الكوبلين ... بجد العربية ديه ربنا يستر

**safwat_shawkt** · 30-03-2011 12:44 PM

اعذرنى ... جايز اجابتى على موضوعك مش بالقدر الدقيق او اللى يرضيك لكن احتمال يكون سبب , هل تسكن بشارع فيه مطبات كتير ( انا عارف ان مصر كلها مطبات لكن انا اتكلم عن شارعك ) ثانيا هل انت ظابط الزوايا جيدا واطاراتك سليمه ( ممكن يكون هناك انبعاج او انحراف فى الجنط مكان حدوث الخراب بالكوبلن ) ثالثا ماهو مقاس الجنط لديك وهل هو اصلى بلده ( متوافق مع سيارتك ) وانا هنا بالسعوديه على علاقه ممتازه بالوكيل حاضر لاي شيء فقط كل ما اريده الدعاء لوالدى وزوجتى بالشفاء

**Deshahcoka** · 31-03-2011 12:05 AM

ربنا يكرمك ياباشا و الف شكر :)

انا العربية بجنط الوكالة بتاعها 17" و اطاراتي امامي جديدة و زوايا متظبطه على الميلي و كله تمام :( انا والله محتار مش عارف اعمل ايه

مفيش قدامي خير الكوبلين الي من التوكيل ابو 3500 ده :( والله حرام بجد :( يعني سعره مأفور اوي اوي :(

انا غيرت نص خارجي و باظ تاني فمش عارف اغير تاني ؟

رجالة ممكن مساعدة ؟

يعني هوا محدش عارف ينصحني ولا ملوش نفس ؟ :(

**M.Akef** · 31-03-2011 01:05 AM

ولله يا معلم انا مش عارف اقول لك ايه لكن عموما انا كدا كدا اعرف ان الجنط كدا هيخلي الكبالن تودع بدري و دا مش في السيراتو لوحدها اي عربيه في الدنيا بتاخد جنط كبير بيعمل فيها كدا
طب ما تحاول تطل واد من العربيات الانصاص الي بتيجي من بره اكيد هيكون رخيص عن كدا

**Deshahcoka** · 31-03-2011 08:46 AM

المشاركة الأصلية كتبت بواسطة medoakef

ولله يا معلم انا مش عارف اقول لك ايه لكن عموما انا كدا كدا اعرف ان الجنط كدا هيخلي الكبالن تودع بدري و دا مش في السيراتو لوحدها اي عربيه في الدنيا بتاخد جنط كبير بيعمل فيها كدا
طب ما تحاول تطل واد من العربيات الانصاص الي بتيجي من بره اكيد هيكون رخيص عن كدا

بيقولوا مفيش استعمال و لو في كله شكك فيه على انه بيكون متصلح و تغيرله راس ولا حاجة و تلبسه انتا زي ما صلحت بتاعي و بعديها باسبوع باظ :(

والله مش عارف اعمل ايه بجد :( اصلوا كتير اوي :( يعني الكوبيلن في العربيات التانية فبريكة مش اكتر من 500 ولا حاجة و ديه ب 3500 :( انا مصدوم من ساعتها بجد :(

الف شكر

**SAMEHNOSHI** · 31-03-2011 09:33 AM

باشا بما انك رحت كشفت فى التوكيل يبقى عربيتك وكيل مش خليجى, صح؟؟
طيب المفروض الوكيل مدى ضمان على العربية 5 سنين او 100 الف, لية مغيرتوش فى الضمان؟؟؟؟

**HOSSAM99** · 31-03-2011 09:33 AM

السلام عليكم ورحمة الله
أنا مقدرش أقول غير أن حضرتك تهاونت و أهملت في أخذ حقق
حضرتك عربيتك علي ما أذكر 2010 وعامله 4000km
طيب فين الضمان
دا غبور اللي أسمه غبور بيراعي العملاء عن كده وبالتجربه
والله العظيم مغير كوبلنين بسبب ترشيح بسيط في الكوبلن اليمين فوق الكاوتشه تعريق بسيط
ثاني حاجه مغير مكنتين رفع امامي في علشان في زجاج بيتاخر عن زجاج ثانيه واحده
ده في الالنترا
اما الماتريكس
سلك واير بنزين ليه علشان معجبش المهندس وهو بيعاين وبيستلم العربيه
غيرولي كاست علشان بيهنج مع انه بيهنج مع الاسطوانات المتدمره
و أي حاجه بيعملها من نفسه
هو غبور ليه مساوئ لكن في موضوع الضمان ده بيريح دماغه و لا يتهاون في أرضاء صاحب الضمان

