الموضوع: نداء عاجل للمهندس سبعاوي

متابع للمعرفه و تجنب الاخطاء

للأسف موضوع الباور ضعيف ده ممكن يكون مشكلة فى جزء من جزاء عديدة

ممكن تكون طرمبة الباور ضعفت
ممكن تكون مجموعة البلوف بتاعت علبة الديريكسيون بتهرب
ممكن تكون مكابس العلبة نفسه بتهرب
ممكن يكون الزيت فاقد للزوجة والاحتمال ده انت نفيته
ممكن يكون السير مش مشدود كويس وبرضة الاحتمال ده انت نفيته

لذلك الباقى ممكن يتقسم جزئين ، الأول هو الطرمبة، ودى عادة فى اوروبا والدول المتقدمة بيعملوا ليها تيست بسيط جدا ومحتاج عدة بسيطة، لكن فى مصر مرفش حد بيعمل الكلام ده وللا لأ، التيست يشتمل على الآتى:
1- نفك خرطوم الخرج الخاص بالطرمبة
2- يتم تركيب عدة الاختبار والتى هى ببساطة خرطوم يتنهى بمشترك حرف تى ، راكب على احد نهايتيه الأخريين عداد ضغط حتى 100 بار، وراكب على نهايته الأخرى محبس، ويتم توصيل خروج المحبس الى خرطوم خروج الطرمبة الأصلى اللى فكينا طرفه من الطرمبةيعنى كاأننا ركبنا عداد ثم محبس على التوالى مع الطرمبة بحيث يكون الترتيب فى اتجاه حركة الزيت: الطرمبة -العداد-المحبس-الخروج الى علبة الديريكسيون
4- نفتح المحبس على آخره قبل تدوير المحرك
5- ندورالمحرك على سرعة التباطؤ(سلانسية) ونقوم تدوير الديريكسيون الى آخر مشواره ناحية اليمين ثم ناحية اليسار لتفريغ الدورة من اى هواء نثم نعيد الديريكسيون لوضع الوسط
6- نقوم باغلاق المحبس مدة لا تزيد بأى حلال من الاحوال عن خمسة ثوانى حتى لا تتلف الطرمبة، واثناء اغلاق المحبس نلاحظ قراءة العداد، يجب ان تكون القراءة اثناء الاغلاق فى الحدود الموصى عليها من قبل مصنع السيارة لكنها فى العادة مفروض تكون اكثر من 20 بار ، احاول البحث حاليا عن الرقم المضبوط للصنى ويمكنك ان تبحث عليه ايضا، لو القيمة اعلى من هذا الرقم يبقى الطرمبة سليبة اولعيب فى العلبة، لو القيمة اقل من هذا الرقم يبقى فيه مشكلة فى الطرمبة او السيفتى فالف بتاعها

اما الجزء الثانى وهو العلبة فالمشاكل فيه ممكن تكون فى جزئين، إما فى الفالف بودى وإما فى الممكابس والأويل سيلات الخاصة بهما وفى الحالتين سستلزم الأمر فك العلبة ومراجعتها

مش عارف اذا كنت قدرت اكون مفيد وللا لأ لكن للأسف مافيش حل لمعرفة العيب فى الطرمبة او فى العلبة غير الاختبار اللى انا شرحته ده

المشاركة الأصلية كتبت بواسطة walidadel

السلام عليكم يابشمهندس سبعاوي

اود اخد راي حضرتك في امرأ ما طرق علي سيارتي نيسان صني 2008 عامله 132 الف كيلو متر
حالة العفشه ليسه مغير مساعدين من الفين كيلوا بالظبط
الكاوتش بقاله 30 الف بس
بقالي فتره الباور بتاع العربيه تقيل دا بعد اي مشوار و العربيه تسخن و كده
لكن الصبح خفيف و ظريف جدا قولتلهم في التوكيل علي العيب قالي ماعرفش احنا ظبطنا الرجلاش بتاع علبة الدريكسيون يمكن يكون علشان مكنش مظبوط و ظبطان ضغط الهوا في الكاوتش النتيجه زي ماهيا
من فتره كده لما ابتديت الاحظ تقل الباور بصيت علي زيت الباور لاقيته منعدم اللزوجه تمام فقمت بتغيره و حطيت زيت شل اللي في علبه سودا دا
و بردوا نفس النتيجه
و كشفت علي اسير كويس و مشدود كويس بس هيا لما أجي الف الدركسزين علي اخره خالص بسمع صوت تفويته سير بسيطه اوي
و اخيرا روحت لمحمد جابر في شارع دمشق باخد رايه عايز يدخلني في انه عيب مكنة الباور ضعيفه و دا عيب في الصني مشهور و بتاع و لما لاقاني فاهم شويه في الميكانيكا لاني قولتله ما ممكن يكون بلف مثلا مسدود ولا حاجه في مكنة الباور مش لما نكشف الاول ولا هو مكنة باور علطول قالي طيب تعالا في يوم الصبح علشان اوديك عند واحد تكشف و لما نركب يبقي التركيب علي مسئوليتنا

ما راي حضرتك في الموضوع ده لاني احترت اوي الصراحه

انا اشك بنسبه كبيره فى طرمبه الباور اللى حضرتك الشكوى اللى بتقولها دى تنقسم لقسمين فعلا زى ما شرح سبعاوى لكن انا ارجح الاحتمال الاول اللى هوا الطرمبه لسبب انك بتشتكى من المشكله دى لما تمشى بالعربيه فتره لكن فى اول النهاار بيبقى الحاله كويسه ومفيش مشاكل ده من وجهه نظرى لان طرمبه البارو طرمبه ترسيه فى خلووص بيت التروس والهاوسينج بتاع الطرمبه لما بيبقى الزيت تقيل فى الصبح لانه بارد المشكله مش بتبقى ظاهره لكن اول ما درجه حراره الزيت ترتفع وتقل لزوجته هنا بيبان الفقد فى الطرمبه لكن لو موضوع بلوووف فاعتقد انه حيبان فى كل الاوقات الصبح وبعد الضهر

ده رأيى

متابع باهتمام جدا

المشاركة الأصلية كتبت بواسطة ahmedhawas

20 بار دي قليلة أوي !!
تقريبا أقصى ضغط للباور (طبعا لما تحود الدركسيون عالاخر )
بيكون في حدود 90 بار يعني 1300 psi.

20 دى اقل قيمة لقيتها للاختبار على سرعة السلانسية، اللى هو يعنى اقل منها بتكون متأكد ان الطرمبة بايظة، كما ان الضغط يختلف من سيارة لآخرى بحسب قوة الباور وتصميمه طبقا لوزن السيارة، انا ذكرت اقل قيمة قابلتها علشان منغيرش طرمبة سايمة وكمان لأن باور الصنى تقيل بطبعه