المية الخضراء

**macdiv** · 29-03-2011 04:00 PM

المشاركة الأصلية كتبت بواسطة mazenzyad

انا استلمت السيارة منذ 4 شهور و كانت العلامة فى المنتصف و النهاردة لقيتها نقصت نص سنتى تقريبا ، و قولت املاها لغاية علامة الmax و اشتريت جركن مية خضرا الوطنية تركيز 11 % 4 لتر ب 28 جم و زودت القربة والعربية باردة لمدة 10 ساعات ، آدى كل اللى حصل يا سيدى و فوجئت ناس تقولك حمرا و ناس تقولك خضرا و ناس تقولك توتال و ناس تقولك موبيل و ناس تحكى فى التركيز !!!!!!!!!!! ايه الحكاية مش عارف !! انا اعرف زمايلى فى الشغل بيحطو ميه خضرا و خلاص اى نوع ، ارجو الافادة لاصحاب الخبرة فى اللوجان .

زي منت ولا تعمل اي حاجه (النصف سنتي او الكماله اللي انت حطيتها لن تسبب اي مشاكل ان شاء الله

**ahmedbakr50** · 29-03-2011 02:50 AM

المفروض فى أى صيانة دورية بيزودوها لوحدهم من غير متقولهم وده حصل معايا فى الصيانات الدورية

**MOUSTAFA_SAAD** · 29-03-2011 07:35 AM

ياعم الحاج العربيه بتاخد مي خضراه مش حمرا والموضوع مش فارق اوى فى نوعية الميه يعنى كمل الجركن اللى معاك عادى اهو احسن من ماية الحنفيه
وبعدين مية ايه دية اللى حتبوظ حاجه فى العربيه علشان غيرت نوعها هو احنا راكبين عربيه ورق

**Ahmed A Rahman** · 29-03-2011 01:17 PM

لصاحب الموضوع:

رينو ميتحطش فيها غير ميا حمرا

يا حبذا لو كان توتال

العربية الميا اللي فيها حمرا بس الواحد بيشوفه اصفر فاتح وده عشان لونه بيفتح

اكبر خطأ هو خلط الميا الحمرا بالخضرا بيؤدي لمشاكل كبيرة وده اللي مكتوب على العلبتين واشتريت علبة موبيل ب 60 جنيه بسبب الخداع البصري

الحل
روح نزله فورا و حط توتال تاني

**MOUSTAFA_SAAD** · 29-03-2011 07:15 PM

ياجماعه انا شايف الميه بتاعت اللوجان بعينى خضرا مش حمرا الفرق واضح يااخوانا يمكن الميجان اللى بيتحط فيها حمرا

**mazenzyad** · 29-03-2011 07:30 PM

المشاركة الأصلية كتبت بواسطة moustafa_saad

ياجماعه انا شايف الميه بتاعت اللوجان بعينى خضرا مش حمرا الفرق واضح يااخوانا يمكن الميجان اللى بيتحط فيها حمرا

قوللى بقا يا درش بعد الخلافات دى ايه رأيك ؟ و بالاخص رأى الدكتور عبدالرحمن عشان انا بحس ان مشاركاتو جامده !!!! عشان انتا مستغرب من سؤالى

**MOUSTAFA_SAAD** · 29-03-2011 08:12 PM

انا مش مستغرب ولا حاجه
بس مفيش حد هيقولك انهى الافضل لان الحكم على موضوع الميه صعب
ممكن تحسبها بالسعر فتلاقى ان موبيل اغلى نوع فيبقى تقول موبيل افضل وانا بصراحه مش مقتنع بى حاجه تبع موبيل لانها صنع مصرى وانت عارف الغش عندنا عامل ازاى وكمان شايف انها مبالغ فى سعرها فى كل حاجه تقريبا
علشان كده انا اشتريت جرجن ميه خضراء اسبانى 5 لترب 35 جنيه
المهم انا لما رحت التوكيل مهندسة الاستقبال شافت الجركن فى الشنطه وقالتلى انها بتاخدميه حمرا قولتلها لا بتاخد خضرا وانا شايفها بعينى فسكتت
وانا شوفت الحمرا دية فى عربيات تانيه وواضح الفرق بين الحمرا والخضرا جدا يعنى ممكن تكون فىلا دفعات من العربيه نزلت بميه حمراء ودفعات تانيه نزلت بميه خضراء وده بيحصل فى عربيات كتير على فكره او مهندس التوكيل اتلغبط بين اللوجان والميجان او السيراتو اللى فى نفس التوكيل
ومش معقول يعنى موضوع الميه ده هو اللى حيبوظ العربيه ده احنا محطيناش مية نار ياجماعه دى مية راداتير برده يعنى بغض النظر عن الماركه حتكون احسن من مية الحنفيه اكيد

وفى ناس كتير فى منتدى اخر برده بيحطوا ميه خضرا وهما اللى عرفونى بالميه الاسبانى

بس انا متاكد للمره الالف انها ميه خــــــــــــــضـــــــــ ـــــــــــــــــــــــــ ـرااااااااااااااااااااااا اااااااااء

**ahm7573** · 29-03-2011 10:10 PM

المشاركة الأصلية كتبت بواسطة moustafa_saad

انا مش مستغرب ولا حاجه
بس مفيش حد هيقولك انهى الافضل لان الحكم على موضوع الميه صعب
ممكن تحسبها بالسعر فتلاقى ان موبيل اغلى نوع فيبقى تقول موبيل افضل وانا بصراحه مش مقتنع بى حاجه تبع موبيل لانها صنع مصرى وانت عارف الغش عندنا عامل ازاى وكمان شايف انها مبالغ فى سعرها فى كل حاجه تقريبا
علشان كده انا اشتريت جرجن ميه خضراء اسبانى 5 لترب 35 جنيه
المهم انا لما رحت التوكيل مهندسة الاستقبال شافت الجركن فى الشنطه وقالتلى انها بتاخدميه حمرا قولتلها لا بتاخد خضرا وانا شايفها بعينى فسكتت
وانا شوفت الحمرا دية فى عربيات تانيه وواضح الفرق بين الحمرا والخضرا جدا يعنى ممكن تكون فىلا دفعات من العربيه نزلت بميه حمراء ودفعات تانيه نزلت بميه خضراء وده بيحصل فى عربيات كتير على فكره او مهندس التوكيل اتلغبط بين اللوجان والميجان او السيراتو اللى فى نفس التوكيل
ومش معقول يعنى موضوع الميه ده هو اللى حيبوظ العربيه ده احنا محطيناش مية نار ياجماعه دى مية راداتير برده يعنى بغض النظر عن الماركه حتكون احسن من مية الحنفيه اكيد

وفى ناس كتير فى منتدى اخر برده بيحطوا ميه خضرا وهما اللى عرفونى بالميه الاسبانى

بس انا متاكد للمره الالف انها ميه خــــــــــــــضـــــــــ ـــــــــــــــــــــــــ ـرااااااااااااااااااااااا اااااااااء

أنا كمان عندى المية خضراااااااااااااااااااء