الموضوع: أنا ضد المظاهرة المليونية ومش عارفة أعمل ايه

المشاركة الأصلية كتبت بواسطة skybird

كل من صوت ب لا احترم راي الاغلبية ولكن هذا الاحترام لا يعني ان اتخلى عن وجهة نظري
احترمنا راي الاغلبية الموصوته بنعم وندعوكم الى استكمال طريقكم
ولكن لن نطبل لكم

انا بس عايز استفسر من حضرتك على حاجة هو لو الاغلبية اللي قالت لا هي اللي نجحت كان اللي قالوا نعم يعملوا مظاهرات ويقولوا احنا عايزين الجيش يعمل الانتخابات البرلمانية والرئاسية علشان نعيش في استقرار ونرتاح.؟؟؟؟؟؟؟؟؟
*المظاهرات من اجل انه يجب القضاء على الفساد وزيوله نهائيا (ولكن هذا لن هيحدث في يوم وليلة وانا اديت لحضرتك مثل في مشاركة لاحقة)وياريت حضرتك تتخيل كم القضايا المقدمة للنيابة العامة والمطلوب منها التحقيق فيها مع تحري الدقة والسرعة (دا ربنا خلق الدنيا في ستة ايام واستوى على العرش في اليوم السابع) علشان يعلمنا الصبر
*الغاء قانون منع التظاهرات (لو حضرتك فكرت هتلاقي ان لازم والمفروض لو الواحد بيحب بلده وعايزها ترجع تاني بسرعة والاقتصاد يبدا ينمو تاني هو اللي يطلب القانون ده علشان بدل ما نعمل مظاهرات نشتغل احسن)
*تجميد ارصدة الفاسدين والمهدرين للمال العام وما ينفعش ان الواحد يجمد ارصدة واحد بدون ثبوت اي ادلة عليه يبقى نحقق الاول وبعدين نثبت وعلى طول نجمد
*الأفراج عن معتقلين الرأي الذين اعتقلهم الأمن المركزي مسبقا و الشرطة العسكرية حديثا الجيش لم يعتقل حد بدون وجه حق وإلا كان اعتقل طلاب كلية اعلام عند احتجازهم للعميد وبعض المدرسين (علشان عمر دي ما كانت حرية ولا ديمقراطية) واظن ان لو والدك او والدتك هما اللي محتجزين كنت عملت كتييييييييييييييييييييييي ر اوي (بس الجيش ما عملش حاجة ومفيش دليل واحد على كدا) حتى الفيديوهات مش مش مبينة حاجة.
انا عارف ان كلنا عايزين مصلحة البلد بس واحدة واحدة وبالهدوء كل حاجة هتمشي

المشاركة الأصلية كتبت بواسطة cheetos_892005

مع احترامي للمطالب

اللي مش شايف فيها الحجه الجديده للتريقه عالثوره

اللي هي ان اللي قال (لا ) مش موافق عالنتيجه

معرفش جبتو التعميم ده منين

ما علينا

المطالب مشروعه

لكني مش هنزل عشان انا راضي بالنتيجه و صابر

ده الصح والله
سواء راضي او مش راضي بالنتيجه لازم نحترم راي الاغلبيه والا فالفوضي حتكون عنوانا بعد كده

المشاركة الأصلية كتبت بواسطة skybird

وقف الشائعات باظهار الحقائق
كم موظف وصلت له رسائل وبيانات ان الوزير خفض الحوافز 50% او ان الحافز "كذا" سوف يلغيه الوزير الحالي
كم موظف وصل له بيان ان الوزير السابق قرر زيادة لقطاعه ولكن الوزير الحالي لغاها
كم موظف وصل له بيان ان المحافظ قرر لقطاعه حافز شهري من المحافظة ولكن المدير العام لغاه
حين تصل هذه البيانات المكذوبة للموظفين فطبيعي ان ينظموا احتجاجات على طريقة اذا لم نتظاهر فسوف يضيع حقنا هذه فرصة
هل محاربة الشائعات صعبة ببيانات اسبوعية او حتى يومية من رئيس الوزراء لكشف الحقائق واظهار خطة الحكومة في اعادة صياغة المرتبات بطريقة حديثة لايظلم فيها موظف بسبب موقعه الوظيفي وانهاء الفروق الضخمة بين موظف وزميل له في نفس الفئه
الحلول كثيرة لطمئنة الناس وتشجيع العمل بدل اصدار القوانين

رسائل وبيانات
مين اللى بيبعتها
ولما توصلك رسالله زى دى بتروح تسأل مديرك ولا تتظاهر
ولو مديرك قالك أشاعه بتصدقه ولا تعمل مظاهره والوزير لازم يطلع ينفيها

يعنى أنا جاتلى رساله من عضو فى المنتدى أن كريم منير قال اللى مش مشترك سنوى هيتلغى أشتراكه
أسأل كريم ولا أكتب موضوع فى المنتدى
ولو كريم قالى دى أشاعه , أصدقه ولا أكتب موضوع برضه وأقول دى مش حريه ولا أروح أقدم شكوى فى مباحث النت

المشاركة الأصلية كتبت بواسطة skybird

لو قرات اخر فقرة مكنتش رديت الردود دي

التظاهر وحرية التعبير حق اصيل لي تكفله الديمقراطية و لا يخضع حتى لراي الاغلبية
لا يحق اخضاعها للاستفتاء مطلقا زيها زي المساواه وزي مثل الاقليه اللي ذكرته سابقا

