المية الخضراء

**Ahmed A Rahman** · 30-03-2011 12:31 AM

لثاني مرة:

اللوجان لون الميا في الاربة بيبان اصفر فوسفوري مخضر (حلو كده يعني عشان الناس كلها

)

وده حيخليك زي مانا عملت تروح تشتري الميا الخضرا على طول ( اللي هي لونها اخضر اوي كأنها عصير برسيم)

اللي فاكر انا كنت غيرت حساس الحرارة في التوكيل عشان مؤشر الحرارة كان مبيعلاش على شرطتين

المهم ان نقصت الميا غالبا مع تركيب الحساس

على آخر لحظة تأكدت ان الميا اللي في الاربة حمرا (هي مش حمرا هي برتقالي فاتح اوي)

شكلها زي كده

الازازة الصغيرة بحوالي 12 جنيه لتر
الجركن الصغير بحوالي 50 جنيه 4 لتر

[sor2]http://img801.imageshack.us/img801/8587/29500132.png[/sor2]

اشتريتها من بنزينه توتال اللي على الدائري بتاع المرج على الناحيتين
يعني جي في اي اتجاه حتلاقي بنزينه توتال جنبك

لقيتها بعد كده في توتال شارع مكرم عبيد وتوتال مدخل المعادي الرئيسي

عناوين بنزينة توتال في مصر والوطن العربي

[sor2]http://img9.imageshack.us/img9/9723/49502180.png[/sor2]

بعد القيام بتزويد الميا

حطيت نصها في اللوجان : النتيجة اللون واحد
حطيت النص الثاني في الداستر : النتيجة اللون احمر شوية بس متغيرش

اللي عايز يحط ميا خضرا عادي برضه بس توتال احسن لان فيها organic coolants

عايز تحط ميا خضرا برضه حط ميا خضرا بس تنزل اللي فيها وتضيف ميا من الاول

اللي حيقول على اللوجان فيها ميا خضرا بعد كده حرشه بالميا الحمرا

آخر حاجه بعد كل ده اللي عايز يحط ميا خضرا في اللوجان يتفضل عندي جركن مقفول متبرشم موبيل ميا خضرا ب 60 جنيه
حعرضه للبيع ب 45 جنيه شاريه من شهر من موبيل الرحاب ومش عارف اعمل بيه ايه
بس ميحطوش في الردياتير ادامي عشان حتصعب عليا العربية

**hassaan** · 30-03-2011 11:30 AM

طيب لما كلمت التوكيل قالي بلاش اجيب مية حمرا و احط مية مقطرة اية رايك في الكلام دة ؟

**amr.elsayed** · 30-03-2011 07:52 PM

المشاركة الأصلية كتبت بواسطة hassaan

طيب لما كلمت التوكيل قالي بلاش اجيب مية حمرا و احط مية مقطرة اية رايك في الكلام دة ؟

بص الخلاصة من الموضوع
لو حتزود مياه .. زود ماية مقطرة او مياه بنفس اللون والتركيز .. نفس النوع الموجود فى العربية
لو حتحط مياه حمرا تنزل الماية كلها وتحط الماية الجديدة
نفس الموضوع للمياه الخضراء تنزلها كلها وتحط الماية الجديدة
.........................................
سؤال بقى ملخبطلى دماغى ... هو فى ناس كتيير بتغير الماية ليييه ... مش المفروض الماية دى مش بتنقص علشان دورة الماية مغلقة
وبالتالى مافيش تبخير الا اذا كان فيه تسريب فى اى جزء من اجزاء دورة التبريد
........................................
فى حاجة تانية عايز اقولها ان مستوى ارتفاع المياه داخل الاربة بيتغير حسب درجة حرارة الماتور ... يعنى مش مجرد ما تلاقى الماية ناقصة شوية او عالية شوية انك تزودها
خلى فى وقت محدد تكشف فيه عن مستوى ماء التبريد وليكن وانت رايح الشغل الصبح وبكدة نضمن ان الماتور بارد تماما وحناخد قراية صح من الاربة كل مرة نكشف فيها عن الماية لاننا بنكشف عن مستوى ثابت فى ظروف متشابهة كل يوم

**MOUSTAFA_SAAD** · 30-03-2011 09:23 PM

يادكتور احمد انا معاك فى اللى انت بتقوله
بس انا اعرف ان اللون الفسفورى ده بيبقى ناتج من اللون الاخضر مش الاحمر عموما انا زى ماقلت ان مهندسة الاستقبال فى التوكيل قالتلى انا بتاخد ميه حمرا وقولتلها ان انا شايفها خضرا وكانت مصممه وانا كنت مصمم برده لانى شفت الميه الحمرا فى الاوبترا وكان لونها الاحمر باين جدا وده اللى مخلينى مستغرب فعلا
عموما ياريت تتاكدولنا من التوكيل وانا برده حاحاول معاهم بس مش عارؤف ليه دايما بتحط على الويتنج فتره طويله وفى الاخر محدش بيرد وعاوزين نعرف نزود اى نوع ميه وهل الميه المقطره دية هى نفس الميه اللى بتتجاب لتزويد البطاريات السائله

**hassaan** · 30-03-2011 09:51 PM

نزلت يا جماعة النهاردة البنزينة وادوني مية مقطرة وحطيتها في القربة بس لقيت مكتوب عليها استخدامها للبطاريات ؟ موضوع غريب فعلا وكلمت الميكانيكيون العرب قالولي ساعات العربية بتنزل بمية خضرا الكلام دة من المهندس اللي هناك قولتلة هي اساسا بتبقي مياة توتال الحمرا قالي لا احنا بنحط مية خضرا

**MOUSTAFA_SAAD** · 30-03-2011 10:13 PM

المشاركة الأصلية كتبت بواسطة hassaan

نزلت يا جماعة النهاردة البنزينة وادوني مية مقطرة وحطيتها في القربة بس لقيت مكتوب عليها استخدامها للبطاريات ؟ موضوع غريب فعلا وكلمت الميكانيكيون العرب قالولي ساعات العربية بتنزل بمية خضرا الكلام دة من المهندس اللي هناك قولتلة هي اساسا بتبقي مياة توتال الحمرا قالي لا احنا بنحط مية خضرا

وادى تاكيد تانى
ممكن فعلا تكون بتنزل بميه خضرا ودفعه تانيه بميه حمرا
بس الفوسفورى ده عمره مايكون احمر

**mazenzyad** · 31-03-2011 01:19 AM

المشاركة الأصلية كتبت بواسطة moustafa_saad

وادى تاكيد تانى
ممكن فعلا تكون بتنزل بميه خضرا ودفعه تانيه بميه حمرا
بس الفوسفورى ده عمره مايكون احمر

الحمد لله ، و نويت لما ازود هزود مية خضرا موبيل .

**ma_zaher** · 31-03-2011 02:15 AM

وانا لسه مستلم العربيه والمياه الى [b]فيها خضـــــــــــــــــــــــ ـــــــــــــــــــــــرا ء [/b]

**Ahmed A Rahman** · 31-03-2011 02:44 AM

بصوا يا رجالة انا عندي حل للموضوع ده كله

احنا نتجمع كلنا في مقابلة لوجان

وننزل مية العربيات كلها في نفس الوقت ونجمعهم في container كبير

وبعدين نشرب منه كلنا قصدي نحط كلنا منه في العربيات على ضربة رجل واحد

ويا نعيش عيشة فل يا نموت احنا الكل

بس يا خوفي للون يتغير ساعتها ويدي لون ثالث