استطلاع :((( امبريزا ام مازدا 3 ام النترا )))

**ASD peugeot** · 13-04-2008 01:10 PM

حضرتك في كلامك قلت ان سعر المازدا 3 في المصريه 119.900 دا سعرها الخليجي ولا من توكيل غبور و ياريت هو في مازدا 3 مانوال جديد و سعرها كام و شكرا لحضرتك

**mido777** · 13-04-2008 02:44 PM

انا معايا النترا

بس صوت للمازدا 3

بجدا عربية ملهاش حل ونفسى فيها

**ramyso4** · 13-04-2008 04:54 PM

i believe the best 3 cars in this catyegory are impreza mazda 3 and focus

if u wana stability go for the impreza

if u wanna performance go for mazda

if u wanna prestige and comfort go for the focus

by the way ford 3amla 7agaat ktiir fel mazda 3 zay el shaseh wel 3afsha w 7agat ktiiiir bas mizet el focus enaha almany

**mtema99** · 13-04-2008 04:58 PM

امبريزا طبعا

**Anti_virus_abdo** · 13-04-2008 05:56 PM

انا ارشح مازدا 3
بس لو انت معجب اوي بالامبريزا زي ما انا شايف فطبعا الامبريازا ممتازه برضه
بس رأي الشخصي لو معاك مبلغ المازدا 3 او الامبريزا يبقي شيل الالنترا من المقارنه (مع احترامي الكامل ليها و انا والله بحب العربيه ديه جدا) بس الملزدا و السوبارو حاجه و هيونداي حاجه و سعرها فعلا مبالغ فيه

**sameh.acc** · 13-04-2008 06:21 PM

# استاذ ASD peugeot مش عارف والله خليجى ولا لا انا شفت الكاملة بتاعتها رحت سائل ع المانيوال راح قايلىب119.000 جنية عندهم فى المخازن حتى بيقولى نزلت عندهم الامبريزا الجديدة اللى اعلى من RK اللى موجودة دلوقتى بفتحة سقف وزينون و اوبشنز اعلى وورا مفيهاش الحتة الحمرا اللى فى الفانوس اللى ورا ودية نازلة ب 146.000 جنية على حسب كلامهم ...
# والله يااستاذ mido777 المازدا مش حاسس نحيتها براحة نفسية حاسس ان التقفيل مش زى السوبارو خالصصص وحاسس الكونسول بتاعها كبة مفيهاش انسيابية من جوا مع انى كمان قعدت فى اعلى موديل ابو فتحة سقف :D هى اية اخبار الالنترا مع حضرتك ؟؟ الاداء عامل اية والفتيس المانيوال لانى اما ركبتها حسيت انو مش سلس ؟!!!؟
# فعلا يا استاذ ramyso4 المقارنة اللى حضرتك عاملها منطقية جدا واظن اهم حاجة المفروض تبقى فى العربية الستابيلتى واللى دية متوافرة جدا فى الامبريزا
# يامسهل يا استاذ mtema99 وترسى على امبريزا لانى حاسس ان لو وفرت سعر الالنترا كاش هريح دماغى من حوارات التقسيط واجيبها :(
# Anti_virus_abdo والله حضرتك لو توافر الكاش للالنترا هضطر اجيبها كاش لكن لو هقسط تقسيط بتقسيط بقى هجيب امبريزا :D
(((( مشكورين ياجماعة ع الردود ومساعدتكم ويجعلة عامر ))))

**mido777** · 15-04-2008 11:15 AM

المشاركة الأصلية كتبت بواسطة sameh.acc

# والله يااستاذ mido777 المازدا مش حاسس نحيتها براحة نفسية حاسس ان التقفيل مش زى السوبارو خالصصص وحاسس الكونسول بتاعها كبة مفيهاش انسيابية من جوا مع انى كمان قعدت فى اعلى موديل ابو فتحة سقف :D هى اية اخبار الالنترا مع حضرتك ؟؟ الاداء عامل اية والفتيس المانيوال لانى اما ركبتها حسيت انو مش سلس ؟!!!؟

فعلا معاك حق بس المازدا من بره حاجة تانية خالص قمة فى الشياكة والأنسيابية
لكن من جوه ضيقة شوية خوصا الكنبة الخلفية - بس اداء قمة

بالنسبة للألنترا هيه بقالها 11 شهر معايا وبصراحة كل يوم بقول الحمد لله كان اخيار موفق من كل النواحى
وبالنسبة للفتيس هو سلس وعادى جدا بس يمكن علشان متعودش عليه فحسيت بكده ,, وكمان لاحظ انه مع الأستعمال اكيد بيلين اكتر