وبصراحة هذا يوضح ازمة استيعاب منهج الديمقراطية في مصر والعالم العربي
الخطأ الشائع ان الديمقراطية اغلبية واقلية فقط
لا يجوز ان ادعو لمظاهرة وتقول لي ان الاغلبية لاتوافق ... يمكن ان نسمي هذا اي شئ غير اسم الديمقراطية
من حقك ان تعبر عن رفضك بدون ان تعتدي على حرية غيرك

حضرتك فاهم الديمقراطيه صح وعارف قواعدها
عارف التظاهر قى العالم المتحضر اللى بتنادى بيه أزاى
لو ثابته معروف مكانها ومؤمنه وحاطين حواجز تبين حدودها بشرط لا تعطل المرور سواء مشاه أو سيارات ولو حد طلع رجله براها بيتقبض عليه وبيتقدم للمحاكمه
ولو مسيره معروف خط سيرها ولو متظاهر واحد عطل مرور هيروح فى داهيه
ولو مش مصدق أسأل

المشاركة الأصلية كتبت بواسطة s a m a

الله ينور عليك
وبعدين هم كده كده معملوش استفتاء
لانهم عارفين انه امر لا يجوز الاستفتاء عليه
اخدوا قرار مرة واحدة وحطونا امام الامر الواقع
لولا المظاهرات دى ما كانت قامت الثورة
ازاى اضع قانون يمنع حق اصيل للمواطن
وجملة تؤدى الى تعطيل العمل
ده ازاى اصلا
ابسط شئ المظاهرات العمالية دى من حق العمال فى العالم كله
امال العمال لما يتعرضوا لظلم وفساد
يعملوا ايه وازاى هيأثروا لو معطلوش العمل ؟

القانون قال المظاهرات التى تؤدى لتعطيل العمل لكن السلميه مفيهاش مشكله
حق التظاهر فى العالم مكفول للعاملين لكن ليها قواعد
والتظاهر فى المنشأت العامه غير الخاصه

راجعوا قوانين التظاهر فى العالم وطبقوها فى مصر

هو ليه الناس مصرة تخلط الأوراق ببعض؟؟؟

ايه علاقة الدعوة للمظاهرة بالبرادعي بالديموقراطية؟؟؟

أولا المظاهرة طلباتها كالتالي:

1- الأسراع في محاكمة كبار الفاسدين و علي رأسهم مبارك و ثلاثي الشر : زكريا عزمي و صفوت الشريف و فتحي سرور .

2- حل الحزب الوطني اساس الخراب و الفساد في بلادنا .

3- الأفراج عن معتقلين الرأي الذين اعتقلهم الأمن المركزي مسبقا و الشرطة العسكرية حديثا .

4- الأسراع من مصادرة اموال الطغاة و رجال الأعمال الفاسدين و تجميد كل ارصدتهم في كافة بنوك العالم و اولهم ال مبارك , و تطهير الأعلام الفاسد الذي يدافع عنهم و يؤيد ثورتهم المضادة .

5- التأكيد علي حرية الرأي و التظاهر السلمي و عدم العمل بأي قانون يصدر لتقييد رأي الشعب الذي يستمد الجيش منه شرعيته .

ايه اللي شايفينه مش مطلب عادل و مشروع؟؟؟؟ و ايه علاقة المطالب دي بالاستفتاء أصلا؟؟؟؟ على فكرة النشطاء بتوع الثورة مش كلهم قالوا لأ, فيه نسبة كبيرة منهم قالت نعم. انما كدة كدة نعم و لا دول كانوا على التعديلات الدستورية ملهومش ادنى علاقة بالمطالب دي اللي هي مش جديدة أصلا.

هي الحجة الجديدة بعد أحترام مبارك و الخوف من الفوضى و الفراغ الدستوري, بقت ال77% نعم؟ أي حاجة الحكومة و الجيش عايزينها حتبقى عشان ال77% نعم؟؟؟ كالعادة مغالطات و كلام ملهوش علاقة ببعضه.

ثانيا هو البرادعي ماله برضه بالموضوع ؟؟؟ البرادعي هو اللي دعا للمظاهرة؟؟؟؟ بجد مش قادرة أفهم ايه التربص و الكره ده للراجل.عمل ايه البرادعي بشع كدة عشان الناس تبقى بتتلكك كدة عشان تهاجمه؟؟؟؟ بجد غسيل المخ اللي الحكومة عملتوا للناس على مدى أكتر من سنة تأثيره فظيع. مش بأقول ان كل الناس المفروض تأيد البرادعي, عادي جدا ان حد يكون مش عاجبه أو مختلف مع أفكاره او تصرفاته انما بجد الغل اللي جوة بعض الناس ناحيته ده غريب قوي.

و بعدين ليه الناس أعتبرت نسبة نعم في الاستفتاء هزيمة للبرادعي؟؟؟ أفهم من كدة انكوا بتعتبروا ان ال 22% اللي قالوا لأ مؤيدينه؟؟ ده على كدة بقى شعبيته كاسحة. ما هو كل مرشحي الرئاسة اساسا قالوا لأ فلما يبقى البرادعي بس اللي أنصاره سمعوا كلامه و قالوا لأ و شكلوا النسبة دي, يبقى بعد ما يعمل حملة انتخابية بقى و يوصل للناس البسيطة حيكتسح بدون منازع!!!!!!!!!!!