الموضوع: أنا ضد المظاهرة المليونية ومش عارفة أعمل ايه

المشاركة الأصلية كتبت بواسطة ashturbo

لو تسمحلي أنا مختلف معاك في الرأي
طبيعي يبقي فيه اختلافات في الراي لكن المهم ان يظل في حدود الاحترام وان تقبل الاقلية قرار الاغلبية واكيد مفيش خلاف بيننا في ذلك

كواحد قلت لأ وقبل نتيجة الأستفتاء قولت لو النتيجة نعم هنحترم نعم وكلنا في الآخر كسبانين كمصريين لحد كدة جميل .....
وانا كواحد قلت نعم دخلت هنا وقلت ليلة الاستفتاء ان لو لا اللى حصلت على الالغلبية هحترم القرار فورا و ده الطبيعي

بعد النتيجة أتفرج على عدد من الشيوخ وهم رموز مش أفراد عاديين يعني ليهم أتباعهم وهم كثر وأفتكر فيديو للشيخ يعقوب كان أسمه غزوة الصناديق على ما أتذكر وقال بالحرف : اللي قال لأ ومش عاجبه رأي الأغلبية يتفضل يمشي من البلد ورفع أيده في أشارة للخروج من مصر دة غير أن كتير قالوا كلام غير صحيح زي علمانيين وليبراليين وملحدين وضالين ومضلين ومتأمركين .
الشيخ يعقوب وضح انه كان يمزح كعادته في دروسه وان الدرس كان خاص ولم يكن عام وقتل الموضوع بحثا هنا

عشان أكون حيادي بعض من اللي قالوا لأ أبدوا تخوفهم من الحكم الأسلامي أو الدولة الدينية في حالة التصويت بنعم ولكن هل قالوا أن اللي هيقول نعم خائن وعميل هل قالوا أنه أرهابي متطرف ؟
وبعض من قالوا نعم فعلا قالوا نعم لان الكنيسة طلبت من اتباعها التصويت ب لا وفيديو القس عبد المسيح بسيط وغيره موجودين لكن المشكلة ان التركيز يكون دائما ضد كل ما هو اسلامي فقط فالكل هاج على الشيخ يعقوب وعلى لافتات نعم الدينية - وانا معترض عليها - لكن لم يتكلم احد عن القس عبد المسيح او باصات الكنائس

وبعض انصار لا قالوا بعد الاستفتاء ان من قالوا نعم قالوها كلهم اما بسبب الجهل الديني او الجهل الثقافي والسياسي وانه عليهم ان يطيعوا المثقفين انصار لا فهم ادري بمصلحتهم ومصلحة الوطن

ياسيدي خليني أقول لأول مرة من بعد ظهور نتيجة الأستفتاء وهو شيء مكنتش عاوز أقوله وهو ان اللي قالوا لأ لم يستخدموا الدين
يا صديقي راجع فيديو القس عبد المسيح بسيط يتصل باحدي القنوات المسيحية ليلة الاستفتاء ويقول انه على كل مسيحي الذهاب بالتصويت ب لا حتي لو كانت حامل ستلد تاني يوم
أو أي وسية أخرى للتأثير على المواطنين لم يقولوا لأحد قول لأ قالوا أحنا هنقول لأ
وهو اعلان هنقول لا وناخد 5 معانا كان ايه ؟
والاعلانات علي صفحة كاملة في الجرائد اليومية لقول لا تبقي ايه ؟

بينما أستخدم الآخرون الدين بشكل غير نزيه في تشوية صورة كل من قال لأ ووضعهم في خانة الأعداء للوطن وللمسلمين في نظري هم دول سبب الفتنة الحاصلة دلوقتي .
بعض الشيوخ وبعض القسس استخدموا الدين بشكل غير صحيح وانا مش موافق على اسلوب الطرفين

ليه بنصنف بعض وليه بنخون بعض هل ده في مصلحة البلد دلوقتي النتيجة ظهرت خلاص نبص لقدامنا بقى منبصش لورانا نشوف هنعمل أيه في الفترة الجاية نشتغل ونبني ونعمر وننتخب اللي يمثلنا في البرلمان وفي الرئاسة خلونا نتنفس شوية هوا نظيف بدل القرف اللي عشنا فيه 30 سنة .

متفق معاك تماما علشان كدة مش موافق على مليونية الجمعة القادمة
ويا رب الاخوان ما يشاركوا فيها ونشوف المليونية هاتبقي كام ؟؟؟؟؟؟