توازن الضغوط هو الذى يدفع الامور الى الامام , فعلى سبيل المثال لم يحرك المجلس الاعلى ساكنا لتغير حكومه شفيق الا بعد القيام بالمظاهره المليونيه واعتقد ان محاكمه مبارك و صفوت و عزمى وسرور لن تتقدم الا بعد عمل مظاهره مليونيه أخرى.
وبصراحه المظاهرات المليونيه وقفت فتره زى ما ناس كتيره كانت عايزه و الناس قالت نعم فى الاستفتاء برضوا علشان الاستقرار , والحكومه اصدرت قانون ضد المعتصمين علشان الاقتصاد , يبقى دلوقتى المظاهره المليونيه علشان محاكمه المفسدين مش من المفروض انها تؤثر على الاقتصاد أو الاستقرار.(المجلس الاعلى حصل على نعم على التعديلات زى ما كان عاوز , والوزاره اصدرت قانون الاعتصام زى ما هيه عايزه ووزير العدل قال انه مش حيطبق فى ايام العطلات زى الجمعه)
فالمفروض دلوقتى ان المظاهره مش حتهز الاستقرار أو تعطل الاقتصاد , بل على العكس المفروض انها لو تم الاستجابه لها ستضعف فرص شله المفسدين فى ارباك الحكومه فى تحقيق الاستقرار والازدهار , فلماذا الخوف منها اذا
المفضلات