أما بخصوص مشكلتك هو حضرتك عربيتك فيها حاجه بتاثر علي عمل الكوبلن
فالحل أن حضرتك تغير الكوبلن في التوكيل و تحاول تاخد منهم عليه ضمان
وتحاول تطمن علي البارات

**M.Akef** · 31-03-2011 11:43 AM

المشاركة الأصلية كتبت بواسطة deshahcoka

بيقولوا مفيش استعمال و لو في كله شكك فيه على انه بيكون متصلح و تغيرله راس ولا حاجة و تلبسه انتا زي ما صلحت بتاعي و بعديها باسبوع باظ :(

والله مش عارف اعمل ايه بجد :( اصلوا كتير اوي :( يعني الكوبيلن في العربيات التانية فبريكة مش اكتر من 500 ولا حاجة و ديه ب 3500 :( انا مصدوم من ساعتها بجد :(

الف شكر

لا يا باشا العربيات الانصاص الي بتكون نزله من بره مبتلحقشي تمشي حاجه عشان تبوظ اصلا شوف عند واحد حبيبك و قول له هجربه الاول لان فعلا 3500 دا رقم مستفز جدا

**Deshahcoka** · 01-04-2011 03:02 AM

عربيتي وكيل و الكوبيلن برا الضمان سوء استحدام .... 40 الف مش 4 الف .. و انا اصلا طلعت براه الضمان عشان مشكلة الاولانية الي في الكبالن و عشان حاولت اخد حقي :( حتلاقوها في موضو قديم ... فكلا الحالتين ملوش لزمة الضمان اصلاً... ربنا هوا الضامن و الستار ..

المهم الطامة الكبري الي مش عارف افوق منها لحد الساعة ديه :(

العربية الكوبلينين يمين و شمال بايظين و جايبين اخرهم :(

سعرهم مش اقل من 6000 جنيه مصري و بجد انا مش عارف اعمل ايه .... كبداية حبيع الموبايل و ربنا يرزقني بالباقي ...

عشان استعمال مش مضومن و راس خارجية ب 250 غيرت و فركت تاني ... و العربية خلاص مش بتمشي و الطارة بتعلق و الدنيا بايظة قوي

حرررررررررررررررررررررررر ررررام :(

**Deshahcoka** · 02-04-2011 02:14 AM

يعني دلوقتي عشان محسش بتأنيب ضمير اني سبب بوظانة :(

هل السبب الني مبسوقش كويس ؟ سرعات و كيك دوان ؟ غرز ؟ نقر ؟ مطبات ؟ فرامل ؟ ايه بظبط ؟

**hmotors** · 02-04-2011 03:53 AM

المشاركة الأصلية كتبت بواسطة Deshahcoka

يعني دلوقتي عشان محسش بتأنيب ضمير اني سبب بوظانة :(

هل السبب الني مبسوقش كويس ؟ سرعات و كيك دوان ؟ غرز ؟ نقر ؟ مطبات ؟ فرامل ؟ ايه بظبط ؟

أكبر مشكلة تأثر على الكبالن هى كثرة لف الدريكسيون على الأخر والتحميل عليه وخصوصا فى حالة طلوع أرصفة حتى لو منخفضة ممكن المطبات الشديدة المتكررة على السرعات العالية او خبطة مباشرة من تحت طوبة او اى حاجه تانية

الأهم بقه ان يكون كوتشات الكبالن الى بتحتفظ بالشحم اتخرمت او اتقطعت فا وقع الشحم كله ونشفت وده يأدى انها تبوظ فورا حتى لو لسه شارى العربية. ودى عيوب الدفع الأمامى فى اى عربية

.