظية ودى انا شايفها احلى خصوصا مع السحب ، خلينا زي البوجاتى احسن من الستروين :d :d :d

انت قصدك بأجهزة الكمبيوتر دى اجهزة embedded systems ؟

انا بالفعل كنت عملت بالبك 18 اف انه بيبعت السرعة على اليو اس بي ووصلت اللاب توب في العربية وعرضت العداد على شاشة اللاب توب ، وده كان جزء في مشروع التخرج بتاعى ، ( جزء من نظام مرورى بيعرف سرعتك والسرعة القانونية حسبب المنطقة ويدى تحذير ومخالفات اوتوماتيك )


كلمنى اكتر عن الاجهزة اللى انت قصدك عليها وتكلفتها بتكون في حدود كام
وهل ممكن نجيب شاشات ملونة كبيرة بدل الال سي دى و التكلفة هتكون في حدود كام

والاجهزة دى شغالة بنظام لينكس ولا ايه بالظبط ؟

انا ليا واحد صاحبى كان شغال على فكره تصنيع تابلت من شاشه لاب منى قديم وكان بيقلى ممكن تكلف فحدود 300 جنيه


بس فى فكره تانيه ودى احتمال انفذها زى مانا كلمتك قبل كده انى بعمل دايره ابو حسنى وبعدين هدخل على دايرتك

وانا بقلب فموقع رام لقيت شاشات ممتازه جدا شاشات جرافيك الشاشات دى ممكن اعمل عليها معطيات بشكل كروكى للعربيه ولما يتفتح باب تتغير الرسمه لعربيه والباب مفتوح .. زى اللى موجوده فالاسكودا والباسات

وممكن ادخل عليها معطيات السرعه " بس لسه هرجع لواحد صاحبى هو اللى مجنون برمجه "

على العموم انا احتمال انزل انهرده اجرب دايره الار بى ام ولو اشتغلت ان شاء الله هنزل الاسبوع دا اشترى الحجات بتاعه دايره الميكرو كنترولر

بالنسبة للأجهزة ادي صورها







الاجهزة دي كمبيوتر كامل بروسيسور AMD سرعتها 500 ميجاهرتز مكافئة في الكفائة لمعالج بنتيوم 1,3 جيجاهرتز و 512 ميجابايت رام و هارد 40 جيجا مقاسه 13.5 × 13.5 × 3 سنتيمتر وزنه 0.7 كيلو جرام

الجهاز يعمل على جميع انظمة التشغيل وندوز وللينكس
الان لتوصيل هذا الجهاز بالسيارة لدينا 3 مشكلات :
1- الطاقة : زي مانتم شايفيين بيدخوللوا 12 فولت 3.3 امبير طبعا عازيين نصمم دائؤة تاخد من العربية وتطلع للجهاز وتحميه انه يتحرق و تفلتر النويس بتاع البوبينا والالاحتراق دي مهمة المهندسين

2- العرض : مشكلة شاشات العرض الصغيرة اللي بتاخد vga انها غالية الثمن انا ان شاء الله حشتري شاشة رخيصة وحشتري المحول ده Amazon.com: PC To TV Video Converter: Electronics

في ناس كان بتقول ان الصورة حتطلع وحشه ومش حنعرف نقرأ الكتابة انا حجرب بنفسي واشوف لو مانفعش حيبقى اجيب الشاشة اللي بتاخد فيجا ودي غالية ومكن تبوظ الفكرة لغلوها حد يعرف مكان بيبيع محول شبيه في مصر ؟؟

3-التحكم : انا فكرت اعمل استخدم كيبورد ولكن لقيت الماوس اوقع وانا دلوقتي بدور ازاي احول التاشباد بتاعت اللابتوب لماوس يو اس بي عشان دي سهل تتحط في اي مكان في العربية ... انا لقيت تاتشباد يو اس بي بي بس للاسف مالقتش في مصر اللي عنده افكار او يعرف حاجة يقول

بعد ما انجح في المرحلة دي حننتقل لمحلة اننا نوصل العربية جزء جزء بالكمبيوتر

المشاركة الأصلية كتبت بواسطة kmk4

بعد ما انجح في المرحلة دي حننتقل لمحلة اننا نوصل العربية جزء جزء بالكمبيوتر

مجهود ممتاز بس الجهاز دا بكام ؟؟

الكمبيوتر ده بكام ومتوفر في مصر ولا لازم اجيبه من برة ؟

الجهاز مش متوفر في مصر ولكن في شركة مصرية كانت جايبة ستوك كبير منه عشان تشغله امبيدد سيستم المهم الشركة دي قفلت وكانت بتصفي انا جبت منهم جهاز ب1200 جنيه من فترة كنت عايز اعمل بيه مشروع امبيدد وخلصت لو الموضوع حيشتغل في العربية ممكن اكلم الشركة اشوف لو لسه عندهم اجهزة نشتريها واكيد لو كنا كتير حناخد بسعر كويس واكيد لو لسه عندهم التجهز حيبوا عايزين يتخلصوا منها ... عشان كده لازم نهتم بدائرة الباور عشان لو اتلسع الجهاز ده حنعيط جنبه وان شاء الله نوفر اجهزة لفريق التطوير ولما ربنا يكرمنا ممكن نستورد الجهاز عادي .. اجمل حاجة في الجهاز البوردة بتاعته صغيرة جدا ممكن تفك الهاوسنج وتحطها في اي مكان ... جماعه المشروع ده حيبقى جامد وممكن فريق التطوير يتواصل عبر الجروب التالي
https://www.facebook.com/groups/340595706023600/

بس 1200 كده التكلفه هتعلى جدا جدا ممكن تشترى شاشه الوان تاتش من رام ب 800 جنيه هتعمل معاك أداء أعلى

الشاشة اللي ب 800 جنيه ديه كام بوصة وبتاخد دخل فيجا ؟؟ والتاتش بتاعها يو اس بي ؟
ورام ده جتب النخيلي صح ؟
انا حجرب الاول بشاشة رخيصة ممكن تنفع المهم عندي دائرة الباوردلوقتي ده اللي بدور فيه